Jeremaia 2:27 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁷ Ia dagɨaba ko temebar dɨkɨrɨzir marvir guabar ziaba fa ghaze, Da en ingarigha ikɨrɨmɨrim e ganɨngi. Da en afeziabara. Egha ia akɨrim ragha na gasara. Egha osɨmtɨziba isir dughiabar, ia uarir akurvaghasa nan dei.

Jeremaia 2:27 ပူးပေါင်းရင်းမြစ်များ

Aisaia 26:16

O Ikiavɨra Itir God, nɨ uan gumazamiziba puv me gamima, men gavgaviba gɨfa. Egha me osɨmtɨzibar tongɨn ikia nɨ bagha iza osɨmtɨzir dafam sara sighsirir akabar nɨ ko mɨgei.

Hosea 7:14

Me ifara na ko mɨgei, egha gumazir na gɨfozir puvatɨzibar mɨn uan mɨsiabar irav ikia puv arai. Me dagheba ko wainɨn dɨpaba iniasa uan asebar deir dughiabar, me tintinimɨn uan mɨkarzibar ghori, mati na gɨfozir puvatɨzir gumazamiziba. Me akɨrim na gasa puvɨra nan akaba batosi.

Hosea 5:15

“Kɨ uan gumazamiziba ategh uamategh uan nguibamɨn mangam. Eghtɨ me uarira ikɨ uan arazir kurabar ivezir kuram ini mangɨtɨ, mɨzazir kam gɨvaghamin dughiam otogham. Me uan arazir kurabar ikarvazim bagh ivezir kuram ko mɨzazim iniam, egh gɨn me uamategh na bagh izɨ na buriam. Me pazɨ uari baregh, egh gɨn me ua na baghvɨra izam.”

Esekiel 23:35

Ikiavɨra Itir Godɨn Ekiam kamaghɨn mɨgei, “Nɨ na gɨn amadagha akɨrim na gasara. Kamaghɨn amizɨ, nɨ uan inivafɨzir agorogem ko tuavimɨn amizimɨn arazim bagh mɨzazim iniam.”

Esekiel 8:16

Egha a ua nan akua ghua Ikiavɨra Itir Godɨn Dɨpenim avɨnizir dɨvazimɨn bar aven ghua an Dɨpenimɨn tiar akamɨn boroghɨn oto. Ezɨ kɨ garima, Dɨpenimɨn tiar akam ko ofa gamir dakozimɨn tizimɨn 25plan gumaziba iti. Me akɨriba ighegha Ikiavɨra Itir Godɨn Dɨpenim gasaragha guaba aruem anadi naghɨn gara tevibar pɨrigha avighav iti.

Jeremaia 32:33

Me akɨrim ragha na gasaragha, nan boroghɨn izir puvatɨ. Kɨ dughiar avɨribar men arazir kuraba bagha men sure gami, ezɨ me nan akam baraghan aghua, egha dar gɨn zuir puvatɨ.

Jeremaia 22:23

Me faragha Lebanonɨn temer sidan temer ararir aghuibar nɨn dɨpenimɨn ingari, ezɨ nɨ dabirabir aghuim iti. Ezɨ noka, nɨ mɨzazir ekiam iniam, mati amizim borim batasa mɨzazir ekiam isi moghɨn, nɨ bar puvɨram arangam.

Jeremaia 18:17

Eghtɨ kɨ uan gumazamiziba akɨrim me gasaragh men akuraghan koghtɨ, apaniba izɨ men agɨraghtɨ me aregham. Mati amɨnim aruem anadi naghɨn ikegha pamtemɨn iza tintinimɨn bizibagh ivaima, da zui.”

Jeremaia 10:8

Gumazir kaba bar fofoziba puvatɨgha bar ongani. Marvir guar me temebar dɨkɨrigha arɨghizir kaba, pura biziba, da fofozir aghuir manatam me danɨngam? Bar puvatɨ.

Jeremaia 2:24

Egha ia uaghan mati, donkin amebar atiamɨn mɨn, an iakɨnir a donkin apuriba buriam otozɨ, an ada buria gumazamiziba puvatɨzir danganibagh arui. A kamaghɨn damutɨ tav an ifongiar kam abɨnɨva avegham. Egh uaghan donkin apuriba a bativsɨ iburaghburaghan kogham. Me an dughiamrama a bativam.

Jeremaia 3:9

A ghaze, an arazir tuavimɨn amiziba gumaziba okɨa me isava akuir kam, a pura bizim. Egha a dagɨaba ko temebar marvir guabar ziaba fe. A kamaghɨn amua, nguazir kam gamizɨ, a nan damazimɨn bar mɨze.

Jeremaia 30:7

Iavzika! Dughiar bar kurar mam otivasava ami. Egha dughiar kam bar dughiar kurar maba bar adagh afira. Nan gumazamiziba, Israelia, me dughiar kamɨn osɨmtɨzir bar ekiam iniam. Eghtɨ kɨ ua me iniam.”

Jeremaia 37:3

Egha dughiar mamɨn, Sedekaia, Selemian otarim Jehukal ko, ofa gamir gumazim Sefanaia, a Masean otarim, aning amadazɨ, aning Godɨn akam inigha izir gumazim Jeremaia bagha ghua kamaghɨn a mɨgei, “Atrivim ghaze, Nɨ e bagh Ikiavɨra Itir God, en God, a ko mɨkɨm.”

Daniel 9:7

“Ekiam, nɨ arazir aghuibagh amima, ezɨ en arazir kuraba aghumsɨzir ekiam e ganɨngi. Ezɨ kar bar guizbangɨra, e Judan nguibamɨn iti, o e Jerusalemɨn iti, o Israelian gumazamizir kantrin roghɨra itiba ko saghon itiba bar. Guizbangɨra, e nɨn akam batoghezɨ, kamaghɨn nɨ e amadazɨ e tintinibar ghue, ezɨ aghumsɨzir kam en mɨkarzibar ikiavɨra iti.

Hosea 4:12

Egha me akar mogomeba azenim darɨghasa, pura ter otevibar ingarizir marvir guabar azangsɨsi. Me ghaze, ter otevir kaba, bizir me foghasa ifongezibar gun me mɨkɨmam. Me na ategha gɨfa, egha asebar gɨn zui, mati amizir mam tintinimɨn gumaziba koma akui.

2 Eghaghaniba 29:6

En ovaviba deragha, Ikiavɨra Itir God, en Godɨn akamɨn gɨntɨzir puvatɨgha an damazimɨn arazir kurabagh ami. Me Ikiavɨra Itir God ategha Dɨpenir a itim akɨrim ragha a gasara.

Jeremaia 42:2

Godɨn akam inigha izir gumazim Jeremaia bagha ghue. Egha me kamaghɨn a mɨgei, “E uari, nɨ Ikiavɨra Itir God, nɨn God, nɨ a ko mɨkɨm, egh an azaraghtɨ, a en gumazamizir ikiavɨra itir varazira an en akuragham. E fomɨra avɨraseme, ezɨ datɨrɨghɨn nɨ garima, e bar ikɨzir muziariba iti.