Jeremaia 15:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Kɨ gumazir dughiar aghuiba baghavɨra itiba ko apiavkia bizibav gɨa atir puvatɨ. Bar puvatɨ. Gumazamizir arazir kurar me amiba bangɨn, anɨngazim na gizɨfa. Kamaghɨn, kɨ uabɨ abɨragha bar nɨn apengan ikia uabɨra iti.

Jeremaia 15:17 ပူးပေါင်းရင်းမြစ်များ

Onger Akaba 1:1

Gumazamizir kamaghɨn amiba, me bar akongegh: me gumazamizir arazir kurabagh amibar akaba baragha men gɨn aruir puvatɨgha, tuavir gumazamizir kuraba zuiba, me men gɨn zuir puvatɨgha, Godɨn akaba batogha da dɨpovir gumazamiziba ko, apiaghirir puvatɨ.

2 Korin 6:17

Ezɨ Ekiam ua kamaghɨn mɨgei, “ ‘Ia me ategh, mangɨ danganir igharazitamɨn ikɨ. Egh ia bar deraghvɨra uari bagh gan, ia ua bizir Godɨn damazimɨn zuezir puvatɨzitam uam an suighan markɨ. Kɨ uabɨ ia inigh, ian Afeziamɨn mɨn ikɨtɨ, ia nan boribar mɨn ikiam.’ Ekiar Gavgavir Ekiam Itim kamaghɨn mɨgei.”

Jeremaia 13:17

Ia Ikiavɨra Itir Godɨn gumazamiziba, ia mati an sipsipɨn bɨzim, a deravɨra ia geghufi. Ia nan akam baraghan aghuaghavɨra ikɨtɨ, apaniba izɨ, ia inigh mangɨ, kantrin igharazimɨn pura ingangarir gumazir kɨnibar mɨn ia arigham. Eghtɨ, kɨ uabɨra modogh ikɨva ian ifaghatir arazim gɨnɨghnɨgh, ia bagh pamtem azitɨ, temeriba nan damazimning gizɨvagh izighiram.

Jeremaia 6:11

Ezɨ Ikiavɨra Itir God, nɨn anɨngagharir nɨ men itir kam uaghan na gizɨfa. Ezɨ kɨ an suiraghtɨ a dughiar ruarimɨn nan ikian kɨ aghua. Kɨ bar amɨra.” Ezɨ Ikiavɨra Itir God, kamaghɨn na ikaragha ghaze: “Nɨ nan anɨngagharir kam isɨ, borir pura tintinibar tuavibar ikarara itiba ko, gumazamizir igiar uari akuva itiba me gingegh. Egh uaghan poroghamiba ko gumazamizir bar ghuriba, uaghan me gingegh.

Onger Akaba 102:7

Kɨ mɨsiamɨn akuima, nan damazimning kuiaghirɨghavɨra iti. Kɨ uabɨn apangkufi. Kɨ kuarazir dɨpenir siriabagh apiavtimɨn mɨn uabɨra iti.

Daniel 7:28

Kar irebar kɨ ganizimɨn eghaghanim, a kamaghɨra tu. Ezɨ kɨ Daniel, kɨ bar atiatingi, egha atiatir guam asara, egha kɨ bizir kaba puvɨram a dagh nɨghnɨsi.

Jeremaia 16:8

“Nɨ gumazamizir isar ekiabagh amibar dɨpenibar mangɨ, me ko ikɨ dagheba ko dɨpabar aman markɨ.

Jeremaia 1:10

Ezɨ datɨrɨghɨn dughiar kamɨn, kɨ kantrin igharazir avɨribar gumazamizibav kɨmamin gavgavim nɨ ganɨdi. Eghtɨ nɨ biziba asiamin gavgavim, ko biziba apɨrarɨghamin gavgavim, ko bizibagh asɨghasɨghamin gavgavim, ko biziba dɨkabɨnamin gavgavim, ko bizibar ingaramin gavgavim, ko biziba oparamin gavgavim, kɨ bar da isa nɨ ganɨdi.”

Sekaraia 1:12

Ezɨ Ikiavɨra Itir Godɨn enselɨn faraghavɨra zuim kamaghɨn mɨgei, “O Ikiavɨra Itir Godɨn Gavgaviba Bar Itim, nɨ 70plan azenibar Jerusalem ko, Judan nguibar ekiaba bagha atara navim bar nɨn ikufi. Nɨ bar dughiar manamra ua men apangkuvigham?”