Jeremaia 19:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ “Jeremaia, nɨ akam akuntɨ gumazamiziba nɨ baragh nɨn gantɨ, nɨ nguazir mɨner nɨ suirazim nɨ anemɨsararɨkigh.

Jeremaia 19:10 ပူးပေါင်းရင်းမြစ်များ

Jeremaia 19:1

Ikiavɨra Itir God kamaghɨn na mɨgɨa ghaze, “Jeremaia, nɨ mangɨva nguazir mɨnebar ingarir gumazim da nguazir mɨnetam givesegh. Egh mɨner kam inigh mangɨ gumazamizibar gumazir dapanir taba ko ofa gamir gumazibar dapanir taba inightɨ, me nɨ ko mangɨ.

Jeremaia 48:12

Ezɨ kɨ Ikiavɨra Itir God, kɨ guizbangɨra mɨgei: Kɨ dughiar mam amɨsefe, ezɨ dughiar kamɨn kɨ gumazitaba amadaghtɨ me izɨ Moapia gasɨghasɨgham, mati gumaziba iza wainɨn kam nguazir kamɨn a ingegha, wain ruir mɨneba abɨagharɨki.

Matyu 26:7

Dughiar kamɨn Iesus dagher dakozimɨn aperaghav itima, amizir mam, borer mughuriar aghuim zuir mam, inigha izi. Borer aghuir kamɨn mɨsevim, me dagɨar ziam alabastan an ingari. Ezɨ borer kamɨn ivezim bar pɨn ko. Ezɨ amizir kam borer kam isava, Iesusɨn dapanim ginge.

Aisaia 30:14

Bar guizbangɨra, ia bar ikuvigham, mati nguazir mɨnem bigha akuar bar mɨzumzuiaribar ire, ezɨ akuar ekiatam itir puvatɨ, me akua tam isɨ avim isir danganimɨn mangɨ avir mɨkɨam tuighan kogham. O akua tam inigh mangɨ mozir dɨpamɨn an dɨpaba tuan iburagham.”

Jeremaia 48:38

Kɨ Ikiavɨra Itir God, kɨ Moapɨn kantri gasɨghasigham, mati nguazir mɨner ingangariba puvatɨziba, gumazim ada abɨagharɨki. Kamaghɨn amizɨ, Moapɨn kantri ararer bar ekiam otogham. Eghtɨ me pɨn dɨpenibar azuaribar ikiam, o danganir me ivɨriabagh amua uari akuva itibar ikɨva, bar puvɨram aziam.