Jeremaia 16:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Me nguazir kɨ me ganɨngizir kam, marvir guar kurar kaba isa nan nguazim garɨghizɨ, da nan damazimɨn mɨze. Kamaghɨn kɨ me amizir arazir kuramɨn ivezim givɨragh, ua a ikaragham.”

Jeremaia 16:18 ပူးပေါင်းရင်းမြစ်များ

Aisaia 40:2

Ia apangkuvim itir akar aghuir kam isɨ, Jerusalemɨn nguibamɨn gumazamiziba me mɨkɨm gavgavim me danɨng. Egh kamaghɨn nan gun me mɨkɨm suam, kɨ Ikiavɨra Itir God, kɨ uan dafarimɨn men arazir kuraba ikaragha bar dughiar ruarimɨn me ataghizɨ me kalabusɨn ike. Ezɨ datɨrɨghɨn kɨ men mɨzaziba ko ingangarir ekiam agɨvagha men arazir kuraba gɨn amadazɨ, me fɨriaghɨre.”

Akar Mogomem 18:6

Ia amizir kam gumazamizibagh amizir arazir kuraba bagh ivezir magh garimra a ikaragh. An arazir kuraba, da bar avɨraseme, kamaghɨra ia an arazir kurabar ivezim isafuraghɨva bar a danɨngigh. A dɨpar onganir gavgavimɨn kap isa gumazamiziba bagha a inge, kamaghɨra ia dɨpar gavgavir onganim uam a isafuragh a bagh kap gingegh a danɨngigh.

Esekiel 11:21

Egh gumazamizir asebar marvir guar kɨ bar aghuazibar ziaba feba, kɨ me amir arazir kaba ikarvagh ivezir kuram me danɨngam. Kɨ Ikiavɨra Itir Godɨn Ekiam, kɨ mɨkemegha gɨfa.”

Jeremaia 17:18

Egh datɨrɨghɨn nɨ paza na gamir gumaziba, aghumsɨzim me danɨngightɨ, me dɨgavir kuram damightɨ, kɨ dɨgavir kuram damigh aghumsɨghan kogham. Nɨ men arazir kuram bangɨn dughiar kuram damightɨ, a me batogh bar me gasɨghasɨkigh.

Jeremaia 2:7

Kɨ ian inazir afeziaba inigha nguazir aghuir dagheba deravɨram aghuir kamɨn me arɨki. Ezɨ ia an ikia dagher aghuiba ko ter ovɨzir aghuiba apa bar akonge. Egha dughiar ia nan nguazimɨn itim, ia an ikia arazir kurar bar kuribagh ami, egha ia nguazir kɨ ia ganɨngizir kam gamizɨ, a nan damazimɨn bizir bar mɨzezimɨn mɨn oto.

Esekiel 11:18

Egh me uamategh Israelɨn nguazimɨn izeghɨva asebar marvir guar kɨ bar aghuaziba, bar da batokegh.

Jeremaia 3:9

A ghaze, an arazir tuavimɨn amiziba gumaziba okɨa me isava akuir kam, a pura bizim. Egha a dagɨaba ko temebar marvir guabar ziaba fe. A kamaghɨn amua, nguazir kam gamizɨ, a nan damazimɨn bar mɨze.

Aisaia 61:7

Ia faragha bar aghumsɨzir dafam inigha uan guaba monge. Egh gɨn ia uari uan nguazim inigh a dapiagh bizir bar avɨrim initɨ, da bizir ia faragha inizibagh afiragham. Eghtɨ ia bar akongegh ikɨ kamaghɨra ikiam.

Maika 2:10

Ia gumazir arazir kurabagh amua nan damazimɨn zuezir puvatɨziba, ia kagh deravɨra ikiamin danganir aghuiba puvatɨgham. Kɨ bar pazavɨra ia gasɨghasigham. Kamaghɨn amizɨ, ia dɨkavigh mangɨ.

Aisaia 24:5

Gumazamizibar arazir kuraba bangɨn, nguazim Godɨn damazimɨn bar ikufi. Me akɨrim ragha Godɨn Arazibagh asara. Me arazir God ifongeziba munasa amuavɨra iti. Me God ko Akar Dɨkɨrɨzir Gavgavir ikɨ mamaghɨra ikiamim abɨki.

Onger Akaba 106:38

Me uari uan otariba ko guivibav sozi me ariaghiri. Men boriba osɨmtɨzitaba puvatɨ, ezɨ me me isa pura me mɨsozi me ariaghiri, ezɨ me me isa Kenanian aseba bagha ofa gami. Men arazir kamɨn, men boribar ghuziba ira egha men nguazim gamizɨ, a Godɨn damazim mɨze.

Ofa Gami 26:30

Eghtɨ kɨ uan navir averiamɨn aven ian anɨngaghegh, ia mɨghsɨamɨn pɨn ingarizir danganir asebar ziaba febagh asɨghasɨgh, ian ofan mɨgharir mughuriar aghuim zuibagh amir ofa gamir dakoziba apɨrigham. Egh kɨ ia mɨsuegh ian kuaba isɨ marvir guar kɨ asɨghasɨghizir kabagh isɨn da kunigham.

Aisaia 65:6

“Ia oragh! Ia gumazamizir kuraba, kɨ Ikiavɨra Itir God, ian arazir kuraba uan akɨnafarimɨn da osiri. Egh nɨmɨra ikian kogham. Puvatɨ. Kɨ bar ia gasɨghasɨgh, ian arazir kurabar ivezimra ia ikarvagham.

Jeremaia 7:30

Ikiavɨra Itir God kamaghɨn mɨgɨa ghaze, “Judaba nan damazimɨn arazir kurar avɨribagh ami. Me marvir guar kɨ ifongezir puvatɨzir kaba isa, nan Dɨpenir kɨ uan ziam fasa inabazir kamɨn aven da arɨki. Egha kamaghɨn nan Dɨpenim gamima, a nan damazimɨn bar mɨze.

Jeremaia 44:4

Kɨ faragha dughiar avɨribar uan ingangarir gumaziba amangi, me Godɨn akam inigha izir gumaziba, me Judaba ia bagha ize. Egha me kamaghɨn nan akam akura ia gakaghori, ‘Ia arazir kurir kɨ aghuazir kabar amuan markɨ.’

Esekiel 5:11

“Kɨ Ikiavɨra Itir Godɨn Ekiam, kɨ zurara ikia uan ziamɨn guizbangɨra mɨgei. Ia arazir kurar kɨ ifongezir puvatɨzir avɨriba, nan Dɨpenimɨn aven dagh amizɨ nan Dɨpenim nan damazimɨn bar mɨze. Eghtɨ kɨ ian apangkuv ian asughasuighan kogham. Ia mati gumazim uan dapanir arɨzim bar a gise. Kamaghɨra, kɨ guizbangɨra bar ia gasɨghasigham.

Hosea 9:7

God pazɨ ia damuamin dughiam otogha gɨfa. Eghtɨ ia uan arazir kurar amizibar ivezir kuram iniam. Arazir kam otoghamin dughiamɨn, ia Israelia fogham, kar dughiar God ia ikarvaghamim. Ia kamaghɨn na mɨgei, “Akam inigha izir gumazir kam ongani. Gumazir Godɨn Duam itir kam, a nɨghnɨzir aghuiba puvatɨ.” Ia gumazamiziba, ian arazir kuram bar ekefe, kamaghɨn amizɨ, ia bar na gifongezir puvatɨ.

Aisaia 65:7

Kɨ Ikiavɨra Itir God, kɨ kamaghɨn mɨgei, kɨ ia damutɨ, ia uan arazir kurabar osɨmtɨziba ko uan inazir afeziabar osɨmtɨziba saram ateram. Ian inazir afeziaba mɨghsɨabar ghuavanega, asebar ziaba fer danganibar, ofan mɨgharir mughuriar aghuiba zuibagh ami. Egha me mɨghsɨabar pɨn ikia arazir kurar avɨriba nan damazimɨn dagh amua, egha arazir kamɨn na dɨpova aghumsɨzim na ganɨdi. Kamaghɨn amizɨ, kɨ men arazir kurar me amizibar ivezimra me danɨngam.”

Esekiel 36:18

Me gumazir avɨrim mɨsoghezɨ me ariaghire. Egha me marvir guabar ziaba fe, egha uan nguazim gamizɨma, a nan damazimɨn bar mɨze. Kamaghɨn amizɨ, kɨ uan anɨngagharim me gingegha, ivezir kuram isa bar me ganɨngi.