Jeremaia 2:31 - Godɨn Eghaghanim: Akar Gavgavir Dɨkɨrɨzir Ghurim ko Igiam

³¹ Ia Israelian datɨrɨghɨn iti darasi, kɨ Ikiavɨra Itir God, kɨ ia mɨkɨmasa. Ia deraghvɨra kuariba arigh, nan akam baragh. Ia ti ghaze, kɨ bizir kuram, egha mati danganir dakɨghtɨzim? Kɨ mati danganir bar mɨtatem, a? Bar puvatɨ. Egha manmaghsua ia nan gumazamiziba ghaze, Datɨrɨghɨn e uari uan ifongiabar gɨn mangɨ tintinibar daruam. E ua nɨ bagh izan kogham.

Jeremaia 2:31 ပူးပေါင်းရင်းမြစ်များ

Godɨn Araziba 32:15

“Israelia, bizir bar avɨrim ikia egha bar puvɨrama apa mɨkarziba saram aghui. God men ingarizɨ me otivigha iti. A men Akurvazir Gumazir gavgavim, mati men dagɨar ekiar gavgavim. Ezɨ me datɨrɨghɨn akɨrim ragha a gasaragha anetaki.

1 Korin 4:8

Guizbangɨra, ia ti biziba bar izɨvaghama? Ia ti biziba bar izɨvagha deraghavɨram apia? Ia ti e gafiragha atrivibar otivighama? A dera, kɨ mamagh sua, ia guizɨn atrivibar ikɨtɨma, e ia ko uaghan atrivibar ikiam.

Maika 6:9

Ia fofozir aghuim gifueghɨva, Ikiavɨra Itir Godɨn atiating an apengan ikiam. Ia oragh! Ikiavɨra Itir God Jerusalemɨn nguibar ekiamɨn diagha ghaze, “O nguazir kamɨn itir gumazamizir iza nguibar kamɨn uari akuviba, ia oragh!

Amos 1:1

Kɨ Amos, kɨ Tekoan nguibar ekiamɨn gumazim, egha kɨ sipsipbar garir gumazim. Kɨ irebamɨn mɨn garir bizimɨn garima, God akar kam na ganɨngi. Dughiar kamɨn, Usia Judan kantrin atrivimɨn itima, Joasɨn otarim Jeroboam, Israelɨn kantrin atrivimɨn iti. Kɨ bizir kam irebamɨn mɨn an ganigha gɨvazɨ, azenir pumuning gɨvazɨma, mɨkɨmkɨzim oto.

Hosea 13:6

Ezɨ gɨn ia nguazir aghuimɨn otogha dagher avɨriba ikia, egha biziba bar iti. Ia bizir kaba inigha gɨvagha egha ifaghata uari fa ghaze, ia uari uan gavgavibar da ini. Egha kamaghɨn ia na gɨnamada.

Aisaia 45:19

Kɨ saghon ghugha mɨtatemɨn modogha uan akam akurir puvatɨ. Kɨ uan gumazamiziba, Jekopɨn ovavir boriba, kɨ kamaghɨn me mɨkemezir puvatɨ, ‘Ia pura mangɨ gumazamiziba puvatɨzir danganibar na buri.’ Kamaghɨn puvatɨ. Kɨ Ikiavɨra Itir God, kɨ guizɨn akam akuri, ezɨ nan akaba da guizbangɨra zui.”

Aghuzir Akaba 30:9

Guizbangɨra, kɨ dagher avɨriba ikɨva, akɨrim ragh nɨ gasaragh egh mɨkɨm suam, “Ikiavɨra Itir God, a tinara?” Egh kɨ onganarazibagh amir gumazimɨn mɨn otoghɨva, ti okɨmɨva uan Godɨn ziam dɨkabɨragham.

Onger Akaba 12:4

Me kamaghɨn mɨgɨa ghaze, “E mɨkɨmsɨ ifongegh e mɨkɨmam. Gumazitam en anogoroghan kogham. Tinara e gativagh en ganam?”

Onger Akaba 10:4

Gumazir kuram ifaghata ghaze, kɨ bar bizibagh fo. A ghaze, kɨ nɨghnɨzir aghuir avɨriba iti. Egha God gɨnɨghnɨzir puvatɨ. A ghaze, “God, arazir kurar kɨ amibar gari puvatɨ. A nan arazir kaba ikaraghan kogham.”

2 Eghaghaniba 31:10

Ezɨ ofa gamir gumazibar dapanim Asaria, a Sadokɨn adarazir mav, a kamaghɨn atrivimɨn akam ikaragha ghaze, “Ikiavɨra Itir God bar deraghavɨra uan gumazamizibagh amizɨ, me dagher bar avɨrim inigha an Dɨpenimɨn ize. E dagher kabar avɨrim ame, egha da agɨvan iburazɨ, dagher pozir bar avɨriba ikiavɨra iti.”

Godɨn Araziba 31:20

Kɨ me inigh nguazir bar aghuir dagheba ikia, bar deravɨram aghuir kamɨn mangam, kar nguazir kɨ men inazir afeziabar anɨngasa akam akɨrizim. Eghtɨ me nguazir kamɨn dagher avɨribar amɨva mɨkarzir aghuiba ini deraghvɨra ikiam. Egh dughiar kamɨn, me nan aghuagh, akɨrim ragh na gasaragh, asebar ziaba fɨ dar ingangaribar amuam. Egh me nan Akar Dɨkɨrɨzir Gavgavim abigh, egh na ategham.

Jeremaia 2:20

Ikiavɨra Itir God, a ua kamaghɨn mɨgɨa ghaze: “Israelia, ia oragh. Fomɨra ia uari nan akabar gɨn mangɨ nan apengan ikian aghuagha, ingangarir kɨ ia ganɨngizim ategha ghaze, ‘Ingangarir e damuasa nɨ e ganɨngizim, e a damuan kogham.’ Egha ia mɨghsɨabar ghuanaga ruarir ghuribar temer ekiabar apengan, marvir guabar ziaba fe. Ia mati, tuavimɨn amizimɨn mɨn ghua gumazir avɨriba ko tintinibar akui moghɨn ami.

Jeremaia 2:25

Israelia, ia asebar ziaba fɨsɨ ivemar dar gɨn mangan markɨ. Ia kamaghɨn damuva, ian dagarir asuaba ti dɨghoraghireghtɨ, ian kuariba bar ia mɨsigham. Ezɨ ia ghaze, En ifongiam aser kabar iti, ezɨ e dar gɨn mangɨvɨra ikiam. E nɨn akam baraghan aghua.”

Godɨn Araziba 32:18

Me Godɨn men ingarizɨ me itim ataki. A mati dagɨar ekiar gavgavimɨn mɨn me apazazɨ, me an apazangɨn mongegha angamɨra ikiavɨra iti. Me Godɨn gavgavir kam bakɨnɨghnɨki.

1 Atriviba 11:22

Ezɨ atrivim an azara, “Nɨ manmaghsua uamategh uan kantrin mangasa? Nɨ na ko ikia bizitabar otevez ti.” Ezɨ Hadat a mɨgɨa ghaze, “Kɨ bizitam gasazir puvatɨ. Kɨ kamaghsua, nɨ pura na ateghtɨ kɨ mangam.”

Jopɨn Akɨnafarim 21:14

“Arazir kurabagh amir gumazamiziba kamaghɨn God mɨgei, ‘Nɨ e ategh mangɨ. E nɨn akam baragh, egh an gɨn mangan aghua.’

Jeremaia 5:5

Kamaghɨn amizɨ, kɨ mangɨ gumazir dapanibar gan, me ko mɨkɨmam. Me ti Ikiavɨra Itir God, men God, a me damuasa ifongezir arazibagh fo. Ezɨ kɨ fo, gumazir dapanir kaba uaghan Ikiavɨra Itir Godɨn akaba batuegha, an ifongiamɨn gɨn mangan aghua.

Jeremaia 5:6

Gumazamizir kaba arazir kurar avɨribagh amua, egha dughiar avɨribar Ikiavɨra Itir God, akɨrim ragha a gasara. Bizir kam bagh, men apaniba, laionɨn ruarir ghuribar itiba azenan izɨ me mɨsoghtɨ me arɨmɨghiram. Apanir kaba, afiar atiar danganir kɨnibar itibar mɨn izɨ me gasɨghasɨgham. Apanir kaba, kaziar atiar ekiabar mɨn izɨ, Judan nguibar ekiabar boroghɨn mongegh ikɨ ganam, eghtɨ gumazim o amizitam nguibam ategh azenan izɨtɨ, apaniba kaziar ekiar kabar mɨn uari fɨ me mɨkɨn, men mɨkarziba abɨghɨrarigham.”

Esekiel 14:5

Aser kaba Israelɨn ikɨzim gamizɨ, me akɨrim ragha na gasara. Ezɨ nan ifongiam kamakɨn, kɨ ua men navir averiaba iniasa nɨghnɨsi, eghtɨ me na baghvɨra ikiam.