Jeremaia 15:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Kɨ kamaghɨn mɨgei: “Kɨ bar uabɨn apangkuvigha osemegha kamaghɨn uabɨra uabɨn mɨgei, O nan amebam, nɨ ti tizim baghavɨra na batezɨ kɨ nguazir kamɨn ize? Gumazamizir nguazir kamɨn itiba nan akaba ikarvazima, kɨ akamadariba me koma adagh ami. Kɨ gumazitamɨn amamangatɨzɨ, a pura nan bizitam inizir puvatɨ. Kɨ gumazitam pura na da bizitam inizir puvatɨ. Ezɨ gumaziba bar moghɨra nan atara ghaze, kɨ ikuvigham.”

Jeremaia 15:10 ပူးပေါင်းရင်းမြစ်များ

Luk Osirizir Akar Aghuim 6:22

Me ian gantɨ ia Gumazamizibar Otarimɨn gɨn mangɨtɨma, men naviba ia bagh bar ikuvigham. Egh me ia batoghɨva pazɨ ia damuva ian ziabagh asɨghasɨgham. Bizir kaba ia bativtɨ ian naviba deragh.

Ua Me Ini 22:25

“Nan gumazamizir dagɨaba ko biziba bar puvatɨziba, men tav ia da dagɨataba inightɨ ia me danɨng nɨghnɨgh suam, a gɨn ua ia ikarvagham. Ia gumazir dagɨar ingangaribagh amibar mɨn, gumazir kaba da, dagɨar kaba ua da iniva, dagɨataba uam a gisɨn darɨghan markɨ, Bar markɨ.

Luk Osirizir Akar Aghuim 2:34

Ezɨ Simeon ghaze, God bizir aghuiba ia bagh dar amu, egha Simeon kamaghɨn an amebam Maria mɨgei, “Borir kam God a ginaba, eghtɨ Israelɨn avɨriba God bagh tugh gavgavigham. Eghtɨ avɨriba iregham. Eghtɨ gumazamiziba bizir an amibar ganɨva akar kurabar dav kɨmam.

Matyu 24:9

“Dughiar kamɨn me ian suighɨva osɨmtɨziba ia darɨghɨva ia mɨsoghtɨ, ia arɨmɨghiram. Eghtɨ gumazamiziba bar nan ziam bangɨn ian aghuagham.

Matyu 5:44

Ezɨ kɨ kamagh ia mɨgei, ia uan apanibagh ifongegh, egh me bagh Godɨn azangtɨ, God gumazir osɨmtɨziba ko mɨzaziba ia ganɨdibar apangkuvam.

Jeremaia 15:20

Kɨ gumazamizir kabar damazimɨn nɨ damightɨ, nɨ brasɨn dɨvazimɨn mɨn tugh gavgavigham. Kɨ datɨrɨghɨn nɨn akuragha, nɨ ko iti. Eghtɨ gumazamizir kaba nɨn apanim damuva nɨ dɨkabɨraghan kogham. Kɨ Ikiavɨra Itir God, kɨ kamaghɨn mɨkemegha gɨfa.

Aghuzir Akaba 26:2

Gumazim arazir kuram damighan koghtɨma, gumazamiziba pazɨva a damusɨ God mɨkɨmtɨ akar kam a guizɨn otoghan kogham. Men akaba mati kuaraziba zurara mɨghagha arua, danganitam gaperazir puvatɨ.

Onger Akaba 109:28

Me, nɨ na gasɨghasɨghsɨ me nɨ mɨkɨmam. Eghtɨ puvatɨgham. Nɨ deravɨra na damuvɨra ikiam. Gumazir na gasɨghasɨghasava amiba nɨ me abɨnasa kɨ ifonge. Eghtɨ, kɨ nɨn ingangarir gumazim, nan navim nan deragham.

Onger Akaba 15:5

Gumazir kam uan dagɨaba amadima, gumazir igharaziba pura da ini, egha me ua da ikarvazir dughiamɨn, a dagh isɨn ua dagɨataba isir puvatɨ. Gumazir arazir kuratam gamizir puvatɨzitam kotɨn tughɨv ikɨtɨ, gumazitam kotiam gifarɨsɨ anepezeper dagɨaba a danɨngtɨ, a dagɨar kaba inian markɨ. Gumazir kamaghɨn amim, a tugh gavgavigh irɨghan kogham.

1 Atriviba 22:8

Ezɨ Ahap a ikaragha ghaze, “Akam inigha izir gumazir igharazir mam iti, an ziam Mikaia, a Imlan otarim. A dughiatamɨn, Godɨn akam baragha, akar aghuitamɨn na mɨgeir puvatɨ. Dughiaba bar, a na gasɨghasɨghamin akar kuram na ganɨdi. Kamaghɨn amizɨ, kɨ gumazir kam bar an aghua.” Ezɨ Jehosafat ghaze, “Nɨ mamaghɨn mɨkɨman markɨ.”

1 Atriviba 21:20

Ezɨ Elaija Ahap bagha zuima, Ahap an apigha kamaghɨn mɨgei, “O nan apanim, nɨ iza ua na bato, a?” Ezɨ Elaija ghaze, “Are, kɨ nɨ mɨkɨmasa izɨ. Nɨn nɨghnɨziba ko ifongiaba, Ikiavɨra Itir Godɨn damazimɨn, arazir kurabar amuasa bar gavgafi.

Ofa Gami 25:36

Egh a pura ia da dagɨaba inigh, egh ua dagɨar iniziba ikarvaghsɨ, ia ua dagɨatam dagh isɨn darɨghan markɨ. Eghtɨ a daghebagh iveztɨ, ia ua dagɨataba daghebar ivezim gisɨn darɨghan markɨ. Ia Godram atiating, egh uan namakaba ateghtɨ me ian tongɨn ikɨ.

Aposel 28:22

E fo, nguibaba bar men gumazamiziba mɨgɨrɨgɨar kurabar Judan aven itir dakozir igiar igharazir kam mɨgei. Kamaghɨn amizɨ, e nɨn nɨghnɨzim baraghasa.”

Onger Akaba 69:4

Gumazir bar avɨrim pura nan apanim gami. Men dɨbobonim bar nan dapanir arɨzibagh afira. Nan apaniba arazir kurabar na gami, ezɨ bizir me na gamir kaba mɨngariba puvatɨ. Apanir kaba na gasɨghasɨghasa, akar ifavaribar na gami. Kɨ men bizitam okemezir puvatɨ, me pura uan akaba na gasa ghaze, kɨ bizitaba pura me danɨngam.

Habakuk 1:3

Kɨ osɨmtɨzir bar avɨribar gari da gumazamiziba batifi. Nɨ manmaghsua osɨmtɨzir kaba ataghizɨ, da otifi? Manmaghɨn amizɨ nɨ bizir kurar kabar garima, da gumazamiziba bativima, nɨ bizitam gamir puvatɨ? Kɨ danganiba bar a dar gari, gumazir kuraba, gumazamiziba ko, men biziba saram asɨghasɨsi. Ezɨ gumazamiziba atara pura tintinibar mɨsosi.