Jeremaia 15:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Manmagh amizɨ mɨzazir kam nan ikiavɨra iti? Egha manmagh amizɨ, me osɨmtɨzim na ganɨgavɨra iti, mati duaba nan mɨkarzimɨn ikiavɨra ikia mɨdir puvatɨ? Kɨ garima, nɨ nan akurazir puvatɨ, mati gumazim mozir pam bagha ghua garima, a dakezɨ a tam amezir puvatɨ.”

Jeremaia 15:18 ပူးပေါင်းရင်းမြစ်များ

Jeremaia 30:15

Ia uan duar kaba bagh azirakar avɨribar amuan markɨ. Duar kaba akumighan kogham. Ia arazir kurar avɨribagh ami, egha osɨmtɨzir ekiam iti. Kamaghɨn kɨ arazir kamɨn ia gami.

Jopɨn Akɨnafarim 34:6

A bizitamɨn osɨmtɨzim itir puvatɨgha arazir kuratam gamizir puvatɨ, ezɨ God ti ghaze, a ifavarir gumazim, egha bar a gasɨghasɨki. Mati God uan barimɨn a gasezir duam, uam akumighan kogham.’

Maika 1:9

Eghtɨ Samarian gumazamizibar osɨmtɨzim, mati mɨdir puvatɨzir duaba. Eghtɨ Judaba, uaghan kamaghɨra mɨzazim iniam. Jerusalem, kar nan gumazamizibar nguibam, a mɨzazim iniamin dughiam uaghan bar roghɨra izi.”

Jeremaia 30:12

Ikiavɨra Itir God ua kamaghɨn mɨgei: “Ia Israelia, me puv ia mɨsoke, eghtɨ ian mɨzazim ikɨvɨra ikɨtɨ, ian duar ekiaba akumighan kogham.

Jeremaia 20:7

O Ikiavɨra Itir God, nɨ uan ingangarim damuasa na apezeperezɨ, kɨ nɨn apezeperir akar kam baraki. Nɨ bar gavgavizɨ, nɨn akam bar na gafirazɨ, kɨ pura nɨn apengan ghu. Ezɨ datɨrɨghɨn gumazamiziba na dɨpova nan ingaravati.

Jeremaia 14:19

Ezɨ kɨ kamaghɨn Ikiavɨra Itir Godɨn azangsɨsi, “O Ikiavɨra Itir God, nɨ bar akɨrim ragha Judan kantri gasara, o? Nɨ Saionɨn nguibar ekiamɨn gumazamiziba bar me gifongezir puvatɨ, a? Egha nɨ manmaghsua, bar e gasɨghasɨghizɨ, e ua deraghan kogham? E ghaze, e ti deraghvɨra dapiam. Ezɨ puvatɨ, e deragha apiazir puvatɨ. E ghaze, e ti osɨmtɨziba ategh, avughsɨ deravɨra ikiam. Ezɨ puvatɨ, apaniba iza e gamima e bar atiatingi.

Jeremaia 14:3

Men gumazir dapaniba dɨpaba tuasa ingangarir gumaziba amangizɨ, me mozir dɨpabar ghuegha gari mozir paba dakegha gɨfa. Ezɨ me mɨner mɨseviba ua da inigha nguibar ekiamɨn ghue. Egha me paza uari baragha aghumsigha, osemegha uan guaba monge.

Onger Akaba 6:3

O Ikiavɨra Itir God, nan navim osɨmtɨzir ekiam a itaragha ghuaghiri. Ezɨ dughiaba manmaghɨn, osɨmtɨzir ekiar kam nan navir averiamɨn ikɨvɨra ikiam?

Maika 1:14

Ia Judaba, ia Moreset Getɨn nguibamɨn apangkufigh. Ia gantɨ, igharaz darazi a inightɨ, a ua ian nguibam gavaghan kogham. Eghtɨ Aksipɨn nguibamɨn adarasi, Israelian atrivibar akuraghan kogham.

Jopɨn Akɨnafarim 14:11

Dɨpar akareba ko dɨpar ekiaba dughiar mabar bar dakegham.

Jeremaia 20:18

Manmaghsua kɨ amebamɨn navimɨn ikegha otogha osɨmtɨzir kamagh garibar ikia, egha zurara bar puvɨram aghumsɨsi? Kɨ bar uabɨn apangkufi.