Jeremaia 2:21 - Godɨn Eghaghanim: Akar Gavgavir Dɨkɨrɨzir Ghurim ko Igiam

²¹ Kɨ nguazir kamɨn ia atɨ, mati gumazim uan azenimɨn wainɨn ikarɨzir aghuir mam ginabagha anekara, eghtɨ a gɨn bɨva ovɨzir bar aghuiba ikiam. Ezɨ manmaghɨn amizɨ ia datɨrɨghɨn iragha ruarimɨn wainɨn ikarɨzir atiamɨn mɨn oto?

Jeremaia 2:21 ပူးပေါင်းရင်းမြစ်များ

Aisaia 5:4

Kɨ fo, wainɨn azenim deraghvɨra bɨva ovɨzir aghuiba ikiasa, kɨ ingangarir aghuim gami. Ezɨ manmaghɨn amizɨ wainɨn ovɨziba bar suvigha akam mɨsosi? Bizir kɨ ua damuamin tam ti iti, ezɨ kɨ a gamizir puvatɨ?

Ua Me Ini 15:17

O Ikiavɨra Itir God, nɨ en aku mangɨtɨ, e nɨn mɨghsɨamɨn deraghvɨra dapiagham. O Ekiam, danganir kamɨn, nɨ uabɨ uan dɨpenimɨn ingaram. Dɨpenir nɨ itir kamɨn, gumazamiziba izɨ nɨn ziam fam.

Jon Osirizir Akar Aghuim 15:1

Ezɨ Iesus ua kamaghɨn mɨgei, “Kɨ uabɨ kɨ guizbangɨra wainɨn ikarɨzimɨn mɨn iti. Ezɨ nan Afeziam a wainɨn azenimɨn ghuavim.

Onger Akaba 44:2

Nɨ uabɨ uan gavgavimɨn ikɨzir igharazibar gumazamizibar nguazimɨn me batuegha, uan gumazamiziba isa nguazir kamɨn me arɨghizɨ me gavgavigha iti. Nɨ ivezir kuram isa Kantrin Igharazibar Gumazamizibagh anɨngi. Egha en inazir afeziabagh amizɨ, me deravɨra ikia borir bar avɨriba bate.

Onger Akaba 80:8

Nɨ uan gumazamiziba wainɨn ikarɨzimɨn mɨn Isipɨn me asigha me inigha ize. Nɨ Kantrin Igharazibar Gumazamiziba batuegha, men nguazibar uan gumazamiziba, wainɨn ikarɨzimɨn mɨn me arke.

Godɨn Araziba 4:37

A bar moghɨra ian inazir afeziabagh ifonge, egha ia ginabazɨ ia bar an gumazamizibara. Kamaghɨn amizɨ, a uan gavgavir ekiamɨn Isipɨn kantrin ia inigha ize.

Luk Osirizir Akar Aghuim 20:9

Egha Iesus mɨgɨa ghua ua akar isɨn zuir kamɨn gumazamizibav gei, “Gumazir mam wainɨn azenim oparigha, egha azenimɨn garir gumazir mabar dafarim garɨgha ghaze, me gɨn a givezam. Egha a ghua dughiar ruarimɨn saghon iti.

Mak Osirizir Akar Aghuim 12:1

Ezɨ Iesus akar isɨn zuibar Judan gumazir dapanibav gei, “Gumazir mam wainɨn azenim oparigha an dɨvazim aghui. Egha wainɨn ovɨziba mɨrmɨramin itarim gɨkuigha, pɨn ikɨ wainɨn azenimɨn ganamin dɨpenimɨn ingari. Egha a wainɨn azenim isa wainɨn azenimɨn ganamin gumazir mabagh anɨngi. (Eghtɨ me gɨn wain taba uam a ikaragham.) Egha saghon igharagha ghu.

Godɨn Araziba 32:32

Israelian apanibar araziba bar ikuvigha Sodom ko Gomoran araziba ko magh ghu. Egha mati wainɨn ikarɨzim imezir ekiam itima, an wainɨn ovɨziba uaghan imezim ikia mɨsosi.

Matyu 21:33

Egha Iesus gumazir dapaniba ua kamaghɨn me mɨgei, “Ia akar isɨn zuir igharazir kam baragh. Gumazir mam wainɨn azenimɨn ingarigha, an dɨvazim aghui. Egha wainɨn ovɨziba mɨrmɨramin itarim gɨkuigha azenir dɨpenimɨn ingari, eghtɨ ingangarir gumaziba an ikɨ azenimɨn ganam. Egha azenir kam isa gumazir mabar agharim gatɨgha ghaze, me gɨn wainɨn dɨpataba uam a ikaragham. Egha dɨkavigha nguibar saghon itimɨn ghu.

Aisaia 61:3

Gumazamizir Saionɨn nguibamɨn aven ikiava aziba, kɨ bar akongezir arazim ko navir amɨrizim me danɨngtɨ, me gavgavigham. Egh kɨ averenir me uan dapanibagh atɨziba adegh, kurkazir aghuiba men kurkegham. Kɨ borem me daghuightɨ, me bar akuegh, men osɨmtɨzir ararem gɨvagham. Egh me ua uan gavgavim inigh, gumazim korotiar aghuim aruzɨ moghɨn, Ikiavɨra Itir God bagh bar akongegh onger akar aghuibar amuam. Egh me temer Okɨn, Ikiavɨra Itir God, uabɨ oparizibar mɨn, tuivigh ikɨ deraghvɨra Ikiavɨra Itir Godɨn gɨn mangɨ an ziar ekiam fam.

Aisaia 60:21

Nɨn gumazamiziba bar moghɨra arazir aghuibara damu, egh kɨ me bagha mɨsevezir nguazim me a inigh, a dapiagh zurara ikiam. Guizbangɨra, nan dafarimɨn, kɨ men ingarigha me gamizɨ me ikɨzir vamɨran gumazamizibar otogha, mati kɨ temer ovɨziba oparizɨ, da biar avɨriba otifi. Kɨ kamaghsua, kɨ kamaghɨn damightɨ, ikɨzir igharazibar gumazamiziba ganɨva, ziar ekiam na danɨngam.

Aisaia 41:8

Ezɨ ia Israelia, ia Jekopɨn anabamɨn adarasi, kɨ ia amɨsevezɨ, ia nan ingangarir gumazamizibar iti. Ia nan roroam Abrahamɨn ovavir boriba.

Aisaia 1:21

O Jerusalemɨn nguibar ekiam, nɨ fomɨra deravɨra nan akamɨn gɨntɨsi, egha nɨ datɨrɨghɨn tuavibar amizimɨn mɨn oto. Fomɨra, gumazamizir arazir aghuibagh amiba ko, gumazir kotiamɨn aven guizɨn arazibar gɨntɨziba, nɨ gizɨfa, egha datɨrɨghɨn, gumazir gumazamizibav sozi me ariaghɨriba, nɨ gizɨfa.

Josua 24:31

Ezɨ Josua ikiavɨra itir dughiamɨn, Israelia Ikiavɨra Itir Godɨn ziam fa ghua Josuan ovevemɨn gɨn, Israelia Ikiavɨra Itir Godɨn ziam favɨra iti. Men gumazir dapaniba, bizir Ikiavɨra Itir God fomɨra Israelia bagha amizibar gani. Ezɨ Israelian, gumazir dapanir kaba angamɨra ikiavɨra itir dughiamɨn, me bar Godɨn ziam favɨra iti.

Azir Akam 4:1

Jenesis 32:28

Ezɨ gumazir kam ghaze, “Datɨrɨghɨn nɨn ziam ua Jekop puvatɨ. Nɨ God ko gumaziba, me mɨsogha me abɨni. Kamaghɨn nɨn ziar igiam Israel.”

Jenesis 18:19

Kɨ kamaghɨn ifonge, Abraham uan boriba ko uan ovavir boribar sure damightɨ me Ikiavɨra Itir Godɨn akamɨn gɨn mangam. Egh me arazir aghuiba ko arazir nan damazimɨn derazibara darara gɨn mangam. Kamaghɨn, kɨ ua bagha Abraham ginaba. Egh gɨn kɨ uan akar dɨkɨrɨzimɨn gɨn mangɨ, Abraham deravɨram a damuam.”

Aisaia 27:2

Dughiar kamɨn, Ikiavɨra Itir God ighiatam kamaghɨn a bangam: “E wainɨn azenir aghuimɨn ighiam damuam. Kɨ, Ikiavɨra Itir God, kɨ bar deravɨram azenir kamɨn gari. Egha kɨ zurara dɨpam a ganɨdi. Gumazitaba ti izɨv a gasɨghasigham, kamaghɨn amizɨ, kɨ dɨmagariba ko aruebar deravɨram an gari.

Jeremaia 11:17

Kɨ Ikiavɨra Itir Godɨn Gavgaviba Bar Itim, kɨ tememɨn mɨn nguazir kamɨn ia akara, egha datɨrɨghɨn ia gasɨghasɨghasa mɨgei. Kɨ garima, ia Israelɨn kantri ko Judan kantrin gumazamiziba, ia ofan mughuriar aghuim zuiba isa asem Bal bagha, dagh ami. Ezɨ ian arazir kurar kam na gamizɨ, kɨ bar ian anɨngaghe.”

Onger Akaba 80:9

Nɨ wainɨn ikarɨzir kam bagha nguazim azenegha anekara. Ezɨ an aghua an biba bar nguazim giraghuzɨ, an aghua ghua bar uabɨ aroke.

Jeremaia 5:10

“Ia Israelian apaniba, ia mangɨ men wainɨn azenibar aruva dagh asɨghasɨgh. Egh bar dagh asɨghasɨghan markɨ. Purama adar aghariba aghoregh. Wainɨn ikarɨzir agharir kaba, da nan biziba puvatɨ. Kamaghɨn amizɨ, ia dar aghariba aghoregh.

Jeremaia 11:16

Kɨ faragha ia dɨbora ghaze, Israelia ia mati olivɨn temer aghuir mam bava ovɨzir aghuiba iti. Eghtɨ kɨ datɨrɨghɨn olivɨn temer kam avim a datɨghtɨ, avim ararimɨn mɨn pamten dagarvagh, temer kam gaseghtɨ, a isiva aguaba bar dɨpɨrighiregh bar gɨvagham.

Esekiel 15:2

“O nguazir kamɨn gumazim, nɨ manmaghɨn nɨghnɨsi, wainɨn ikarɨzim, a ti derazir puvatɨ. Wainɨn ikarɨzimɨn agharim, ruarir arɨzimɨn temebar agharibar tongɨn manmaghɨn deragh aghung, dagh afiragham? Ti puvatɨ.