Jeremaia 2:36 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁶ Ezɨ ia manmaghɨn amigha tuavir mamɨn gɨn ghua anetegha zuamɨra ghua tuavir igharazimɨn gɨn zui? Isipia tong ian akuraghan kogham, eghtɨ ia bar aghumsigham, mati Asiria ian akurazir puvatɨzɨ ia aghumsɨghizɨ mokɨn.

Jeremaia 2:36 ပူးပေါင်းရင်းမြစ်များ

Jeremaia 31:22

Ia mati nan guivim, egha ia akɨrim na gasara. Ia manadɨzoghɨn navir pumuning itir arazim ategham, egh ua na bagh izam? Kɨ Ikiavɨra Itir God, kɨ arazir igiam atɨzɨ a nguazir kamɨn oto. Arazir kam kamakɨn: Mati amizim ua uan pam gifuegha, an ikiasa an azangsɨsi.”

Hosea 5:13

“Efraimia uarir gara fo, me puv arei. Ezɨ Judaba uari uan duar ekiabar gari. Egha me dɨkavigha kantri Asirian ghua uarir akurvaghasa atrivir ekiam gakaghora an azangsɨsi. Ezɨ Asirian atrivim men arɨmariabagh amima, me ghuamazir puvatɨ. A men duabagh amima, da ua aguir puvatɨ.

Hosea 12:1

Bizir Efraimia arueba ko dɨmagaribar amiba, da bar moghɨra ikuvigha meraram asɨghasɨsi. Ifavarir arazim ko mɨdorozir arazim men tongɨn bar ekefe. Me kantri Asiria ko ingarasa akam akɨri. Egha me olivɨn borebar dagɨar ingangarim gamua da isa Isipɨn da amadi, ezɨ Isipia dagh ivesi.

Jeremaia 2:23

Ia uarir ghuangsɨgh kamaghɨn mɨkɨman kogham, E asem Balɨn ziam fezir puvatɨ. Ia arazir kurar ia Hinomɨn danganir zarimɨn ikiava amizim gɨnɨghnɨgh. Ia asɨzir kamelɨn amebar igiamɨn mɨn apuriba buria ivemara danganiba bar dagh arui moghɨn, ia asebar ziaba fasa ivemaragha arui.

2 Eghaghaniba 28:16

Israelia, Judabav sogha me abɨrazɨ bizir kabar gɨn, Idomia uamategha iza Judabav sogha me abɨra. Egha me gumazamizir maba kalabuziabar mɨn men suigha, me inigha ghu. Kamaghɨn amizɨ, Atrivim Ahas gumaziba amangizɨ, me Asirian atrivim bagh mangɨ an azaraghtɨ, a izɨ an akuragham.

Hosea 14:3

Asiriaba en akuraghan kogham. Eghtɨ mɨdorozir hoziaba en akuraghan kogham. E uan dafaribar marvir guabar ingari, egh gɨn e kamaghɨn ua dav mɨkɨman kogh suam, ‘Kar en aseba.’ E fo, e mati asaghasazir borir e geghuvamin amebaba ko afeziaba puvatɨ, ezɨ nɨrara, zurara en apangkufi.”

Hosea 10:6

Eghtɨ Asiriaba golɨn bulmakaun nedazir kam inigh mangɨ, mati me takis gavman ganɨdi moghɨn, me uan atrivir ekiam danɨngam. Israelia fofozir gumazibar akabar gɨn zui, ezɨ fofozir gumazibar akaba dagheba puvatɨ. Kamaghɨn amizɨ, apaniba Israelia abɨraghtɨ, me bar aghumsigham.

Hosea 7:11

Efraimia, mati kuarazir onganir mam, egha tintinimɨn uari akuri. Faragha me akurvazim bagha Isipɨn azara, egha gɨn me akurvazim bagha uaghan ivemara Asiriaba bagha ghue.

Esekiel 29:7

Me daruasa nɨn suirazɨ, nɨ dɨpɨrigha, men dɨpɨzibagh amizɨ da mɨzazir kuram ini. Me nɨn suirazɨ, nɨ mati ighurunir kɨnimɨn mɨn dɨpɨrizɨ, men sueba amɨrazɨ, me ira uan ogaba amɨki.

Jeremaia 37:7

“Kɨ Ikiavɨra Itir God, Israelian God, kɨ kamaghɨn mɨgei: Judan atrivim nan azangsɨgh na gɨfoghasa gua amada, egh fogh suam, kɨ ian akuragham, ti puvatɨgham? Eghtɨ nɨ kamaghɨn atrivim mɨkɨm, Isipɨn mɨdorozir gumaziba ian akurvaghasa Isip ategha izi. Ezɨ me izɨ ia batoghan kogham. Puvatɨ. Me tuavimɨn uamategh ua uan kantrin mangam.

Jeremaia 2:33

“Israelia, ia gumazamiziba uari isava akuir arazim deragha a gɨfogha a buriagha arui. Ezɨ ian arazir kurar kaba, tuavimɨn amizibar arazir kurabagh afira. Ia kamaghɨn amir arazim bar a gɨfo, ia ti tuavimɨn amizibar sure damuam.

Jeremaia 2:18

Ia bizir aghuir manam inisɨ nɨghnigh kantri Isipɨn mangɨ, men akurvazim bagh men azangam, mati ia Nailɨn Fanemɨn dɨpam amasa? Egh bizir aghuir manam inisɨ nɨghnigh kantri Asirian mangɨ, men akurvazim bagh men azangam, mati ia Yufretisɨn Fanemra masa? Arazir kam tong ian akuraghan kogham. Bar puvatɨgham.

Aisaia 20:5

Gumazamiziba kantri Itiopia ko kantri Isipɨn gara men ziamning fa ghaze, Aning ti en apanibav soghsɨ en akurvagham, egh me guizbangɨra dɨgavir kuram damigh, bar aghumsigh, naviba bar ikuvigham.

Jeremaia 46:12

Nɨn mɨdorozir gumaziba tintinibar are, egha me uarira uarigh ivezegha, uari inigha ire. Nɨ mɨdorozimɨn irɨgha bar aghumsɨki, ezɨ kantrin igharaziba nɨn aghumsɨzir akam baraki. Nɨn ararem bar nguazir kamɨn danganiba bar adagh izɨfa.”

Esekiel 16:28

“Gumazir igharazir kaba iza nɨ ko akua nɨn ifongiam agɨvazir puvatɨ. Kamaghɨn amizɨ, nɨ Asirian gumazibar gɨn ghua mati tuavimɨn amizim tintinimɨn gumaziba bagha ruiagha arui. Me nɨ koma akuima, nɨ arazir kam bagha bar ikuvighavɨra iti.

Jeremaia 22:20

Ikiavɨra Itir God kamaghɨn mɨgei: “Jerusalem, gumazir nɨ me gifuegha me ko arazir kurabagh amiba, me bar ikuvigha gɨfa. Kamaghɨn amizɨ, nɨ mangɨ, Lebanon mɨghsɨar ekiaba ko Basan mɨghsɨam ko Abarimɨn Mɨghsɨamɨn ghuavanabogh, pamtemɨn dɨmɨva azi.

Jeremaia 22:22

Kamaghɨn amizɨ, apaniba amɨnir gavgavimɨn mɨn izɨva, nɨn gumazir dapaniba inigh mangam. Apaniba izɨ nɨn gumazir nɨ ifuegha me ko arazir kurabagh amiba inigh mangɨtɨ, me kantrin igharazimɨn kalabusɨn ikiam. Egh dughiar kamɨn nɨ uan arazir kurar nɨ amiziba bagh, bar aghumsigham.