Jeremaia 14:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ezɨ nan gumazamiziba kamaghɨn na ko mɨgɨa dɨa ghaze, “Bar guizbangɨra, e akɨrim ragha nɨ gasaragha gɨvagha, arazir kurar avɨrim gami. Ezɨ en arazir kurar kaba e isa kotiam gatɨ. Ezɨ Ikiavɨra Itir God, nɨ uan ziar ekiam gɨnɨghnɨgh, en apangkufigh.

Jeremaia 14:7 ပူးပေါင်းရင်းမြစ်များ

Hosea 5:5

Israelian arazir uari fem, a me isa kot gatɨ. Israelia ko Efraimian arazir kuramra me gamima me asaghporaghire. Ezɨ Judaba uaghan me ko ire.

Onger Akaba 25:11

O Ikiavɨra Itir God, nan arazir kuraba bar avɨraseme. Kamaghɨn, nɨ uan ziam bagh uan akar dɨkɨrɨzimɨn gɨn mangɨ, nan arazir kuraba gɨn amadagh.

Jeremaia 5:6

Gumazamizir kaba arazir kurar avɨribagh amua, egha dughiar avɨribar Ikiavɨra Itir God, akɨrim ragha a gasara. Bizir kam bagh, men apaniba, laionɨn ruarir ghuribar itiba azenan izɨ me mɨsoghtɨ me arɨmɨghiram. Apanir kaba, afiar atiar danganir kɨnibar itibar mɨn izɨ me gasɨghasɨgham. Apanir kaba, kaziar atiar ekiabar mɨn izɨ, Judan nguibar ekiabar boroghɨn mongegh ikɨ ganam, eghtɨ gumazim o amizitam nguibam ategh azenan izɨtɨ, apaniba kaziar ekiar kabar mɨn uari fɨ me mɨkɨn, men mɨkarziba abɨghɨrarigham.”

Aisaia 59:12

“O Ikiavɨra Itir God, en arazir kuraba nɨn damazimɨn bar avɨraseme. Egha da e isa kot gatɨ. Ezɨ akaba batozir arazimɨn osɨmtɨzim, en poroghavɨra iti. Ezɨ e uari uan arazir kurar e amibagh fo.

Jeremaia 2:19

Ian arazir kuramra puv ia damigham. Ia akɨrim ragha na gasara, ezɨ ian arazir kam bangɨn ia bar ikuvigham. Kɨ Ikiavɨra Itir God, ian God, ia na ataki, egha ua nan apengan itir puvatɨ. Kamaghɨn amizɨ, ia deraghvɨra nɨghnigh, egh kamaghɨn fogham, ian arazir kaba bar kufi, egha mɨzaziba ia ganɨdi. Kɨ Ikiavɨra Itir Godɨn Gavgaviba Bar Itim, kɨ mɨkemegha gɨfa.”

Efesus 1:12

E Judaba, e faraghavɨra Krais mɨzuava an gɨn zuir gumazamiziba, e Godɨn ziar ekiam bar a pɨrafam.

Efesus 1:6

A ifongezir Otarimɨn ziamɨn, a bar pura bizir aghuimɨn mɨn uan apangkuvim isa e ganɨngi. Kamaghɨn e apangkuvir bar ekiar kam gɨnɨghnɨghɨva, Godɨn ziam fam.

Hosea 7:10

Israelian arazir akaba batozim me isa kot gatɨ. Ezɨ me navim gɨrazir puvatɨ, egha Ikiavɨra Itir God, men God, me uam a bagha izir puvatɨ. Bizir kurar avɨriba me batozɨ, me God baghavɨra ikian aghua.

Esekiel 20:22

Ezɨ puvatɨ, kɨ kamaghɨn amizir puvatɨ. Kantrin Igharazibar Gumazamiziba nan garima, kɨ Israelia Isipɨn kantrin aven me inigha azenan ize. Kamaghɨn amizɨ, dughiar kamɨn kɨ uan ziar ekiam bangɨn, mɨzazir kuram Israelia ganɨngizir puvatɨ.

Esekiel 20:14

Ezɨ puvatɨ, kɨ kamaghɨn amizir puvatɨ. Kantrin Igharazibar Gumazamiziba nan garima, kɨ Israelia Isipɨn kantrin aven me inigha azenan ize. Kamaghɨn amizɨ, dughiar kamɨn kɨ uan ziar ekiam bangɨn, mɨzazir kuram Israelia ganɨngizir puvatɨ.

Esekiel 20:9

Ezɨ puvatɨ, kɨ kamagh amizir puvatɨ. Kɨ kamaghɨn damighɨva, uabɨ uan ziam abɨri moghɨn damuam. Dughiar kamɨn, Israelia Kantrin Igharazibar Gumazamizibar tongɨn itima, kɨ men damazibar uabɨ isa Israelian akagha Akar Dɨkɨrɨzir Gavgavim Israelia koma a gamigha ghaze, kɨ Isipɨn kantrin aven me inigh azenan mangam. Kamaghɨn amizɨ, dughiar kamɨn kɨ uan ziar ekiam bangɨn, mɨzazir kuram Israelia ganɨngizir puvatɨ.

Jeremaia 3:6

Dughiar kamɨn Josaia atrivimɨn itima, Ikiavɨra Itir God, kamaghɨn na mɨgei, “Jeremaia, Israelia me nɨghnɨzir gavgavir nan itir arazim, me anetegha gɨfa. Me tuavimɨn amizim ami moghɨn, me mɨghsɨabar ghua dar ghuanaga dar itir temer ekiabar apebabar asebar ziaba fe. Nɨ bizir kamɨn ganiz, o?

Onger Akaba 115:1

O Ikiavɨra Itir God, nɨ zurara bar en apangkuvigha mamaghɨra ikia, egha e ataghɨrazir puvatɨ. Kamaghɨn amizɨ, e zurara nɨn ziamra fam. E uari uan ziaba fan kogham.

Esra 9:15

O Ikiavɨra Itir God, nɨ Israelian God, nɨ arazir aghuibaram ami. Ezɨ e arazir kurabagh amima, nɨ pazavɨra e gamima, en ikiavɨra itir varazira iti. Egha e fo, e nɨn boroghɨn mangasava, e gumazamizir aghuiba puvatɨ. E arazir kurabagh amir gumazamiziba, egha e osɨmtɨzim ikia, nɨn damazimɨn tuivan ibura.”

Josua 7:9

Eghtɨ Kenanian gumaziba ko nguibar kamɨn itir gumazamiziba bar bizir kamɨn mɨgɨrɨgɨam baragham. Egh me ti e ekɨarugh bar e mɨsueghtɨ e arɨmɨghiregh, nguazir kamɨn ziaba ua puvatɨgham. Egh me ti nɨ dɨpova nɨn ziar ekiam abɨragham. Nɨ uan ziar ekiam bagh nɨghnigh bizir tizim damuam?”

Godɨn Araziba 32:27

Egha kɨ fo, kɨ kamaghɨn aghua. Apaniba kamaghɨn ganigh ua uari fɨ suam, E uan gavgavibar Ikiavɨra Itir Godɨn gumazamizibav sogha me abɨni. Men God bizir kam gamizir puvatɨ. Erara Israelia mɨsogha me abɨni.’

Jeremaia 8:14

Eghtɨ Judaba kamaghɨn mɨkɨmam: “Manmaghɨn amizɨ e puram apia? E uari akuvagh mangɨ nguibar ekiar dɨvazir gavgaviba itibar aven mongam. Egh e nguibar kabar aven arɨghiram. E arazir kuramɨn Ikiavɨra Itir God gami, a en God. Ezɨ a ghaze, e ovengam. A ivezir kuram e danɨngam, mati gumazir mam marasinɨn kurar gumazibagh asɨghasɨzim me danɨngtɨ me aneremam.

Onger Akaba 79:9

O God, nɨ Godɨn En Akurvazim. Nɨ uan ziar ekiam bagh nɨghnigh en akuragh uam e inigh, en arazir kuraba gɨn amadagh.

Aisaia 48:11

Kɨ uan ziar ekiam gɨnɨghnɨgha arazir kamɨn ia gami. Gumazamiziba nan ziam gasɨghasɨgh a dɨkabɨn, ziar ekiam igharaz darazir anɨngan kɨ aghua. Bar guizbangɨra, me ziar ekiam narara danɨngam.”

Jeremaia 3:25

O Ikiavɨra Itir God, en God, e uan inazir afeziaba ko, uan mugabara ikia arazir aghumsɨzir kurabar nɨ gamua iza datɨrɨkɨn tu. E nɨn akabar gɨn zuir puvatɨ. Kamaghɨn amizɨ, e bar aghumsigh guaba avigh nguazim mɨtuagham. Egh teghtɨ, en aghumsɨzir kam inimɨn mɨn e avaraghtɨ, e a sara ikiam.”

Jeremaia 8:5

Ezɨ Jerusalemɨn gumazamizir kaba na ategha, ua izir puvatɨ. Me zurara akɨribagh igha na gasi. Me ifavarir arazimɨn gɨn mangasa bar gavgavigha, ua na bagh izan aghua.

Amos 7:2

Kɨ garima, odeziba nguazir kamɨn graziba ko biziba bar da apa ada agɨfa. Ezɨ kɨ kamaghɨn mɨgei: “O Ikiavɨra Itir Godɨn Ekiam, ga uaning, kɨ nɨn azai, nɨ Jekopɨn ovavir boribar arazir kuraba gɨn amadagh. Men ikɨzim avɨrasemezir puvatɨzɨ, me uarira uarir akurvaghamin gavgaviba puvatɨ. Nɨ men arazir kuraba ikarvaghsɨ damutɨ, me ua manmaghɨra damuam?”

Jeremaia 5:25

Ezɨ ian arazir kurar kabara bizir aghuir kabar tuavim apɨrizɨ ia da isir puvatɨ.

Jeremaia 10:19

Eghtɨ Jerusalemia kamaghɨn mɨkɨmam: “Maia, e ikuvigha gɨfa. Osɨmtɨzir ekiam e batogha duamɨn mɨn bar ekevegha mɨsɨngizir puvatɨ. Ezɨ markɨ, osɨmtɨzir kam e batogha gɨvazɨ e aneteram.”

Maika 7:9

E datɨrɨghɨn Ikiavɨra Itir Godɨn damazimɨn arazir kuram gami. Eghtɨ Ikiavɨra Itir God bar dughiar otevimra uan anɨngagharim akagh, e gasɨghasɨgham. Egh a gɨn ua en akuragh guizɨn arazimɨn gɨn mangɨva, pazavɨra e gamir darazir arazir kuraba ikarvagham. Egh a mɨtatemɨn e inigh angazangarimɨn e atɨghtɨ, e angamɨra ikɨ an gantɨ, an en apanibar dafaribar uam e iniam.