Jeremaia 17:27 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁷ Egh ia nan akamɨn gɨn mangan aghuagh, Sabatɨn dughiam amɨseveghtɨ a nan dughiamra ikian kogh, ia biziba inigh Sabatɨn dughiamɨn Jerusalemɨn tiar akabar aven mangɨgh izegh damutɨ, kɨ tiar akar kaba avim dar atɨghtɨ da isiam. Eghtɨ Jerusalemɨn itir dɨpenir ekiaba bar isigham. Eghtɨ tav avir kam amungeghan kogham.’ ”

Jeremaia 17:27 ပူးပေါင်းရင်းမြစ်များ

2 Atriviba 25:9

Egha a Ikiavɨra Itir Godɨn Dɨpenim ko Judan atrivimɨn dɨpenim ko, Jerusalemɨn gumazir aruabar dɨpeniba sara, a bar dagh aponge. Babilonian dɨpeniba bar, a vaghvagha dagh aponge.

Jeremaia 7:20

Kamaghɨn, kɨ Ikiavɨra Itir God, men Ekiam, kɨ uan anɨngagharim bar a isɨ nguibar ekiar kamɨn gumazamiziba, ko asɨziba, ko temeba, ko dagheba, kɨ bar me gingegham. Nan anɨngagharim avir ekiamɨn mɨn irɨtɨ tav anemungeghan kogham.”

Jeremaia 21:14

Kɨ ian arazir kurar ia amiziba ikarvagh pazavɨra ia damigham. Kɨ avim damightɨ a Jerusalemɨn nguibar ekiamɨn otogham, mati avim ruarir arɨzimɨn dɨkavigha isi, egh avir kam atrivimɨn dɨpenimɨn isitɨ, Jerusalemɨn dɨpeniba uaghan bar moghɨra isigham. Kɨ Ikiavɨra Itir God, kɨ mɨkemegha gɨfa.”

Amos 1:14

Kamaghɨn amizɨ, kɨ avim isɨ Raban nguibar ekiamɨn dɨvazibav kɨnightɨ, men dɨpenir ekiaba bar isigham. Eghtɨ mɨdorozir gumaziba mɨsoghɨva pamtemɨn dagarvagh dɨmam, eghtɨ mɨdorozim bar gavgavigham, mati amɨnir ekiam dughiar kuramɨn oto.

Esekiel 22:8

Ia ghaze, nan ziam fer biziba, da pura biziba. Egha ia Sabatɨn arazimɨn gɨn zuir puvatɨgha anebɨragha ghaze, a pura dughiar kɨnim.

Jeremaia 52:13

Egha a Ikiavɨra Itir Godɨn Dɨpenim ko Judan atrivimɨn dɨpenim ko, Jerusalemɨn gumazir aruabar dɨpeniba sara, a bar dagh aponge. Babilonian dɨpeniba bar, a vaghvagha dagh aponge.

Jeremaia 49:27

Kɨ Damaskusɨn nguibam avɨnizir dɨvazim avim a datɨghtɨ, avir kam uaghan Atrivim Benhadatɨn dɨpenir gavgavim uaghan an isigham.”

Jeremaia 39:8

Ezɨ Kaldiabar mɨdorozir gumaziba Jerusalemɨn ikia atrivimɨn dɨpenim ko gumazamizibar dɨpenibagh apongezɨ da isi. Egha Jerusalem avɨnizir dɨvaziba bar da akaragharɨki.

Aisaia 1:20

Egh ia aghuagh nan akam batueghtɨ, ian apaniba izɨ ia mɨsoghtɨ, ia arɨghiregham. Kɨ Ikiavɨra Itir God, kɨ mɨkemegha gɨfa.”

Hibru 12:25

Ia deraghvɨra gan, egh ia uan kuaribav kumigh Gumazir Mɨgeimɨn akam baraghan aghuaghan markɨ. Fomɨra nguazir kamɨn God Akar Gavgavim gumazamizibagh anɨngi. Ezɨ me an akam baraghan aghua, egha gɨn me uan arazir kurabar ivezir kuram gitazir puvatɨ. God datɨrɨghɨn uan Nguibamɨn ikia egha akar bar gavgavim e ganɨngi. E akɨrim ragh a gasaragh egh e uan arazir kuramɨn ivezir kuram gitavɨragham, o? Bar puvatɨ.

Amos 2:2

Kamaghɨn amizɨ, kɨ avim isɨ Moapɨn kantrin anekunightɨ, Keriotɨn nguibamɨn dɨpenir gavgaviba bar isigham. Eghtɨ mɨdorozir bar ekiam otoghtɨ, mɨdorozir gumaziba pamten dɨmɨva sɨghabagh iviam. Eghtɨ Moapia mɨdorozir kamɨn tongɨn arɨmɨghiregham.

Amos 1:12

Kamaghɨn amizɨ, kɨ Temanɨn Distrighɨn avim akunightɨ a magɨram. Eghtɨ kɨ Bosran nguibar ekiamɨn itir dɨpenir gavgavibar apongtɨ da isiam.”

Amos 1:10

Kɨ avim isɨ Tairɨn dɨvazim mɨkɨnighɨva, an aven itir dɨpenir gavgaviba bar dar apongegham.”

Amos 1:7

Kamaghɨn amizɨ, kɨ avim isɨ Gasan nguibar ekiamɨn itir dɨvazim mɨkɨnightɨ, avim an dɨpenir gavgaviba bar dar isigham.

Amos 1:4

Kamaghɨn amizɨ, kɨ avim isɨ Atrivim Hasaelɨn dɨpenim mɨkɨnightɨ, avim Atrivim Benhadatɨn nguibar ekiar gavgaviba bar dar isigham. Nguibar kaba, dɨvazir bar gavgaviba da avɨnizɨ da gavgavigha iti.

Esekiel 16:41

Egh gumazir kaba nɨn dɨpenibar apongɨva amizir avɨribar damazimɨn ivezir kuram nɨ danɨngam. Tuavir kamɨn, kɨ nɨn arazir tuavimɨn amizimɨn arazir kam agɨvagham. Egh kɨ uaghan nɨ damightɨ, gumazir nɨ gifongeziba, nɨ ua pura bizir aghuiba isɨ me danɨngɨva me apezeper me gekuan kogham.

Jeremaia 44:16

“Nɨ Ikiavɨra Itir Godɨn ziamɨn akaba e mɨkɨri. Ezɨ e akar kam bareghan kogham. Puvatɨ. E aghua.

Jeremaia 32:29

Me izɨ nguibar ekiar kam daboroghtɨ a isigham. Eghtɨ avir kam dɨpeniba bar dar isigham, dɨpenir kaba gumazamiziba faragha dagh isɨn ghuavanaga, ofan mɨgharir mughuriar aghuim zuiba aser Bal bagha dagh amua, wainɨn ofaba aser igharaziba bagha da inge. Ezɨ gumazamiziba amir arazir kaba na gamima kɨ bar anɨngaghe.

Jeremaia 22:5

Egh ia nan akamɨn gɨn mangan koghtɨ, kɨ Ikiavɨra Itir God, kɨ bar guizbangɨra uabɨ uan ziam dɨbora ghaze, dɨpenir kam kɨ a gasɨghasigham.

Jeremaia 17:24

Kɨ Ikiavɨra Itir God, kɨ ghaze: Ia nan akam barakigh! Ia Sabatɨn dughiamɨn biziba ater Jerusalemɨn aven izan markɨ. Ia Sabatɨn dughiam amɨseveghtɨ a nan dughiamra ikɨtɨ, ia an ingangaritam bar a damuan markɨ. Ia nan akamɨn gɨn mangɨ,

Jeremaia 17:4

Ian arazir kurar ia amir kaba bangɨn, kɨ ia damightɨ ia nguazir kɨ anɨngizir kam ategham. Egh kɨ ia damightɨ ia nguazir ia fozir puvatɨzimɨn pura uan apanibar ingangarir gumazir kɨnibar otivigham. Guizbangɨra, nan anɨngagharim mati avir mam isia iti. Ia uari avir kam uam a gamizɨ a dɨkafi. Eghtɨ avir kam isi mamaghɨra ikiam.”

Jeremaia 6:17

Ezɨ Ikiavɨra Itir God ghaze, “Kɨ ian faragh mangɨ ikiangsɨzim ia danɨngamin gumaziba amɨsevegha gɨfa. Egha kɨ kamaghɨn ia mɨgei, ‘Osɨmtɨzim otivamin dughiamɨn me sɨgham givitɨ, ia deravɨra me baragh.’ ” Ezɨ me ghaze, “Ti puvatɨgham. E gumazir kabar akaba bareghan kogham.”

Aisaia 1:31

E fo, ogher mɨsigha gɨvaziba zuamɨra isi, ezɨ arazir kamra gumazamizir gavgaviba ko bizir me amiziba bativam. Avir kuram, uaghara zuamɨram men sigham, eghtɨ dughiar kamɨn gumazitam men akurvaghsɨ avim amungan iburagham.

2 Eghaghaniba 36:19

Ezɨ Babilonia Godɨn Dɨpenim gaborogha Jerusalem avɨnizir dɨvaziba bar ada akaragharɨki. Egha nguibamɨn aven atrivir dɨpenim ko, dɨpenir aghuir igharaziba bar dagh apongezɨ da isi. Egha bizir iveziba bar pɨn kozibagh asɨghasɨki.

2 Atriviba 22:17

Gumazamizir akɨrim ragha na gasarazir kaba, me asebar marvir guabar ofabagh ami. Ezɨ men arazir kurar kam na gamizɨma, kɨ puvɨram atari. Kɨ Jerusalemia bar men anɨngaghe, ezɨ nan anɨngagharir kam, a gɨvaghan kogham.

Godɨn Araziba 32:22

Eghtɨ nan anɨngagharim dughiar kamɨn avimɨn mɨn isiva, nguazir kamɨn itir biziba bar adar isigham. Egh avim Gumazamizir Oveaghuezibar Nguibamɨn bar nguazimɨn apengan magɨrɨgh, dagɨar bar ekiar mɨghsɨaba dagh isɨn apiaghav itibar isigham.

Onger Akaba 122:7

Gumazamizir Jerusalemɨn dɨvazimɨn aven itiba deragh ikɨva, ua mɨdorozim damuan kogham.

Jeremaia 18:1

Kɨ Jeremaia, Ikiavɨra Itir God, na mɨgɨa ghaze,

Esekiel 21:15

Mɨdorozir sabar kam, nan gumazamizibagh amima, me gavgaviba puvatɨgha daghiri. Mɨdorozir sabar kam, onɨmarimɨn mɨn taghtagha nguibar ekiamɨn tiar akamɨn ikia kuaba akunasavɨra gara iti.

Esekiel 23:38

Aning arazir kamnangram amizir puvatɨ. Aning nan dɨpenim gamizɨ a bar mɨze. Aning bar moghɨra Sabatɨn arazimɨn gɨn zuir puvatɨgha anebɨragha ghaze, a pura dughiar kɨnim.

Hosea 8:14

“Israelia ghaze, atriviba ti men akurvaghamin gavgaviba itima, me atrivibar dɨpenibar ingari. Bar guizbangɨra, kɨ God, kɨ gumazamizibar ingari. Ezɨ me bizir kam gɨn amada. Judaba uaghan osɨmtɨzir kamra iti, me dɨvazir gavgaviba itir nguibar ekiabar ingari. Egha ghaze, me deravɨra ikiam. Ezɨ puvatɨ, kɨ avim amadaghtɨ, a izɨ nguibar ekiar kaba ko atrivibar dɨpenibar isigham.”

Esekiel 21:3

Nɨ nan Akar Gavgavim isɨ kamaghɨn Israelɨn nguazimɨn itir gumazamizibav kɨm suam, kɨ Ikiavɨra Itir God ghaze, kɨ ian apanim damuva, uan mɨdorozir sabamɨn bar ia mɨsoghɨrarigham, ian gumazamizir aghuiba ko kuraba sara.