Jeremaia 15:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ O Ikiavɨra Itir Godɨn Bar Gavgaviba Itim, nɨ uan ziam na garɨzima, kɨ nɨ nan anavɨra. Ezɨ nɨn akam na batogha, mati nan daghemra mɨn iti, mati dagher mam, gumazim, a isa anepava gavgavim namnam ko duam ganɨdi. Ezɨ nɨn akam na gamima, kɨ uan navir averiamɨn aven bar akongegha nan navim dera.

Jeremaia 15:16 ပူးပေါင်းရင်းမြစ်များ

Jopɨn Akɨnafarim 23:12

Kɨ an akam batoghezir puvatɨ. A na ganɨngizir akaba, kɨ bar dar gɨn zui. Kɨ an akaba bar dagh ifongegha ghaze, da bar dera, egha dagher isɨngɨzibagh afira.

Onger Akaba 19:10

Godɨn akam bar deragha bar gol gafira. E fo, gumaziba gol tuema, a isigha golɨn aghuimram oto. Guizbangɨra, Godɨn akam, golɨn isigha bar derazir avɨrim gafira. Godɨn akam bar isɨngi, egha hani gafira. A guizbangɨra bar hanin isɨngizim gafira.

Onger Akaba 119:111

Nɨn akaba, kɨ dar suirazɨ da nan ikia kamaghɨra iti. Akar kaba nan navim gami a bar akonge.

Onger Akaba 119:97

Kɨ nɨn Arazim bagha bar ifonge. Egha arueba ko dɨmagaribar a gɨnɨghnɨghavɨra iti.

Onger Akaba 119:72

Kɨ dagɨar avɨriba ikɨva bar akueghan kogham. Nɨn Arazimra kɨ bar a gifonge. A dagɨaba bar dagh afira.

Jeremaia 14:9

Manmagh amizɨ, nɨ gumazir okam nɨghnɨzimɨn mɨn, en akurvaghamin gavgaviba puvatɨ? Manmagh amizɨ, nɨ mati, mɨdorozir gumazim uan apaniba abɨnamin gavgaviba puvatɨ? Ikiavɨra Itir God, e bar fo, nɨ kamaghɨn amir puvatɨ. E fo, nɨ en tongɨn itima, e nɨn gumazamizibara iti. Kamaghɨn, nɨ e ataghɨraghan markɨ.”

Esekiel 2:8

“Nguazir kamɨn gumazim, nɨrara, akar kɨ nɨ mɨgeiba, nɨ deragh da baragh. Egh gumazamizir akaba batozir kabar mɨn akaba batoghan markɨ. Nɨ uan akam akarigh bizir kɨ nɨ danɨngamim amɨ.”

Maika 2:7

Ia Jekopɨn ovavir boriba, ia ghaze, Ikiavɨra Itir Godɨn apangkuvim ia ko ikɨvɨra ikiam, a? Egh bizir kuratamɨn ia damighan kogham, a? Puvatɨ. Ikiavɨra Itir God ghaze, gumazir nan damazimɨn arazir aghuibagh amiba, kɨ nɨmɨra me mɨgei.

Nehemia 8:12

Kamaghɨn amizɨ, gumazamiziba uan dɨpenibar ghuegha, apava wainɨn dɨpaba apava, bar akuegha egha dagher naba isa gumazir dagheba puvatɨzibagh anɨdi. Me datɨrɨghɨn Godɨn Akamɨn mɨngarir kam gɨfo, egha me bizir kabagh ami.

Onger Akaba 119:16

Nɨ ifongezir araziba, kɨ dar gɨn mangasa bar akonge. Egh da gɨn amangan kogham.