Jeremaia 2:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁶ Ikiavɨra Itir God, ua kamaghɨn mɨgei: “Me okɨmakɨar gumazimɨn suirazɨ an aghumsɨghizɨ moghɨn, kamaghɨra ia Israelia bar aghumsigham. Ian atriviba, ko gumazir dapaniba, Godɨn ofa gamir gumaziba, akam inigha izir gumazamiziba, ko Israelian gumazamiziba bar, ia uaghan aghumsɨzim iniam.

Jeremaia 2:26 ပူးပေါင်းရင်းမြစ်များ

Jeremaia 32:32

Israelia ko Judaba na damutɨ kɨ bar men anɨngaghɨvɨra ikiasa, me arazir kurar igharagha garibagh amuavɨra iti. Gumazamizir kɨniba ko, atriviba ko, gumazir dapaniba ko, ofa gamir gumaziba ko, akam inigha izir gumaziba ko, Judan gumazamiziba ko, Jerusalemɨn itir gumazamiziba, me bar moghɨra arazir kurabagh ami.

Esra 9:7

Bar fomɨra, en inazir afeziabar dughiamɨn ikegha iza datɨrɨghɨn, en arazir kurabar osɨmtɨzim bar ekevegha ikiavɨra iti. En arazir kurar kaba bangɨn, nɨ en atriviba ko en ofa gamir gumaziba ko e isa, atrivir igharazibar agharim gatɨzɨ, me iza en suigha e mɨsozi e ariaghiri, me en biziba okɨa, egha kalabuziabar mɨn e atera ghue. E guizbangɨra bar ikuvigha aghumsigha kamaghɨra iti.

Akɨnafarir Pol Romɨn Nguibar Ekiamɨn Itir Sios Bagha Osirizim 6:21

Ia faragha amir arazibagh da akurvazir manabar ia gami? Arazir kaba, ia datɨrɨghɨn dagh nɨghnɨgha aghumsɨsi. Arazir kabara gumazamizibagh amima me ariaghiri.

Jeremaia 48:27

Moap, nɨ fomɨra akar asuibar Israelia mɨgɨa, men ingarav ake. Manmaghɨn ami? Nɨ ti ghaze, Israelia okɨmakɨar gumazimɨn mɨn iti, ezɨ nɨ men ziam dɨkabɨra, egha zurara me geghara dapaniba roi, a?

Jeremaia 2:36

Ezɨ ia manmaghɨn amigha tuavir mamɨn gɨn ghua anetegha zuamɨra ghua tuavir igharazimɨn gɨn zui? Isipia tong ian akuraghan kogham, eghtɨ ia bar aghumsigham, mati Asiria ian akurazir puvatɨzɨ ia aghumsɨghizɨ mokɨn.

Aisaia 1:29

Ia faragha temer okɨn ekiabar tongɨn, asebar ziaba fava temer kaba bagha bar akonge, egh gɨn ia amizir arazir kurar kaba bagh aghumsɨgham. Ia faragha aseba fasa azenibar ingarigha, dar anogoregha ghaze, da asebar ziaba famin danganiba aghegha pura iti. Egh gɨn ia navibagh iragh, egh arazir ia faragha amizibagh nɨghnɨgh bar aghumsigham.

Esekiel 16:54

Nɨ uan arazir kuraba bangɨn uabɨn aghumsigham. Eghtɨ amizir igharazimning, nɨn aghumsɨzimɨn gan, fogh suam, aning deravɨra zui.

Esekiel 22:26

Men ofa gamir gumaziba, nan Akar Gavgavibar gɨn zuir puvatɨgha da abɨki. Egha ghaze, nan ziam fer biziba, da pura biziba. Egha me fozir puvatɨ, bizir tizim bar zue, ezɨ bizir manam nan damazimɨn pura bizim. Egha nan damazimɨn zuezir biziba ko bizir mɨzɨrɨzibar gun gumazamizibar sure gamir puvatɨ. Me bar moghɨra Sabatɨn arazimɨn gɨn zuir puvatɨ. Egha me uarir uan tongɨn nan ziam abɨragha ghaze, nan ziar ekiam a pura bizir kɨnim.

Sekaraia 5:4

Ikiavɨra Itir Godɨn Gavgaviba Bar Itim ghaze, “Kɨ akar kam amadazɨma, a zui, eghtɨ a mangɨ okeir gumaziba ko, gumazir ifavaribagh amua pura nan ziam dɨboriba, a men dɨpenibar aven mangam. Egh akɨnafarir kam men dɨpenir akɨniba ko, dagɨaba bar da agɨvaghtɨ, gumazir kaba bar ikuvigham.”

Onger Akaba 97:7

Gumazamizir marvir guabar ziaba feba bar aghumsɨki. Aseba teviba apɨrigh Ikiavɨra Itir Godɨn ziam fam.

Aisaia 44:9

“Gumazir marvir guabar ingariba, men ingangariba dagheba puvatɨgham. Ezɨ nedazir me gara da bagha bar akongezir kaba, da pura bizir kɨnibar mɨn iti. Ezɨ aser kabar ziaba fer gumazamiziba, me mɨtatemɨn aven iti moghɨn, bizitamɨn ganigh a gɨfoghan kogham, kamaghɨn kotɨn aven me uan asebar akuragh deraghvɨra da bagh mɨkɨman kogham. Kamaghɨn amizɨ, me onganigh aghumsigham.

Aisaia 44:11

Ia gan! Gumazamizir dɨgɨribagh amir kaba, me pura nguazir kamɨn itir gumazir kɨnibara, egha marvir guabar ingari. Kamaghɨn amizɨ, gumazamizir marvir guabar ziaba feba, me bar aghumsigham. Kɨ ghaze, me bar izɨ nan damazimɨn kotɨn tuifigh. Bar guizbangɨra, kɨ me damightɨ, me bar atiatigh bar aghumsigham.

Jeremaia 4:9

Ikiavɨra Itir God, kamaghɨn mɨgɨa ghaze, “Dughiar kamɨn, atrivim uan gumazir dapaniba ko bar atiatigham. Eghtɨ ofa gamir gumaziba, ko akam inigha izir gumaziba, dɨgavir kuram damigham.”

Jeremaia 22:22

Kamaghɨn amizɨ, apaniba amɨnir gavgavimɨn mɨn izɨva, nɨn gumazir dapaniba inigh mangam. Apaniba izɨ nɨn gumazir nɨ ifuegha me ko arazir kurabagh amiba inigh mangɨtɨ, me kantrin igharazimɨn kalabusɨn ikiam. Egh dughiar kamɨn nɨ uan arazir kurar nɨ amiziba bagh, bar aghumsigham.