Jeremaia 18:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Gumazitam arazir aghuim damutɨ, gumaziba ti a ikaragh arazir kuram a danɨngam, o? Puvatɨ. Eghtɨ gumazir kaba na gasɨghasigham, me mati gumazim mozim gutui, eghtɨ asɨzim atamakuigh an magɨrɨgham. Nɨ, arazir kɨ fomɨra amizim gɨnɨghnɨgh. Kɨ nɨn boroghɨra iza me bagha nɨn azangsɨgha ghaze, nɨ uan anɨngagharim agɨvagh, gumazamizir kaba deraghvɨra me damu.

Jeremaia 18:20 ပူးပေါင်းရင်းမြစ်များ

Onger Akaba 57:6

Nan apaniba nan suighasa na bagha ivem agura. Mati gumazim asɨzir atiamɨn suighasa azuazim agura. Kɨ magɨramin mozim, me tuavir kɨ zuimɨn an okorezɨ osɨmtɨzir ekiam nan iti. Ezɨ puvatɨ, me atamakuigha uari torir kam giraghue. (Ighiam gamua an suiam atugha avughsegha ua ighiam gami.)

Onger Akaba 35:7

Kɨ arazir kuratamɨn me gamizir puvatɨ, ezɨ me nan suighasa modogha azuazim atɨ. Torir kɨ magɨramim, me a gɨkuigha gɨfa.

Onger Akaba 106:23

Kamaghɨn, God ghaze, a uan gumazamizibagh asɨghasɨgham. Ezɨ God inabazir ingangarir gumazim Moses dɨkavigha abuir gumazimɨn mɨn Godɨn damazimɨn tu, egha Israelian akurazɨ Godɨn anɨngagharir kam iraghuzɨ, God me gasɨghasɨghizir puvatɨ.

Onger Akaba 35:12

Kɨ arazir aghuibara me gami, ezɨ me arazir kurabar na gami. Kamaghɨn amizɨ, kɨ uabɨra ikia nan navim bar oseme.

Jeremaia 18:22

Nan apaniba nan suiragh na gasɨghasɨghasa, mati asɨzim mozimɨn magɨrasa mozim gutui, egha mati gumazim asɨzimɨn suighasa azuazim aguragha a mɨzua iti. Kamaghɨn amizɨ, nɨ zuamɨra gumazir kuraba ameghtɨ me izɨ gumazir kaba ko mɨsogh, me gasɨghasɨkigh, eghtɨ me bar puvɨram atiatingɨva, uan dɨpenibar aven mongegh bar puvɨram arangam.

Fofozir Gumazim 10:8

Gumazir tam mozir ekiam gɨkuigh a ti uabɨ an magɨrɨgham. Eghtɨ gumazitam me dagɨabar ingarizir dɨvazir gavgavim abightɨ, kuruzim ti a givigham.

Aghuzir Akaba 26:27

Gumazim igharazitav magɨrasa a bagha mozim gɨkuigha, a uabɨ mozir kam giraghu. Egha mati gumazim dagɨam popoegha mɨghsɨamɨn ghuavanadi, dagɨam ua puegha izaghira a gisɨn ghu.

Onger Akaba 119:95

Gumazir kuraba na mɨsueghtɨ kɨ aremeghasa na bagha mɨzua mueghav iti. Ezɨ kɨ uabɨ, kɨ zurara nɨn akabagh nɨghnɨghavɨra iti.

Jon Osirizir Akar Aghuim 15:25

Osizirir mam, Judan Arazibar aven iti, a kamaghɨn mɨgei, ‘Gumazamiziba pura nan apanim gami.’ Ezɨ akar kam guizbangɨra otivasa, kamaghɨn me nan apanim gami.

Jon Osirizir Akar Aghuim 10:32

Ezɨ Iesus kamaghɨn me mɨgei, “Nan Afeziam na mɨkemezɨ, kɨ ingangarir aghuir avɨribagh amizɨ, ia dar gani. Egha, ia ingangarir kabar manamra gɨnɨghnɨgha egha dagɨabar na ginivasa?”

Jeremaia 14:20

Bar guizbangɨra, Ikiavɨra Itir God, e fo, e uan inazir afeziaba ko, arazir kurar avɨribagh amua, nɨn damazimɨn e dar osɨmtɨziba iti.

Jeremaia 11:14

Jeremaia, gumazamizir kaba dughiar kuram bativamin dughiamɨn, nɨ me bagh na ko mɨkɨman markɨ. Nɨ me bagh pamten nan dɨman markɨ. Nɨ men akurvaghsɨ nan azangsɨghan markɨ. Guizbangɨra, me uarir akurvaghsɨ nan dɨmtɨ kɨ me bareghan kogham.”

Jeremaia 7:16

Egha Ikiavɨra Itir God, ua kamaghɨn na mɨgei, “Jeremaia, nɨ ua gumazamizir kaba bagh nan azangsɨgh nan dɨmɨva arangan markɨ. Kɨ nɨn azangsɨzitam bareghan kogham, kamaghɨn nɨ men akurvaghsɨ nan azangan markɨ.

Aghuzir Akaba 17:13

Me gumazir mam arazir aghuimɨn a gami, ezɨ gumazir kam arazir kuramɨn me ikara, eghtɨ an amuiroghboriba zurara dughiar kuramɨn ikiam.

Onger Akaba 38:20

Kɨ arazir aghuibar me gamima, me arazir kurabar na ikarvasi. Kɨ arazir aghuimɨn gɨn zui, ezɨ me bizir kam bagha nan apanim gami.

Onger Akaba 7:15

A gumazir igharaziba mozir torir kamɨn magɨrasa, me bagh a gɨkui. Egha a uabɨ mozir torir a kuizir kam giraghu.

Jopɨn Akɨnafarim 6:27

Kɨ ghaze, ia ti borir asaghasazibagh eghuvamin gumazim amɨsɨvɨsɨ, satu gikararangam. Egh ia dagɨaba inisɨ, ti uan namakaba amangam.

1 Samuel 19:4

Egha amɨmzaraghan, Jonatan ko Sol ghua uaning mɨgɨa, Jonatan Devitɨn ziam fa kamaghɨn Sol mɨgei, “Afeziam kɨ bizitam nɨ mɨkɨmasa. A kamakɨn. Nɨ arazir kuratam uan ingangarir gumazim Devit damuan markɨ. An arazir kuratamɨn nɨ gamizir puvatɨ. Bizir avɨrir an amiba da nɨn akurvasi.

Jeremaia 5:26

“Nan gumazamizibar tongɨn marasi, arazir kurabagh amir adarasi. Me gumazamizir igharaziba arazir kurabar me damuasa mɨzua iti. Mati gumazim kuarazim izɨ ivemɨn aven mangasa aneguragha a mɨzua iti.

Jeremaia 15:1

Egha Ikiavɨra Itir God, kamaghɨn na mɨgei, “Jeremaia nɨ oragh. Moses ko Samuel nan boroghɨn izɨva, gumazamizir kabar akurvaghsɨ izɨ nan damazimɨn tugh na ko mɨkɨm nan azangam, eghtɨ kɨ apangkuvitam men ikian kogham. Nɨ gumazamizir kaba batueghtɨ me mangɨ! Nan mukuragh! Kɨ ua kagh men ganan aghua.

Jeremaia 18:19

Ezɨ kɨ Jeremaia, kɨ kamaghɨn God ko mɨgei, “Ikiavɨra Itir God, nan dɨmdiam barakigh. Nɨ nan apaniba mɨkemezir akam gɨnɨghnɨgh.

Jeremaia 27:18

Gumazir kaba, me guizbangɨra akam inigha izir gumaziba, egh me guizbangɨra Ikiavɨra Itir God, dama akam inigh izɨsɨ, Ikiavɨra Itir Godɨn Gavgaviba Bar Itimɨn azaraghtɨ, an apaniba ateghtɨ me Ikiavɨra Itir Godɨn Dɨpenimɨn aven ingangarim damuamin biziba, ko atrivimɨn dɨpenimɨn itir bizir aghuiba ko, Jerusalemɨn danganir igharaziba bar moghɨra, dar itir bizir naba inigh Babilonɨn mangan kogham.

Jeremaia 17:18

Egh datɨrɨghɨn nɨ paza na gamir gumaziba, aghumsɨzim me danɨngightɨ, me dɨgavir kuram damightɨ, kɨ dɨgavir kuram damigh aghumsɨghan kogham. Nɨ men arazir kuram bangɨn dughiar kuram damightɨ, a me batogh bar me gasɨghasɨkigh.