Jeremaia 15:21 - Godɨn Eghaghanim: Akar Gavgavir Dɨkɨrɨzir Ghurim ko Igiam

²¹ Kɨ gumazir arazir kurabagh amiba ko apangkuviba puvatɨzir gumaziba, men agharim da ua nɨ inightɨ, me ua nɨ gasɨghasighan kogham.”

Jeremaia 15:21 ပူးပေါင်းရင်းမြစ်များ

2 Korin 1:10

Kar bizir bar kuram, an e gamizɨ e atam oveghai. Ezɨ God en akura. Egh a gɨn uam en akuragham. E nɨghnɨzir gavgavim Godɨn ikia bar fogha ghaze, zurara bizir kuram e bativtɨma, God uam en akuraghtɨma, e deraghvɨra ikiam.

Jeremaia 50:34

Ezɨ men Akurvazir Gumazim, a gavgavir ekiam iti, ezɨ an ziam kara, Ikiavɨra Itir Godɨn Gavgaviba Bar Itim. A men akuragh men apaniba abɨragham. Egh a dabirabir aghuim isɨ nguazir kamɨn gumazamiziba bar me danɨngam. Eghtɨ Babilonia puvatɨgham. A me damightɨ me pazɨvɨra ikiam.

Aisaia 54:17

Eghtɨ mɨsoghamin bizir katam nɨ gasɨghasighan kogham. Eghtɨ nɨ mɨtɨgh gavgavigh gumazir pura mɨgɨrɨgɨaba nɨ gasibar mɨgɨrɨgɨaba ikarvagham, eghtɨ men mɨgɨrɨgɨaba gavgaviba bar puvatɨgham. Ezɨ arazir kamra kɨ deravɨra uan ingangarir gumazamizibar garava, me gamizɨ, me uan apaniba dɨkabɨri. Nan arazir kam, a ivezir aghuimɨn mɨn, kɨ a isa uan ingangarir gumazamizibagh anɨdi. Kɨ Ikiavɨra Itir God, kɨ mɨkemegha gɨfa.”

Aisaia 29:20

Eghtɨ gumazir ekiar kuraba, men gavgaviba gɨvagham. Eghtɨ gumazir Godɨn akam batogha a dɨpoviba, me puvarigham. Eghtɨ gumazir arazir kurabar amuasa bar ifongeziba, me bar moghɨra bar ikuvigham.

Onger Akaba 37:40

Ikiavɨra Itir God men akuragha ua me ini. Me an boroghɨn ikia an aven modi. Ezɨ a gumazamizir kurabar dafaribar uam me inizɨ, me deraghavɨra iti.

Onger Akaba 27:2

Mati afiam asɨzimɨn tuzibar amasava ami moghɨn, nan apaniba na gasɨghasɨghsɨ izɨva, bizibagh asaghpor iregham.

Jenesis 48:16

Egha nɨ enselɨn mamɨn mɨn na bato, egha kɨ ikuvasava amima, nɨ nan akura. Ezɨ kɨ datɨrɨghɨn nɨn azai, nɨ deravɨra borir kamning damu. Egh nɨ aningɨn ovavir boribar amutɨ, me nguazir kamɨn bar avɨrasemegham. Eghtɨ aning bangɨn, gumazamiziba nan ziam ko, Abraham ko Aisakɨn ziamning sara okɨnɨghnɨghan kogham.”

Akɨnafarir Pol Romɨn Nguibar Ekiamɨn Itir Sios Bagha Osirizim 16:20

Dughiar bar otevimɨn, Godɨn navir amɨrizim ko dabirabir aghuarim anɨdim, a Satanɨn gavgavim gasɨghasɨghɨva ian amamangatɨghtɨ, ia Satan dɨkaraghtɨma, a ian dagaribar apengan ikiam. En Ekiam Krais Iesusɨn apangkuvim ia ko ikɨ.

Matyu 6:13

Egh e ateghtɨ, e osɨmtɨzibar aven ikɨtɨ bizitam en navim bɨraghtɨ, e arazir kuratam damuan kogham. Nɨ arazir kurabar gavgavim da e inigh.’

Aisaia 29:5

Ezɨ apanir iza nɨ mɨsozir kaba, me nguazir mɨnemniamɨn mɨn bar avɨraseme. Men gumazir ekiar kuraba bar avɨrasemegham, mati me witɨn ovɨzibar amasa, dav sozima, dar mɨseviba pura tintinibar mɨzi moghɨn, me bar avɨrasemegham. Ezɨ bar zuamɨra,

Onger Akaba 97:10

Arazir kurabar aghuazir gumazamiziba, Ikiavɨra Itir God bar me gifonge. Gumazamizir a baghavɨra itiba, a men apaniba da ua me inigha, me geghuva deragha men gari.

Aisaia 49:26

Egh kɨ nɨn apanibar amutɨ, me uarira uariv sogh uarigh asɨghasigham, mati gumazim uan namakabar tuzibar amam. Me pamtem uarira uariv sogham, mati gumazim uan namakabar ghuziba apa bar ongani. Eghtɨ nguazir kamɨn gumazamiziba bar bizir kɨ amizir kamɨn ganigh, me kamaghɨn fogh suam, Kɨ uabɨra, kɨ Ikiavɨra Itir God. Kɨ gumazir uamategha uan gumazamiziba isim. Kɨ ian Akurvazir Gumazim. Kɨ Jekopɨn adarazir Godɨn Gavgaviba Bar Itim.”

Aisaia 60:16

Nɨ kantrin igharazibar bizir bar aghuibara initɨ, atriviba uan bizir aghuiba nɨ danɨngam, mati amizim otem uan borim ganɨdi. Eghtɨ nɨ kamagh fogh suam, kɨrara kɨ Ikiavɨra Itir God. Kɨ uan gumazamiziba ua me isir God, kɨ nɨn Akurvazir Gumazim, kɨ Jekopɨn ovavir boribar Godɨn Bar Gavgavim.

Jeremaia 16:1

Kɨ Jeremaia, Ikiavɨra Itir God ua kamaghɨn na mɨgei,

Jeremaia 20:13

E fo, Ikiavɨra Itir God, gumazamizir onganarazibagh amiba, a bar men akuragha gumazir kurabar dafarim da ua me ini. Kamaghɨn amizɨ, e Ikiavɨra Itir God bagh ongɨva, an ziam fam.

Jeremaia 31:11

Kɨ Ikiavɨra Itir God, kɨ apanir gavgavibar agharimɨn, ua Jekopɨn gumazamiziba, inigham.

Jeremaia 38:28

Ezɨ Jeremaia mɨdorozir gumazibar danganimɨn ikiavɨra ikia ghua, apaniba Jerusalem inizir dughiamɨn tu.

Jeremaia 39:11

Atrivim Nebukatnesar Jeremaia gɨnɨghnɨgha, egha Jerusalemɨn Nebusaradan bagha anemada, Babilonɨn gumazir dapanibar faragha zuim. Nebukatnesarɨn akam kamakɨn,

Jeremaia 39:12

“Nɨ mangɨ Jeremaia inigh deraghvɨram an gan. Nɨ pazɨ a damuan markɨ. Nɨ an ifongiamɨn gɨn mangɨva, bizir manam ana damuasa nɨn azai, nɨ a damu.”

Daniel 3:17

E guizɨn Godɨn ziam fe. Nɨ mɨkemezɨ moghɨn e damigh, eghtɨ en Godɨn gavgavim itim, an en akuraghtɨ, nɨn gavgavim ko danganir ekiar avir bar pamten isim, e a gitagham. God en akuragham.

Daniel 3:25

Ezɨ a ghaze, “Manmaghɨn amizɨ kɨ 4plan gumazibar garima me avimɨn torimɨn arui? Egha benir e me ikeziba, ua men namnabar itir puvatɨ. Egha avim uaghan men isir puvatɨ. Ezɨ namba 4ɨn gumazim asebar borimɨn mɨn gari.”

Jeremaia 26:24

Ezɨ gumaziba iza Jeremaia mɨsueghtɨ an aremeghasa amima, Safanɨn otarim Ahikam Jeremaian akurazɨ, me paza a gamizir puvatɨ.