Jeremaia 18:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Nan apaniba nan suiragh na gasɨghasɨghasa, mati asɨzim mozimɨn magɨrasa mozim gutui, egha mati gumazim asɨzimɨn suighasa azuazim aguragha a mɨzua iti. Kamaghɨn amizɨ, nɨ zuamɨra gumazir kuraba ameghtɨ me izɨ gumazir kaba ko mɨsogh, me gasɨghasɨkigh, eghtɨ me bar puvɨram atiatingɨva, uan dɨpenibar aven mongegh bar puvɨram arangam.

Jeremaia 18:22 ပူးပေါင်းရင်းမြစ်များ

Jeremaia 6:26

Ezɨ Ikiavɨra Itir God, kamaghɨn mɨgei: “O, nan gumazamizir kɨ bar ifongeziba, ia azir korotiabar aghuigh averenim gɨpoghpogh. Ia fo, apanir izɨ ia gasɨghasɨghamim pura kaghɨram otoghtɨ, ia atam mangeghtɨ me ia gasɨghasigham. Kamaghɨn, ia puvɨrama aziva, azir onger akaba bangɨ. Mati poroghamimning borir bar vamɨrara iti, an aremezɨ, aning a bagh azia an kuarkufi.”

Onger Akaba 140:5

Gumazir uari uan ziaba feba, nan suighasa na bagh azuazim benir gavgavibar an ingarigha a gura. Me asɨzimɨn mɨn nan suighasa a isa nan tuavim gatɨ. (Ighiam gamua an suiam atugha avughsegha ua ighiam gami.)

Sefanaia 1:16

Dughiar kamɨn mɨdorozir sɨgham arangtɨ, mɨdorozir gumaziba izɨ, nguibar ekiar dɨvazir gavgaviba itiba ko dɨpenir gavgavir ganganir gumaziba itiba, me dav sogh pamten mɨkɨm, dɨmɨva arangam.

Matyu 22:15

Ezɨ Farisiba ghua akabav suegha Iesusɨn suighasa tuaviba buri. Egha me ghaze, a pazɨ bizitam mɨkemeghtɨ, me an mɨgɨrɨgɨam baghavɨram an suigham.

Jeremaia 20:10

Kɨ orazi, gumazamiziba bar nɨmɨra uarira uariv gɨa ghaze, Jeremaia, a ghaze, bizir kurar kam bar danganibar iti, an e damutɨ e atiatingam. Kamaghɨn e a isɨ kotiam datɨka. E datɨrɨghɨrama a isɨ gumazir ekiabar damazimɨn kotiam darɨgham. Nan namakaba kamaghsua ifonge, bizir kurar na bativir kaba na dɨkabɨragham. Me ghaze, “E ti a gifaragh a dɨkabɨraghɨva, an arazir kuram ikarvagham.”

Jeremaia 18:20

Gumazitam arazir aghuim damutɨ, gumaziba ti a ikaragh arazir kuram a danɨngam, o? Puvatɨ. Eghtɨ gumazir kaba na gasɨghasigham, me mati gumazim mozim gutui, eghtɨ asɨzim atamakuigh an magɨrɨgham. Nɨ, arazir kɨ fomɨra amizim gɨnɨghnɨgh. Kɨ nɨn boroghɨra iza me bagha nɨn azangsɨgha ghaze, nɨ uan anɨngagharim agɨvagh, gumazamizir kaba deraghvɨra me damu.

Jeremaia 4:31

Kɨ ararem barazi, mati amizim otasava amir ararem. Egha uaghan mati amizim datɨrɨghɨram otɨrɨmɨrir igiam gami, egha mɨzazir ekiam isi. Kar Saionɨn nguibar ekiamɨn ararem. A bar avɨghaghegha, uan aghariba kavkɨra, kamaghɨn mɨgei, “E uarir apangkufi! E ikuvigha gɨfa. Apaniba e mɨsueghtɨ e arɨmighiram.”

Aisaia 10:30

O Galimɨn nguibar ekiamɨn itir gumazamiziba, ia pamtemɨn dɨm. Ia Laisan nguibar ekiamɨn itir gumazamiziba, ia kuariba arɨghɨva oragh. Ia Anatotɨn nguibar ekiamɨn itir gumazamiziba, iavzika! Ia ti akabagh asa.

Onger Akaba 38:12

Gumazir na mɨsueghtɨ kɨ aremeghasava amiba, me na bagha azuazim guragha gɨfa. Gumazir na gasɨghasɨghasava amiba, me zurara pazavɨra na damuasavɨra mɨgei. Egha me dughiabar zurara na gasɨghasɨghasavɨra akabav sosi.

Onger Akaba 119:85

Gumazir uari feba nɨn Arazibar gɨn zuir puvatɨgha, nan suighasa na bagha modogha azuazim agura.

Jeremaia 5:26

“Nan gumazamizibar tongɨn marasi, arazir kurabagh amir adarasi. Me gumazamizir igharaziba arazir kurabar me damuasa mɨzua iti. Mati gumazim kuarazim izɨ ivemɨn aven mangasa aneguragha a mɨzua iti.

Jeremaia 20:16

Ikiavɨra Itir God, nguibar ekiabagh asɨghasɨghizɨ moghɨn, gumazir kam ikuvighasa kɨ ifonge. Ikiavɨra Itir God, nguibar ekiar kabar apangkuvizir puvatɨ. Ezɨ bar mɨzaraghara, gumazamiziba apanibar ganigha bar puvɨram azi. Egha aruer arɨzimɨn apaniba nguibamɨn aven zegha mɨsoghasa pamten dei. Gumazir kam, arazir kamra, God a gasɨghasɨghasa kɨ ifonge.

Onger Akaba 140:6

Kɨ Ikiavɨra Itir God mɨgɨa ghaze, Nɨ nan God. O Ikiavɨra Itir God, nan ararem baregh nan akuragh.

Onger Akaba 142:4

Kɨ uabɨn boroghɨn gari, gumazir nan akurvaghamiba puvatɨ. Ezɨ gumazir nan gan na geghuvamiba puvatɨ. Kɨ mongamin danganiba puvatɨ.