Jeremaia 17:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ O Ikiavɨra Itir God, nɨ nan arɨmariam akɨrightɨ, kɨ bar guizbangɨra ghuamagheka. Nɨ nan akuraghtɨ, kɨ guizbangɨra deraghvɨra ikiam. Kɨ ziar ekiam nɨraram anɨdi.

Jeremaia 17:14 ပူးပေါင်းရင်းမြစ်များ

Onger Akaba 6:2

O Ikiavɨra Itir God, kɨ bar osemegha ua gavgaviba puvatɨ, ezɨ nɨ nan apangkufigh. Nan gavgaviba bar gɨfa, eghtɨ nɨ gavgavir igiam na danɨngightɨ kɨ ua deragham.

Godɨn Araziba 32:39

Ia oragh. Ia kamaghɨn fogh, kɨ uabɨra, kɨ guizbangɨra God. Ezɨ godɨn tam ua itir puvatɨ. Kɨ uabɨ, kɨ ikɨrɨmɨrir angamɨra itim gumazamizibagh anɨga, egha men duaba isi me ovei. Kɨ gumazim gasɨghasigh ua anekɨrightɨ a deragham. Egh kɨ bizitam damutɨ gumazitam nan anogoreghan kogham.

Onger Akaba 106:47

O Ikiavɨra Itir God, en God, nɨ datɨrɨghɨn en akuragh! E gumazamizir bar igharazibar torimɨn iti, nɨ uam e akuvagh uam e inigh en nguazimɨn izɨ. Eghtɨ e nɨn ziar ekiam gɨnɨghnɨgh nɨn ziar ekiam mɨnabagham. E nɨn ziam fɨsɨ bar akuegham.

Luk Osirizir Akar Aghuim 4:18

“God Akar Aghuim onganarazibagh amir gumazamizibav kɨnasa na mɨsevegha, borem nan dapanim ginge, kamaghɨn amizɨ, Ekiamɨn Duam nan iti. Egha uaghan akam akunasa na amada, eghtɨ kɨ kamaghɨn me mɨkɨm suam, gumazir damazir kuraba ua ganam. Eghtɨ kalabusɨn itir gumazamiziba ko gumazir osɨmtɨzibar apengan itiba, kɨ me bagh kalabusɨn tiar akam kuightɨ, me kalabus ategh fɨrighɨregh mangam. Kɨ kamaghɨn me mɨkɨmam, Ekiam gumazamizibagh ifongezir dughiam, an otogha gɨfa.”

Godɨn Araziba 10:21

Anarɨra, a ian God, kamaghɨn ia an ziam fɨ. Ia uari bizir ekiar igharagha garibar gari, a ian akurvaghasa dagh ami.

Onger Akaba 109:1

O God, kɨ nɨn ziam a pɨrafa. Nɨ nɨmɨra ikian markɨ.

Onger Akaba 6:4

O Ikiavɨra Itir God, nɨ iragh izɨ nan akuragh ua na inigh. Nɨn apangkuvim zurara ikia mamaghɨra iti, nɨ uan apangkuvim ginɨrɨgh nan akuraghtɨ kɨ ovengan kogham.

Jeremaia 15:20

Kɨ gumazamizir kabar damazimɨn nɨ damightɨ, nɨ brasɨn dɨvazimɨn mɨn tugh gavgavigham. Kɨ datɨrɨghɨn nɨn akuragha, nɨ ko iti. Eghtɨ gumazamizir kaba nɨn apanim damuva nɨ dɨkabɨraghan kogham. Kɨ Ikiavɨra Itir God, kɨ kamaghɨn mɨkemegha gɨfa.

Matyu 14:30

A ghua amɨnir gavgavimɨn gari, a bar ekevezɨma an atiatia dɨpamɨn aven ghuaghiri. Egha dei, “Ekiam, nɨ nan akuragh!”

Jeremaia 31:18

“Kɨ Efraimɨn adarazir azir akam baregha gɨfa. Me azia kamaghɨn mɨgei: ‘Ikiavɨra Itir God, nɨ e akɨrasa, mɨzazim e ganɨngi, mati gumazim bulmakaun igiar orazir puvatɨgha akaba batozim mɨsosi. Ikiavɨra Itir God, nɨrara en God, kamaghɨn nɨ ua e ateghtɨ, e uamategh nɨ bagh izam.

Aisaia 6:10

Egha a uaghan kamaghɨn mɨkeme: “Nɨ gumazamizir kabav kɨmɨva, men nɨghnɨzibar amightɨ, da pɨrigh, egh men kuaribar amightɨ, me akam baraghan aghuagh, egh men damazibar amightɨ, me ganan iburagham. Puvatɨghtɨma, me ua bizitamɨn ganigh akam baregh an mɨngarim gɨfogham. Egh me navibagh iragh egh na bagh izɨtɨ, kɨ men arazir kuraba gɨn amadaghtɨ, me ua deragham.”

Matyu 8:25

Ezɨ an suren gumaziba a gaghuragha a mɨgei, “Ekiam, nɨ en akuragh, e arɨmɨghiregham!”

Onger Akaba 148:14

A bar Israelia gifonge. Me bar an gumazamizibara. Me bar an boroghɨra itima, a me gamima me gavgavighavɨra iti. Egha me bar an ziam fe. Aleluia! Ia Ikiavɨra Itir Godɨn ziam fɨ.

Onger Akaba 60:5

Nɨ bar ifongezir darazi bar deravɨra ikiasa, nɨ uan agharir guvir gavgavimɨn en suiragh en akuragh. Nɨ en azangsɨzim baragh!

Onger Akaba 12:4

Me kamaghɨn mɨgɨa ghaze, “E mɨkɨmsɨ ifongegh e mɨkɨmam. Gumazitam en anogoroghan kogham. Tinara e gativagh en ganam?”

Dɨboboniba 12:13

Ezɨ Moses Ikiavɨra Itir Godɨn dɨa ghaze, “O God, kɨ kamaghsua, nɨ Miriamɨn mɨkarzim damightɨ, a ua deragh.”

Onger Akaba 54:1

O God, nɨ uan ziar gavgavimɨn nan akuragh gumazir kurabar dafaribar ua na inigh. Nɨ uan gavgavir bar ekiamɨn nan akuraghtɨ, kɨ fɨrighɨrɨka.

Jeremaia 3:23

E fo, e mɨghsɨabar pɨn ikia asebar ziaba fa nɨgɨnir dafam gamir arazir kam, tong bar guizbangɨrama en akuraghan kogham. Ikiavɨra Itir God, en God, a uabɨra Israelia en akuragham.

Jeremaia 30:17

Ian apaniba kamaghɨn mɨgei: ‘Saion mati bizir kɨnim, egha bar ikufi. Ezɨ gumazitam an apangkuvir puvatɨ. Kɨ uabɨ ian mɨkarzibar amightɨ, da ua deragham, egh ian duabar amightɨ, da mɨsigham.’ Kɨ Ikiavɨra Itir God, kɨ kamaghɨn mɨkemegha gɨfa.”

Jeremaia 33:6

“Eghtɨ kɨ gɨn nguibar ekiar kamɨn akuragham, eghtɨ nguibam ko an gumazamiziba ua deragh otivigham. Eghtɨ kɨ dughiar bar aghuim me danightɨ, me deragh dapiaghtɨ, apaniba me mɨsoghan kogham.

Onger Akaba 6:3

O Ikiavɨra Itir God, nan navim osɨmtɨzir ekiam a itaragha ghuaghiri. Ezɨ dughiaba manmaghɨn, osɨmtɨzir ekiar kam nan navir averiamɨn ikɨvɨra ikiam?

Onger Akaba 119:94

Kɨ zurara nɨn akabar gɨn zui, egha kɨ nɨ baghavɨra itir gumazim. Nɨ nan akuragh.