Jeremaia 14:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Men gumazir dapaniba dɨpaba tuasa ingangarir gumaziba amangizɨ, me mozir dɨpabar ghuegha gari mozir paba dakegha gɨfa. Ezɨ me mɨner mɨseviba ua da inigha nguibar ekiamɨn ghue. Egha me paza uari baragha aghumsigha, osemegha uan guaba monge.

Jeremaia 14:3 ပူးပေါင်းရင်းမြစ်များ

2 Samuel 15:30

Ezɨ Atrivim Devit bar osemegha uan dagarir asuamning suegha uan dapanim avaragha azia Olivɨn Mɨghsɨamɨn ghuavanadi. Ezɨ an gɨn zuir darasi, uaghan uan dapaniba avegha azia ghuavanadi.

Onger Akaba 40:14

Gumazamizir maba na mɨsueghtɨ kɨ aremeghasa. Eghtɨ nɨ me abɨnigh men nɨghnɨziba aghamsightɨ, me aghumsika. Osɨmtɨzir kɨ isiba, gumazamizir maba dar gara bar akonge. Nɨ men ziaba abɨnigh me batueghtɨ me mangɨ.

2 Atriviba 18:31

Ia Hesekian akam baragh ua na ko mɨsoghsɨ nɨghnɨghan markɨ. Ia deravɨra dapiagh ikɨ, egh ia uan mozir paba tu dar amɨva, wainɨn ikarɨzibar ovɨzibar amɨ. Ia uan azenibar itir temer fighɨn ovɨziba uan azenibar da inisɨ, ia na ko akam akɨrigh na ateghtɨma, kɨ ian nguibar ekiam iniam.

Amos 4:8

Ezɨ nguibar mabar gumazamiziba dɨpam bagha aremeghasava amua, nguibar igharazibar ghua dɨpam burigha arui. Ezɨ dɨpam bar men oteveghavɨra iti. Kɨ bizir kabagh amizɨ, ia tong uan navibagh iraghasa nɨghnɨzir pu. Bar puvatɨ. Kɨ Ikiavɨra Itir God, kɨ kamaghɨn mɨkeme.”

Jeremaia 2:13

Nan gumazamiziba arazir kurar pumuning gami. Kɨ mati, dɨpar aghuir ikɨrɨmɨrir aghuim anɨdim me bagha fasfagha iri. Ezɨ me akɨrim ragha na gasara. Me uari bagha dɨpabar suighasa dagɨaba okora toribagh ami. Ezɨ me okorezir dagɨar mozir dɨpar kaba tintinibar bɨghireghtɨ, dɨpaba dar aven ikian kogham.’ ”

Joel 1:20

Faneba ko, daghuriba ko, dɨpar atuiba bar mɨsɨngigha gɨfa, ezɨ graziba mati avim bar adar isi. Kamaghɨn amizɨ, asɨzir atiaba uaghan nɨn dei.

Jeremaia 20:11

Ezɨ Ikiavɨra Itir God, mati mɨdorozir gumazir bar gavgavir mam, a nan akurvaghasa nan boroghɨn tughav iti. Eghtɨ gumazir izɨ pazɨ na damuamin kaba, bizir kuram me batoghtɨ me daghiregham. Egh me bar aghumsɨghtɨ, men aghumsɨzir kam ikɨ mamaghɨra ikɨ gɨvaghan kogham.

Jeremaia 14:4

Amoziba Judan kantri gizir puvatɨzɨ, nguazim bar mɨsɨngi. Kamaghɨn amizɨ, gumazir azeniba opariba, bar osemegha aghumsigha uan guaba monge.

Onger Akaba 109:29

Nan apaniba aghumsɨzir dafam iniasa, kɨ ifonge, eghtɨ gumazamiziba men aghumsɨzir arazir kam bar an ganam.

Esta 6:12

Aning kamaghɨn amigha gɨvagha, gɨn Mordekai uamategha atrivimɨn ingangarim bagha ghu. Ezɨ Haman bar aghumsɨgha navim bar a basemezɨ, a uan guam avaragha ara uan dɨpenimɨn ghu.

1 Atriviba 17:7

Ezɨ dughiar mabar kantri Israelɨn amoziba puvatɨ, ezɨ daghurir dɨpar kam uaghan dake.

2 Samuel 19:4

Dughiar kamɨn, atrivim uan guam avaragha pamtemɨn azia ghaze, “O Apsalom, nan otarim, noka. Apsalom, nan otarim, nan otarim!”

Jeremaia 2:37

Kɨ Ikiavɨra Itir God, gumazir ia nɨghnɨzir gavgavim men itiba, kɨ akɨrim ragha me gasaragha gɨfa. Eghtɨ me bizitam ian akuragh, ia bagh bar a damighan kogham. Kamaghɨn, ia uaghan Isipia ategham, egh dughiar kamɨn ia aghumsigh naviba bar osemegham.”

Jeremaia 3:3

Ezɨ bizir kam bangɨn, kɨ amozimɨn tɨvazɨma, a tong ian nguazim gizezir puvatɨ. Ezɨ ia tuavimɨn amizimɨn mɨrarama amua, akam baraghan aghuagha, aghumsɨzir puvatɨ.

Jeremaia 15:18

Manmagh amizɨ mɨzazir kam nan ikiavɨra iti? Egha manmagh amizɨ, me osɨmtɨzim na ganɨgavɨra iti, mati duaba nan mɨkarzimɨn ikiavɨra ikia mɨdir puvatɨ? Kɨ garima, nɨ nan akurazir puvatɨ, mati gumazim mozir pam bagha ghua garima, a dakezɨ a tam amezir puvatɨ.”

Hosea 2:3

An arazir kam ateghan koghtɨ, kɨ an korotiaba sueghtɨ, a bibiamra ikɨ bar aghumsigham. Kɨ a damightɨ, a nguazir bar kuramɨn mɨn otogham. Nguazir kam, bar mɨsɨngizɨ temeba ko biziba an aghuir puvatɨ, egha dɨpar apiba an puvatɨ. Arazir kamɨn kɨ a gasɨghasigham.

Sekaraia 14:17

Eghtɨ Kantrin Igharazibar Gumazamizitaba, atrivim Ikiavɨra Itir Godɨn Gavgaviba Bar Itim, me an ziam fan aghuaghtɨ, amozim men nguazim gizan kogham.

Amos 4:7

“Dughiar kamɨn, ian azenibar dagheba tɨghar aghungamin iakɨnir 3pla ikiavɨra iti, ezɨ kɨ amozimɨn anogoroke. Kɨ amozim gamizɨ, a nguibar mabar ize, egha nguibar mabar puvatɨ. Kɨ amozim gamizɨ, an azenir mabagh ize, ezɨ azenir maba amoziba puvatɨgha bar mɨsɨngi.