Jeremaia 2:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Egha Ikiavɨra Itir God, ua kamaghɨn mɨgɨa ghaze: “Israelia, ia pura ingangarir gumazir kɨnibar mɨn itir puvatɨ, ia fɨriaghɨrezir gumazamiziba. Ian amebaba ti ingangarir amizir kɨnibar ikia ia batezɨ, kamaghɨn ia ti fɨriaghɨregha azenan izeghan koghai. Bar puvatɨ. Ia fɨrighɨregh ikɨtɨ, manmaghsu apaniba asɨzibar mɨn ian gɨntɨgh ia mɨsoghɨrarɨgham?

Jeremaia 2:14 ပူးပေါင်းရင်းမြစ်များ

Ua Me Ini 4:22

Eghtɨ nɨ kamaghɨn atrivim mɨkɨm suam, ‘Ikiavɨra Itir God kamaghɨn nɨ mɨgei, “Israel nan otarir ivariam.

Aisaia 50:1

Egha Ikiavɨra Itir God kamaghɨn Israelian gumazamizibav gei: “Jerusalemɨn nguibar ekiam, mati ian amebam. Ia ti ghaze, gumazim uan amuim batuegha bar anemadazɨ a ghuzɨ moghɨn, kɨ akɨrim ragha bar a gasara, a? Egh ia mamaghɨn nɨghnɨghtɨ, akɨnafarir poroghamiba uari ataghɨrazimɨn akam, a managh iti? Egha kɨ uaghan gumazitamɨn bizitam inizir puvatɨgha, uam a ikarazir puvatɨ. Ezɨ ia tizim bagha kamaghɨn nɨghnɨgha ghaze, ia nan boriba, kɨ uan ikarvazim akɨrmɨghsɨ, dagɨaba bagh pura ingangarir gumazir kɨnibar mɨn gumazir igharazibar ingarsɨ, ia amadagham? Kamaghɨn puvatɨ. Ian arazir kurar avɨribara na gamima, kɨ ian anɨngaghegha, akɨrim ragha Jerusalem gasaragha, a isa gumazir igharazibar agharim gatɨ.

Fofozir Gumazim 2:7

Kɨ ua bagh pura ingangarir gumazir kɨniba ko amizir kɨnibagh ivese. Ezɨ men boriba, nan dɨpenimɨn aven nan ingangarir gumazamizibar mɨn iti. Ezɨ kɨ bulmakauba ko sipsipɨn avɨriba iti. Gumazir fomɨra Jerusalemɨn nguibamɨn itiba, nan mɨn bulmakauba ko sipsipɨn avɨriba itir puvatɨ.

Jenesis 15:3

Nɨ boritam na ganɨngizir puvatɨ, ezɨ nan dɨpenimɨn otozir ingangarir gumazir kam, a nan danganim inigh nan biziba iniam.”

Ua Me Ini 12:49

Ezɨ arazir kabara Israelian gumazamiziba, ko gumazir kantrin igharazibar ikegha iza ia ko itiba, uaghara arazir kabar gɨn mangɨ.”

Jeremaia 5:19

Eghtɨ gumazamizir itiba kamaghɨn nɨn azangsɨgham, ‘Manmaghsua Ikiavɨra Itir God, en God, akɨrim ragha e gasarazɨ, bizir kurar kam e bato?’ Eghtɨ Jeremaia, nɨ me mɨkɨm suam, ‘Ia akɨrim ragha na gasara, ia uan nguazimɨn ikia kantrin igharazibar asebar apengan ikia dar ziaba fe. Kamaghɨn, ia datɨrɨghɨn gumazamizir igharazibar kantrin mangɨ an ikɨ, pura men ingangarir gumazir kɨnibar mɨn ikɨ, men ingangarim damu men apengan ikiam.’ ”

Jeremaia 17:4

Ian arazir kurar ia amir kaba bangɨn, kɨ ia damightɨ ia nguazir kɨ anɨngizir kam ategham. Egh kɨ ia damightɨ ia nguazir ia fozir puvatɨzimɨn pura uan apanibar ingangarir gumazir kɨnibar otivigham. Guizbangɨra, nan anɨngagharim mati avir mam isia iti. Ia uari avir kam uam a gamizɨ a dɨkafi. Eghtɨ avir kam isi mamaghɨra ikiam.”