Jeremaia 14:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Ezɨ donkin atiaba mɨghsɨabar tuivav ikia, afiar atiabar mɨn avɨghagha pamtemɨn amɨnim isi. Da pamtem damamin graziba bagha ruia gari. Ezɨ graziba bar puvatɨ, kamaghɨn men damaziba bar mɨkɨrvagha iraghue.

Jeremaia 14:6 ပူးပေါင်းရင်းမြစ်များ

Jeremaia 2:24

Egha ia uaghan mati, donkin amebar atiamɨn mɨn, an iakɨnir a donkin apuriba buriam otozɨ, an ada buria gumazamiziba puvatɨzir danganibagh arui. A kamaghɨn damutɨ tav an ifongiar kam abɨnɨva avegham. Egh uaghan donkin apuriba a bativsɨ iburaghburaghan kogham. Me an dughiamrama a bativam.

Joel 1:18

Graziba puvatɨzɨ, bulmakaun okoruaba mɨtiriam puvɨra men azi, kamaghɨn amizɨ, me arai, egha dar okoruaba pura tintinibar aruava ongani. Ezɨ sipsipɨn okoruaba uaghan mɨtiriam men azi, ezɨ me aghariba gunigha bar amɨra.

1 Samuel 14:29

Ezɨ Jonatan kamaghɨn gumazir kam mɨgei, “Nan afeziamɨn akar kam, osɨmtɨzim isa en nguazir kamɨn itir gumazibagh anɨngi. Ia nan gan. Kɨ hanin bar muziarim amegha ua gavgavim ini.

Aisaia 32:14

Bar guizbangɨra, atrivim uan dɨpenim ategham. Eghtɨ gumazamiziba bar moghɨra nguibar ekiar kam ateghtɨ gumazamizibar nɨgɨnir me ingara mangɨn izegh gamir kam, ua ikian kogham. Eghtɨ mɨdorozir gumazibar dɨvazir gavgavim ko, dɨpenir suer ruarir mɨdorozir gumaziba ikia apaniba bagha gariba, da bar moghɨra pura ikɨ bar ikuvigham. Eghtɨ afiar atiaba dughiar bar ruarimɨn danganir kamɨn ikiam. Eghtɨ donkin atiaba an aven darusɨ bar akuegham, eghtɨ sipsipba ko bulmakauba izɨ oghevsevibar amam.