Jeremaia 18:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Ikiavɨra Itir God ua kamaghɨn mɨgɨa ghaze: “Nɨ mangɨ Kantrin Igharazibar Gumazamizibar azaragh fogh, me tong kamaghɨn oraghiz, o? Israelia amizir arazir kurar kaba, kantrin igharazir taba uaghan, Israelian mɨn arazir kurabagh amiz, o? Puvatɨ. Israel, mati nan guivir igiar kɨ bar ifongezimɨn mɨn iti. Ezɨ an arazir bar kurar kɨ bar ifongezir puvatɨzim gami.

Jeremaia 18:13 ပူးပေါင်းရင်းမြစ်များ

Jeremaia 5:30

Guizbangɨra, bizir bar kurar atiatim anɨdim nguazir kamɨn oto.

Hosea 6:10

Kɨ arazir bar kurar mamɨn garima, a Israelɨn otifi. Nan gumazamiziba asebar ziaba fava egha nan damazimɨn bar mɨze. Efraimian arazir kam mati, gumazir ghua tuavir amiziba ko akuim.

Jeremaia 23:14

Ezɨ kɨ datɨrɨghɨn Jerusalemɨn gumazir Godɨn akam inigha izibar gari, me arazir bar mɨzɨrɨzibagh ami. Ezɨ men arazir kuraba bar kurigha, Samarian akam inigha izir gumazibar arazibagh afira. Me amuir ikɨziba ko, par ikɨziba abɨzir arazim gamua, egha uaghan ifavarimɨn arazim gami. Me gumazir arazir kurabagh amiba gavgavim me ganɨdi. Kamaghɨn amizɨ, gumazitam akɨrim ragha arazir kabanang gasarazir puvatɨ. Kɨ Jerusalemian garima, me bar gumazamizir kuraba, mati Sodom ko Gomora.

Aisaia 66:8

Gumazitam fomɨra bizir kamɨn ganigha, a baraghizir puvatɨ! Kantrin tam ti dughiar vamɨram otozir puvatɨ! Bar guizbangɨra, ikɨzir ekiatam dughiar vamɨran, zuamɨram otozir puvatɨ. Bar puvatɨ! Eghtɨ Saion borim batɨsɨ mɨzazim baragh, a bar zuamɨram uan boriba bategham.

Jeremaia 31:4

Ia Israelia, ia mati nan guivir igiar kɨ bar ifongezim, kɨ ia damightɨ ia ua kantrin gavgavimɨn ikiam. Egh ia akuegh, mati amizir igiaba buabav sogha, egha ighiam gizir marazi ko akueghɨva ighavamang ikɨ.

Jeremaia 14:17

“Jeremaia, nɨ gumazamizibar apangkuvamin akamɨn me mɨkɨm. Nɨ kamaghɨn mɨkɨm, ‘Kɨ Jeremaia, kɨ arueba ko dɨmagaribar azivɨra ikɨtɨ, nan damazimning temeriba dagh izɨvagh mamaghɨra ikiam. Nan gumazamiziba, guivir kɨ bar ifongezimɨn mɨn, kɨ bar deravɨra men gari. Ezɨ apaniba nan gumazamiziba puvɨra me mɨsoagharɨghizɨ, me bar moghɨra ikufi, mati me duar dafar kuraba iti.

1 Korin 5:1

Kɨ kamaghɨn eghaghaniba baraki, gumazamiziba tintinibar uari isava akuir arazim ian tongɨn oto. Kar arazir bar kuram. Arazir kam, Krais gɨfozir puvatɨzir gumazamiziba amir arazir kuraba, bar dagh afira. Arazir kamnang kamakɨn, gumazir mam uan afeziamɨn amuim koma akui.

Aisaia 36:22

Ezɨ Asirian abuir gumazim mɨkemezir mɨgɨrɨgɨaba, Eliakim, Sepna, ko Joa gamizɨ men naviba bar oseme. Ezɨ me uan korotiaba abɨagharigha ghua abuir gumazimɨn mɨgɨrɨgɨaba bar dar gun Hesekia mɨgei.

1 Samuel 4:7

Egha me atiatigha kamaghɨn mɨgei, “Israelian aser maba, men averpenibar aven izegha gɨfa. Maia, e datɨrɨghɨn kuram iniam. Fomɨra en apaniba kamaghɨn garir arazir tamɨn e gamizir puvatɨ.

Jeremaia 18:14

Lebanonɨn kantrin dagɨar mɨghsɨaba, ti dughiar tabar ais dar amera ira uaghiri o? Ti puvatɨ. Mɨghsɨar kabar dɨpar orangtɨziba ti dati, o? Bar puvatɨ.

Amos 5:1

O Israelia, ia oragh! Ia mati gumazim aremezɨ moghɨn iti. Kamaghɨn amizɨ, kɨ azirakar ighiar mam ia bagh a bangɨtɨ, ia a baragham.

Amos 5:2

Azirakar kam kamaghɨn ghu: “Kantri Israel mati amizir igiar kam, a irɨgha gɨvagha, ua dɨkavan kogham. A datɨrɨghɨn uan nguazim girɨghav iti, ezɨ an akurvagh, uam a famin gumaziba puvatɨ.”