Jeremaia 17:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ “Ezɨ gumazamizir nɨghnɨzir gavgavim nan itiba, kɨ bar deraghvɨra me damuam.

Jeremaia 17:7 ပူးပေါင်းရင်းမြစ်များ

Onger Akaba 34:8

Ia kamaghɨn ganigh fogh suam, Ikiavɨra Itir Godɨn araziba da bar moghɨra dera. Gumazim God bagh mangɨ an aven modogh nɨghnɨzir gavgavim an ikɨ, egh a deragh ikɨ bar akuegham.

Onger Akaba 40:4

Gumazamizir nɨghnɨzir gavgavim Ikiavɨra Itir Godɨn itiba, me bar akongegh. Gumazamizir kaba, me gumazir uari uan ziaba febar gɨn zuir puvatɨgha, uamategha asebar ziaba fer puvatɨ.

Onger Akaba 125:1

Gumazamizir nɨghnɨzir gavgavim Ikiavɨra Itir Godɨn itiba, me Saionɨn Mɨghsɨamɨn mɨn iti. Mɨghsɨar kam bar gavgavigha mozoroziba puvatɨ, a ikɨ kamaghɨra ikiam.

Aisaia 30:18

Guizbangɨra, Ikiavɨra Itir God, a Godɨn guizɨn arazibagh amim. Kamaghɨn amizɨ, a ian apangkuvighasa ifongiar bar ekiam iti. A uan apangkuvim ian akakaghasa ia mɨzua iti. Gumazamizir nɨghnɨzir gavgavim an ikiava, uarir akurvaghasa a mɨzua itiba, me bar akuegham.

Aghuzir Akaba 16:20

Gumazim deraghvɨram an sure gamir gumazibar akam baregh, dabirabir aghuim ikiam. Gumazim bar nɨghnɨzir gavgavim Ikiavɨra Itir Godɨn ikɨva, a bar akuegham.

Onger Akaba 84:12

O Ikiavɨra Itir Godɨn Gavgaviba Bar Itim, gumazamizir nɨghnɨzir gavgavim nɨn itiba, me zurara bar akuegham.

Onger Akaba 146:5

Gumazitam nɨghnɨzir gavgavim Jekopɨn Godɨn ikɨ suam, Ikiavɨra Itir God nan akuragham, gumazir kam bar akongegh.

Onger Akaba 2:12

Ia uari amɨragh teviba apɨrigh magɨrɨ, an dagarimningɨn tor. Puvatɨghtɨ, an adarim zuamɨrama otoghtɨ ia arɨmɨghiregham. Guizbangɨra, an anɨngagheghtɨ an anɨngagharim zuamɨrama otogham. Eghtɨ gumazitam God bagh izɨ an aven modogh, nɨghnɨzir gavgavim an ikɨ bar akuegham.

Efesus 1:12

E Judaba, e faraghavɨra Krais mɨzuava an gɨn zuir gumazamiziba, e Godɨn ziar ekiam bar a pɨrafam.

Onger Akaba 71:5

Ekiam, kɨ nɨghnɨzir gavgavim nɨn iti. Kɨ fomɨra uan igiamra ikia, nɨghnɨzir gavgavim Ikiavɨra Itir God, nɨn ikia, iza datɨrɨghɨn ikia kamaghɨra iti.

Aisaia 61:3

Gumazamizir Saionɨn nguibamɨn aven ikiava aziba, kɨ bar akongezir arazim ko navir amɨrizim me danɨngtɨ, me gavgavigham. Egh kɨ averenir me uan dapanibagh atɨziba adegh, kurkazir aghuiba men kurkegham. Kɨ borem me daghuightɨ, me bar akuegh, men osɨmtɨzir ararem gɨvagham. Egh me ua uan gavgavim inigh, gumazim korotiar aghuim aruzɨ moghɨn, Ikiavɨra Itir God bagh bar akongegh onger akar aghuibar amuam. Egh me temer Okɨn, Ikiavɨra Itir God, uabɨ oparizibar mɨn, tuivigh ikɨ deraghvɨra Ikiavɨra Itir Godɨn gɨn mangɨ an ziar ekiam fam.

Jeremaia 39:18

Kɨ deraghvɨra nɨn akurvagh nɨn ganam, eghtɨ me nɨ mɨsueghtɨ nɨ aremeghan kogham. Nɨ nɨghnɨzir gavgavim nan iti, kamaghɨn nɨ aremeghan kogham. Kɨ Ikiavɨra Itir God, kɨ mɨkemegha gɨfa.”

Daniel 3:28

Ezɨ atrivim kamaghɨn mɨgei, “E bar Satrak, Mesak, ko Abetnego, men Godɨn ziam fam. God uan ensel amadazɨ a 3plan gumazir an ziam fa egha nɨghnɨzir gavgavim an itibar akura. Me nan akam batuegha ovengan atiatingizir puvatɨ. Egha godɨn igharazitam tevimning apɨrigha an ziam feir puvatɨ. Me uan Godɨn ziamra fe.

Onger Akaba 20:8

Gumazamizir kamaghɨn amiba, me asaghpora ira bar puvarɨsi. E puvatɨ. E dɨkavigh tuivigh gavgavigham.

Sefanaia 3:12

Eghtɨ gumazamizitaba, kɨ me ateghtɨ me Jerusalemɨn nguibamɨn ikiam. Me bizir avɨriba puvatɨgh guizbangɨra uari dɨkabɨragham. Egh na bagh izɨ uarir akurvaghsɨ nan azangsɨgham.