Jeremaia 15:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ikiavɨra Itir God kamaghɨn dɨagha ghaze: “O Jerusalemɨn gumazamiziba, tina ian apangkuvigham? Eghtɨ tina ia bagh aziam? Eghtɨ tina ian kuarkuv ia gɨfofogham, ia deragha iti o puvatɨ? Gumaziba puvatɨ.

Jeremaia 15:5 ပူးပေါင်းရင်းမြစ်များ

Aisaia 51:19

Nɨ bar osɨmtɨzir dafam ateri, ezɨ tina nɨn apangkuvigh nɨn navim damightɨ, a ua deragham? Apaniba iza nɨ abɨgha, nɨ gasɨghasɨki. Egha me uaghan nɨn gumazamizir avɨrim, mɨdorozir sababar me mɨsozima, me ariaghire. Ezɨ mɨtiriaba azir dughiar ekiam nɨ bato. Ezɨ nɨ ghaze, kɨ nɨn navir osɨmtɨzim agɨvsɨ, bizitamɨn nɨn akuragham? Bar puvatɨ.

Nahum 3:7

Me nɨn ganɨva nɨn arɨ mɨriabar mangam. Me kamaghɨn mɨkɨm suam, ‘Ia gan. Ninive ikuvigha gɨfa. Gumazitam an apangkuvighan kogham. Mɨgɨrɨgɨar aghuaritam a damuva an akurvaghamin gumaziba puvatɨ.’ ”

Jeremaia 21:7

Kɨ Ikiavɨra Itir God kɨ ua kamaghɨn mɨgei. Gumazamizir avɨrim, arɨmariar kaba ko, mɨdorozir kam ko, dagheba puvatɨghamin dughiam bangɨn arɨghiram. Egh gɨn kɨ Atrivim Nebukatnesar ko an mɨdorozir gumaziba ateghtɨ, me Atrivim Sedekaia uan gumazir ekiaba ko gumazamizir ikiavɨra itiba inigh mangam. Apanir kaba Israelia ia mɨsoghtɨ ia aremeghasa bar ifonge. Nebukatnesar kuarkuvim ko, ifongiam ko, apangkuvir arazim tong ian ikeghan kogham. Egh ian tav ateghtɨ, a ikian kogham.’ ”

Onger Akaba 69:20

Akar kurar kaba, nan nɨghnɨzim gasɨghasɨgha nan navim gamizɨ, a bar moghɨrama oseme. Ezɨ gavgaviba ua nan puvatɨ. Kɨ ghaze, gumazitaba ti tong nan apangkuvam, ezɨ bar puvatɨ.

Jeremaia 16:5

“Kɨ Ikiavɨra Itir God, kɨ ua kamaghɨn mɨgei: Nɨ gumazir ovevem gɨbua itibar pɨzir isam bagh, men dɨpenimɨn mangan markɨ. Gumazamizir kaba, kɨ ua deragh men apangkuv me damu navir amɨrizim me ko a inian aghua. Kamaghɨn, nɨ me bagh azirakar ighiabar amuan markɨ. Kɨ Ikiavɨra Itir God, kɨ kamaghɨn mɨkemegha gɨfa.

Jeremaia 13:14

Kɨ gumazamizir kaba bar me gasɨghasigham, mati gumazim nguazir mɨneba isa uariv sosi da bɨaghiri moghɨn. Men ameboghfeziaba ko, boriba sara kɨ me gɨnɨghnɨgh men apangkuvighan kogham. Bizitam bar nan tuavim apɨrighan kogham. Kɨ Ikiavɨra Itir God, kɨ mɨkemegha gɨfa.’ ”

Jopɨn Akɨnafarim 19:21

“God uan agharimɨn na mɨsoghezɨ kɨ bar ikuvigha iti. Kamaghɨn, ia nan namakaba, e uari, ia nan kuarkuvigh deravɨra na damu.

1 Samuel 25:5

Ezɨ a gumazir 10plan igiaba amadazɨma, me Nabal bagha Karmelɨn zui. A kamaghɨn me mɨgei, “Ia Karmelɨn mangɨ nan ziamɨn dughiar aghuim isɨ Nabal danɨngigh.

1 Samuel 17:22

Ezɨ Devit dagheba isa dɨpenimɨn itir bizibar garir gumazim ganigha, ivegha ghua mɨdorozir gumazibar tongɨn uan aveghbuabav gɨa ghaze, ia dera?

1 Samuel 10:4

Gumazir kaba dughiam nɨ danɨngɨva bretɨn pumuning nɨ danɨngam, eghtɨ nɨ aning inigh.

Gumazir Dapaniba 18:15

Ezɨ me tuavim ategha Maikan dɨpenim iti naghɨn Livain gumazir igiam itir dɨpenimɨn otogha, egha dughiam a ganɨngi.

Ua Me Ini 18:7

Ezɨ Moses akar kam baregha, ghua tuavimɨn Jetro bato. Egha Moses aviragha gɨn ghua an tori. Egha aning uan ikɨrɨmɨrim bagha uaningɨn azangsɨgha, me gɨn Mosesɨn purirpenimɨn aven ghue.