Jeremaia 14:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ E Israelia zurara uarir akurvaghasa nɨrara nɨghnɨgha nɨ mɨzua iti. Egha osɨmtɨzibar dughiabar nɨ uam e isi. Ezɨ manmagh amizɨ, nɨ datɨrɨghɨn e gɨfozir puvatɨzɨ moghɨn iti? Manmagh amizɨ, nɨ nguibar igharazimɨn gumazir guraghav itimɨn mɨn iza dɨmagarir vamɨran e ko ikegha ghu?

Jeremaia 14:8 ပူးပေါင်းရင်းမြစ်များ

Jeremaia 17:13

Ikiavɨra Itir God, e Israelia zurara nɨghnɨzir gavgavim nɨn ikia, nɨ en akurvaghasa e nɨ bagha mɨzuai iti. Gumazamizir akɨrim ragha nɨ gasaraziba, me bar aghumsigham. Men ziaba, gumazamiziba zuamɨra me bakɨnɨghnigham, mati gumazim uan ziam nguazimɨn an osirizɨma a zuamɨra angaraghire. Ezɨ gumazir kaba nɨ ataki. Ikiavɨra Itir God, nɨ mati emɨmɨrir pam, dɨpar ikɨrɨmɨrim e ganɨdimɨn mɨn iti.

Jeremaia 50:7

Ezɨ gumazir maba men gara me mɨsosi. Ezɨ men apanir kaba kamaghɨn mɨgei: ‘Gumazamizir kaba, uari arazir kuramɨn Ikiavɨra Itir God gami. Ikiavɨra Itir God, danganir aghuimɨn mɨn iti, me an mangɨ deraghvɨra ikiam. Men ovaviba nɨghnɨzir gavgavim an ikia, a men akuraghasa me a mɨzua iti. Ezɨ Ikiavɨra Itir Godɨn kam, me anetegha arazir kuram gami. Kamaghɨn ami, e me gasɨghasɨgh egh, osɨmtɨziba puvatɨgham.’ ”

Aisaia 43:3

Kɨ Ikiavɨra Itir God, ian God, Israelian Godɨn Bar Zuezim, ian Akurvazir Gumazim. Ia apanibar dafarimɨn itir dughiamɨn, kɨ Isipia ko, Itiopiaba ko, Sebaba, me isɨ ian danganim inisɨ apanibar agharim datɨgh ia givezeghtɨ, ia fɨrighɨrɨgham.

Onger Akaba 50:15

Osɨmtɨzim ia bativamin dughiamɨn, ia nan dɨmtɨ kɨ ian akuragham. Eghtɨ ia nan ziam fam.”

Joel 3:16

Ikiavɨra Itir God, Jerusalemɨn aven Saionɨn Mɨghsɨamɨn pamtemɨn deima, an dɨmdiam mati ararim dagarvasi, ezɨ overiam ko nguazim nɨsi. Ezɨ God uan gumazamizibagh eghufi, eghtɨ me ikuvighan kogham. A Israelian mogomer danganimɨn mɨn iti.

Aisaia 45:21

Ia gumazamiziba bar moghɨra izɨ kotɨn aven uari bagh mɨkɨm. Ia fofoghsɨ uarira uarir azangsɨgh suam, godɨn manamra a fomɨra bizir datɨrɨghɨn otivasa mɨkemeziba, da datɨrɨghɨn guizbangɨrama otifi? Kɨrara, kɨ God, kɨ bizir kabav kemezɨ, da datɨrɨghɨn otifi. Ezɨ ua godba puvatɨ. Kɨ Godɨn arazir aghuibaram amim, egha kɨ ian Akurvazir Gumazim. Ezɨ ua godba puvatɨ, kɨrara kɨ God.

Aisaia 43:11

Kɨ uabɨra, kɨ Ikiavɨra Itir God, egha ian Akurvazir Gumazim, ezɨ ian akurvazir gumazitam ua itir puvatɨ.

1 Timoti 1:1

Kɨ Pol, kɨ Krais Iesusɨn aposel. God, en Akurvazir Gumazim, ko Krais Iesus, gumazir e ganasa mɨzuaim, aning na mɨsevezɨma kɨ aposelɨn oto.

Aposel 28:20

Ezɨ bizir kam bagha kɨ ian diazɨ ia ize. Kamaghɨn kɨ ian ganɨva ia ko mɨkɨmasa. Ezɨ kɨ nɨghnɨzir gavgavim ikia mɨzuai bizir kam, Israelia bar uaghan a mɨzuai. Bizir kam bangɨn me datɨrɨghɨn senɨn kamɨn na ike.”

Aisaia 45:15

Nɨ Israelian God, nɨ men Akurvazir Gumazim, egha gumazamizir igharaziba, nɨ uabɨn me modi.

Onger Akaba 138:7

Osɨmtɨzir avɨriba na batifi, ezɨ nɨ nan gari kɨ deragha iti. Nan apaniba nan atari, ezɨ nɨ me ko mɨsogha uan gavgavimrama ua na ini.

Onger Akaba 91:15

Eghtɨ me na ko mɨkɨmtɨ, kɨ me baragham. Egh osɨmtɨzim me batoghtɨ kɨ me ko ikɨva, ua me inigh ziar ekiam me danɨngam.

Onger Akaba 46:1

God en danganir mogomemɨn mɨn ikia, e akumakua deragha en gara, gavgavim zurarama e ganɨdi. Dughiar e osɨmtɨzir ekiabar aven itibar, a en akurvaghasa gara iti.

Onger Akaba 9:9

Ikiavɨra Itir God osɨmtɨziba itir gumazamiziba bagha dɨpenir gavgavir mamɨn mɨn iti. Eghtɨ apaniba osɨmtɨzibar anɨngamin dughiabar, me an aven mangegh muegham.

Onger Akaba 10:1

O Ikiavɨra Itir God, nɨ manmaghsuavɨra nan saghuiamɨn tughav iti? Kɨ osɨmtɨziba itir dughiabar, nɨ manmaghsuavɨra nan modi?

Gumazir Dapaniba 19:17

Ezɨ gumazir aser kam iza garima, Livain gumazir kam, uan amuir dozim ko uan ingangarir gumazim, me gumazamiziba uari akuva itir danganimɨn apiaghav iti. Ezɨ gumazir aser kam men azara, “Ia managh ikegha ize? Egha ia managh mangasa?”

Onger Akaba 71:5

Ekiam, kɨ nɨghnɨzir gavgavim nɨn iti. Kɨ fomɨra uan igiamra ikia, nɨghnɨzir gavgavim Ikiavɨra Itir God, nɨn ikia, iza datɨrɨghɨn ikia kamaghɨra iti.

Aisaia 63:8

E fo, Ikiavɨra Itir God kamaghɨn mɨkemegha gɨfa, “Gumazamizir kaba, me nan gumazamizibara. Egh me nan akaba batogh, na gifaran kogham.” Kamaghɨn amizɨ, a men osɨmtɨzibar tongɨn men Akurvazir Gumazimɨn oto.

Jeremaia 30:7

Iavzika! Dughiar bar kurar mam otivasava ami. Egha dughiar kam bar dughiar kurar maba bar adagh afira. Nan gumazamiziba, Israelia, me dughiar kamɨn osɨmtɨzir bar ekiam iniam. Eghtɨ kɨ ua me iniam.”

Sekaraia 9:12

Ia kamaghɨn fo, kɨ ian akuraghasa ifonge. Kamaghɨn amizɨ, ia uamategh uan nguibamɨn izɨ deravɨra ikiam. Ia osɨmtɨzir Bar ekiam ateri, ezɨ kɨ ia mɨgɨa ghaze, kɨ arazir aghuibar ia damuam. Eghtɨ arazir aghuir kam bar osɨmtɨzir kam gafiragham.

Onger Akaba 46:2

Mɨkɨmkɨziba otivtɨ, mɨghsɨaba dɨpɨrighɨrɨ ongarir torimɨn magɨrɨtɨ, e atiatingan kogham.

Aisaia 33:2

O Ikiavɨra Itir God, en nɨghnɨzim nɨrara iti. Nɨ en apangkuvigh zurara dughiabar e ekɨarugh uan gavgavimɨn deragh en gan. Egh osɨmtɨzibar dughiamɨn en akurvagh e damutɨ, e uan apaniba dɨkabɨraka.

Jeremaia 16:19

O Ikiavɨra Itir God, nɨ gavgavim na ganɨga, nan danganir mogomemɨn mɨn ikia, egha osɨmtɨzibar dughiabar nɨ nan akurvasi. Nguazir kamɨn oteviba bar dar gumazamiziba bar, nɨ bagh izɨ kamaghɨn mɨkɨmam: En inazir afeziabar aseba, da pura bizir kɨniba, da e gifara, en akuraghan kogham.