Jeremaia 2:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Ian mɨkarziba arazir mɨzɨrɨziba dar puegha gavgafi, Ia ti ghaze, ia osɨmtɨzir kaba rusɨ sopɨn gavgavibagh ivezegh, da rutɨ da gɨvagham. Bar puvatɨ. Ian arazir mɨzɨrɨzir ian mɨkarzibar pogheziba, nan damazimɨn ikiavɨra iti. Kɨ Ikiavɨra Itir God, ian Ekiam.

Jeremaia 2:22 ပူးပေါင်းရင်းမြစ်များ

Jeremaia 17:1

Ikiavɨra Itir God kamaghɨn mɨgɨa ghaze, “Judaba, arazir kurar ia amiba kar ian arazir ia zurarama amiba da zurara ian ikɨvɨra ikiam. Mati gumazim tuizimɨn akar oteviba aghorezɨ moghɨn, ia dar uan navir averiar gavgavibar da osirigha, da isa ofa gamir dakozibar 4plan mɨkebabar, bulmakaun komba aghoregha da osiri.

Jopɨn Akɨnafarim 14:17

Nan arazir kurar kɨ amiziba, nɨ bar da gɨn amadagh ua dagh nɨghnɨghan markɨ, mati me biziba mɨtarim gaghuigha, an akam ikegha dagh nɨghnɨzir puvatɨ.

Hosea 13:12

“Kɨ Efraimian arazir kuraba bar, uan akɨnafarimɨn aven da osirigha gɨvagha, deravɨra da atɨzɨ da iti.

Jeremaia 16:17

Me amir biziba bar nan modozir puvatɨ. Da bar nan damazimɨn azenara iti. Me uan arazir kuraba mongɨva avegham.

Onger Akaba 130:3

O, Ikiavɨra Itir God, nɨ en arazir kuraba mengegh dar suiragh ikɨtɨ, Ekiam, en tinara nɨn damazimɨn tugh gavgavigham?

Amos 8:7

Ikiavɨra Itir God, a Jekopɨn ovavir boribar God, an akam akɨrigha ghaze, Ia Israelia, ia amir arazir kurar kaba, kɨ da bakɨnɨghnighan kogham.

Onger Akaba 90:8

Nɨ en arazir kuraba bar adar gari. En arazir kurar e mogava amiba, nɨ bar ada isa azenim garigha gɨfa.

Godɨn Araziba 32:34

“Ikiavɨra Itir God, Israelian apaniba me gamizir biziba isa uan nɨghnɨzim gatɨghavɨra iti. Egha me gasɨghasɨghamin dughiamɨn mɨzuai.

Jeremaia 4:14

O Jerusalemia, ia manadɨzoghɨn uan navir averiamɨn aven itir nɨghnɨzir kuraba batuegham? Ia bar uan arazir kuraba batuegh zueghtɨ, Ikiavɨra Itir God, ian akuragham.

2 Samuel 11:12

Ezɨ Devit a mɨgɨa ghaze, “A dera, nɨ datɨrɨghɨn kagh ikeghtɨ kɨ gurumzaraghan, ua nɨ amadaghtɨ nɨ mangam.” Ezɨ aruer kamɨn Uria Jerusalemɨn iti. Ezɨ amɨmzaraghan guaratɨghɨn,

Esekiel 24:6

“Kɨ Ikiavɨra Itir Godɨn Ekiam, kɨ kamaghɨn mɨgei, Gumaka! Jerusalemɨn nguibar ekiar kam, a bar ikuvigham. A gumazamizir avɨribav suagharɨki. A mati mɨner mam, an averiam bizir mɨzɨrɨziba an iti, me tong a rueghan kogham. Nɨ asɨzir tuzir kaba ko aghariba vaghvagh da inigh azenim darɨgh, eghtɨ tam ua mɨnemɨn aven ikian markɨ. Guizbangɨra, Jerusalemia bar ikuvigham.