Jeremaia 16:21 - Godɨn Eghaghanim: Akar Gavgavir Dɨkɨrɨzir Ghurim ko Igiam

²¹ Ezɨ Ikiavɨra Itir God kamaghɨn mɨgei, “Nɨ oragh! Kɨ gumazamizir arazir kurabagh amiba dughiar vamɨrara men sure damigham. Dughiar kamɨn kɨ men sure damutɨ, me nan gavgavir ekiam gɨfogham. Egh me fogh suam, Nan ziam, Ikiavɨra Itir God.”

Jeremaia 16:21 ပူးပေါင်းရင်းမြစ်များ

Onger Akaba 9:16

Ikiavɨra Itir God, guizɨn arazimɨn gumazamiziba tuisɨzir dughiamɨn, a uan arazir aghuim akakasi. Gumazamizir kuraba, igharaz darazigh asɨghasɨghasa amir biziba meraram asɨghasɨsi. (Nɨ akar kam gɨnɨghnɨgh kuarimɨn aven bar aghumra ighiam damu.) (Ighiam gamua an suiam atugha avughsegha ua ighiam gami.)

Jeremaia 33:2

“Kɨ Ikiavɨra Itir God, kɨ bizitam damusɨ a gɨnɨghnɨghɨva, kɨ bizir kam damightɨ an otogham. Kɨ Ikiavɨra Itir God, kar nan ziamra. Ezɨ kɨ kamaghɨn mɨgei:

Onger Akaba 83:18

Nɨ kamagh damightɨ me guizbangɨra ganigh fogh suam, “Nɨ bar uabɨra nɨn ziam, Ikiavɨra Itir God. Nɨrara Godɨn Bar Pɨn Itim, egha nguazir oteviba bar dagh ativagha dar gari.”

Amos 5:8

God mɨkovezir kamning Guezam ko, Iavibamɨn ingarigha, egha uaghan mɨkovezir pɨn ikia angazangarim anɨdiba sara ingari. A mɨtarmer bar pɨzim gɨrazɨ, angazangarim oto. Egha angazangarim gɨrazɨ mɨtatem oto. Egha ongarimɨn deima, a izima, an a isa nguazim ginge. A gumazir gavgaviba ko men dɨpenir gavgaviba sarama asɨghasɨsi. God bar bizir kabagh ami, ezɨ an ziam, Ikiavɨra Itir God.

Aisaia 43:3

Kɨ Ikiavɨra Itir God, ian God, Israelian Godɨn Bar Zuezim, ian Akurvazir Gumazim. Ia apanibar dafarimɨn itir dughiamɨn, kɨ Isipia ko, Itiopiaba ko, Sebaba, me isɨ ian danganim inisɨ apanibar agharim datɨgh ia givezeghtɨ, ia fɨrighɨrɨgham.

Ua Me Ini 15:3

Ikiavɨra Itir God, a bar mɨdorozir gumazir gavgavim. Ziar kam, Ikiavɨra Itir God, kar an ziam.

Esekiel 25:14

Kɨ Idomian arazir kuraba ikarvagham. Kamaghɨn amizɨ, kɨ uan gumazamiziba, Israelia, me amadaghtɨ me mangɨ me mɨsogham. Eghtɨ Idomia nan adarim ko anɨngagharir ekiar kam iniam. Egh Idomia uari nan ikarvaghamin arazim gɨfogham. Kɨ Ikiavɨra Itir Godɨn Ekiam, kɨ kamaghɨn mɨkemegha gɨfa.”

Esekiel 24:27

Eghtɨ dughiar kamra, nɨ ua bizibav kɨmam. Eghtɨ nɨ gumazir kam ko mɨkɨm, egh ua nɨmɨra ikian kogham. Arazir kamɨn, nɨ mati ababanimɨn mɨn ikɨva fofozim gumazamizibar anɨngam, eghtɨ me fogh suam, kɨ Ikiavɨra Itir Godɨn Ekiam.”

Esekiel 24:24

Esekiel ia bagha ababanim gami, ezɨ ia an amizɨ moghɨra damu. Bizir kaba otoghamin dughiamɨn ia fogh suam, kɨrara, kɨ Ikiavɨra Itir Godɨn Ekiam.”

Esekiel 6:7

Eghtɨ apaniba Israelɨn kantrin averiam bar a daru, egh gumazamizibav soghɨrarɨgham, eghtɨ ariaghirezir puvatɨgha angamɨra itiba ganigh kamaghɨn fogh suam, kɨ Ikiavɨra Itir God.

Ua Me Ini 14:4

Kɨ atrivim damightɨ an navim gavgavightɨ, a ian agɨragham. Eghtɨ kɨ a ko an mɨdorozir gumaziba, me dɨkabɨragh me abɨragham. Egh bizir kam bangɨn kɨ ziar ekiam iniam. Eghtɨ Isipia fogh suam, Kɨrara, kɨ Ikiavɨra Itir God.” Ezɨ Israelia Ikiavɨra Itir Godɨn akam baregha, uamategha ghua Pihahirotɨn nguibamɨn boroghɨn apia.

Ua Me Ini 6:3

Azenir bar faragha ghua gɨvazibar, kɨ Abraham ko Aisak ko Jekop, me batifi. Ezɨ me fo, kɨ Gavgaviba Bar Itir God. Egha kɨ uan ziam Ikiavɨra Itir God, an gun me mɨkemezir puvatɨ. Me ziar kam gɨfozir puvatɨ.