Jeremaia 14:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Kantrin igharazitamɨn aser kuratam amozim damightɨ an arigham ti? Puvatɨ. O overiam uabɨ amozim e danigham ti? Bar puvatɨ. Ikiavɨra Itir God, en God, nɨrara nɨ bizir kamagh garibagh ami da otifi. Kamaghɨn amizɨ, e nɨghnɨzir gavgavim nɨn iti.”

Jeremaia 14:22 ပူးပေါင်းရင်းမြစ်များ

Joel 2:23

“Ia nan damazimɨn deraghasa, kɨ ian akurvagha amozir avɨriba ia ganɨdi. Amozir dughiabar iakɨnir faragha zuiba, kɨ amoziba ia ganɨga, egha uaghan amozir dughiabar gɨn izir iakɨniba, kɨ amoziba ia ganɨdi. Kamaghɨn amizɨ, ia Saionɨn gumazamiziba, ia bar akongegh. Kɨ Ikiavɨra Itir God, ian God, kɨ ian akurvaghasa amizir biziba, ia da bagh bar akongegh.

Jeremaia 5:24

Kɨ Ikiavɨra Itir God, ian God. Ezɨ ia nan apengan ikian aghua. Egha ia kamaghɨn nɨghnɨzir puvatɨ, kɨ uabɨ azeniba oparir dughiam ko dagheba asir dughiamɨn, amozim amadi, a izi. Egha kɨ uabɨ daghebagh amima da uan dughiamram otivima, ia azenibar, vaghvagha zurara da isi.

Onger Akaba 135:7

Ana amozimɨn mɨgharir pɨzibagh ami, da nguazir oteviba bar dar zui, ana onɨmaribagh ami, da taghtagha amozim sara izi. An amɨnim gami, a dɨkava ivava danganiba bar dar zui.

Aisaia 30:23

Eghtɨ Ekiam ia oparizɨ dagher ovɨziba bagh amozim amadaghtɨ, a izighirɨ da ruam, eghtɨ da deravɨra nguazir kamɨn otivam. Eghtɨ ia dagher avɨriba ikiam. Eghtɨ ian bulmakauba uaghan damamin grazir avɨriba ikiam.

Godɨn Araziba 32:21

Me asebar gɨn ghua dar ziaba fava na gamizɨ, nan navim bar ikuvigha men anɨngaghegha men atari. Aser me ziaba fer kaba, da pura godɨn ifavariba, da guizɨn godba puvatɨ. Kamaghɨn, kɨ ikɨzir pura bizibar mɨn ikia bar onganizim, kɨ me isɨ Israelia bagh me ameghtɨ, Israelian naviba bar ikuvigham. Kɨ gumazamizir fofoziba puvatɨziba inightɨma, bizir kam me damightɨ me ataram.

Jeremaia 51:16

A tiarim akarigha mɨgeima, overiam bar pamtemɨn tɨngazi. Ezɨ ghuariar pɨziba nguazir otevibar mɨgha iza, egha uari akufa. God onɨmaribagh amima, da taghtazima amozim izaghiri. Egha amɨnim asirafima, a uan danganim ataghɨragha izi.

Jeremaia 16:19

O Ikiavɨra Itir God, nɨ gavgavim na ganɨga, nan danganir mogomemɨn mɨn ikia, egha osɨmtɨzibar dughiabar nɨ nan akurvasi. Nguazir kamɨn oteviba bar dar gumazamiziba bar, nɨ bagh izɨ kamaghɨn mɨkɨmam: En inazir afeziabar aseba, da pura bizir kɨniba, da e gifara, en akuraghan kogham.

Jeremaia 10:15

Kar me dɨbovir akabav kɨmasa pura ingarigha arɨghizir bizir kɨniba. Eghtɨ Ikiavɨra Itir God, me tuisɨghamin dughiam izɨtɨ me bar ikuvigham.

Aisaia 41:29

Ia gan! Aser kaba da pura bizir kɨniba. Dar nedaziba mati amɨnim pura ivai. Da bizitam damuamin gavgaviba puvatɨ.”

Onger Akaba 130:5

Kɨ uabɨn akurvaghasa ifongegha, Ikiavɨra Itir God, a mɨzua iti. Egha nɨghnɨzir gavgavim an akamɨn iti.

Onger Akaba 25:21

Nɨn araziba dera, egha bar guizbangɨra. Ezɨ kɨ nɨghnɨzir gavgavim nɨn ikia nɨ mɨzua ghaze, nɨ zurara na geghuv deragh nan gan.

1 Atriviba 17:14

Guizbangɨra, Ikiavɨra Itir God, a Israelian God, a kamaghɨn mɨgɨa ghaze: Nɨn plauan muziarim ko borer muziarim ikɨvɨra ikɨtɨ, Ikiavɨra Itir God uam amozim amadaghtɨ a ua nguazim gizam.”

1 Atriviba 17:1

Akam inigha izir gumazir mam, Elaija, a Gileatɨn Distrighɨn itir nguibar ekiam Tisben gumazim. Dughiar mamɨn, a iza Atrivim Ahap batogha kamaghɨn a mɨgɨa ghaze, “Kɨ Godɨn ingangarir gumazim. Ikiavɨra Itir God, Israelian Godɨn bar zurara itim, kɨ an ziamɨn, guizbangɨra nɨ mɨgei: Amoziba ko dɨmagarimɨn ghuariamɨn dɨpaba azenir tabar nguazim giran kogham. Egh kamaghɨra ikɨ mangɨtɨ azenir taba gɨvagham. Egh kamaghɨra ikɨ mangɨtɨ, kɨ mɨkemeghtɨ, amozim ua izam.”

Godɨn Araziba 28:12

Amozim Ikiavɨra Itir Godɨn agharimɨn iti, ezɨ an an dughiamra anemadaghtɨ a izighiram. Eghtɨ a ian ingangaribar amutɨ da deraghvɨram otivam. Eghtɨ ia ikɨzir igharaziba, men adarazir amamangatɨghtɨ, me pura ia da biziba inigh gɨn ua da ikarvagham. Eghtɨ ia bizir bar avɨriba ikiam, kamaghɨn amizɨ, ia igharaziba da pura biziba inian kogham.

Maika 7:7

Ezɨ kɨ uabɨ, nɨghnɨzir gavgavim Ikiavɨra Itir Godɨn ikɨ a mɨzuamam. Eghtɨ a kɨ a ko mɨgeir azir akaba baregh, izɨ nan akuragh na inightɨ, kɨ deraghvɨra ikiam.

Amos 4:7

“Dughiar kamɨn, ian azenibar dagheba tɨghar aghungamin iakɨnir 3pla ikiavɨra iti, ezɨ kɨ amozimɨn anogoroke. Kɨ amozim gamizɨ, a nguibar mabar ize, egha nguibar mabar puvatɨ. Kɨ amozim gamizɨ, an azenir mabagh ize, ezɨ azenir maba amoziba puvatɨgha bar mɨsɨngi.

Jeremaia 10:13

A tiarim akarigha mɨgeima, overiam bar pamtemɨn tɨngazi. Ezɨ ghuariar pɨziba nguazir otevibar mɨgha iza, egha uari akufa. God onɨmaribagh amima, da taghtazima amozim izaghiri. Egha amɨnim asirafima, a a uan danganim ataghɨragha izi.

Aisaia 30:18

Guizbangɨra, Ikiavɨra Itir God, a Godɨn guizɨn arazibagh amim. Kamaghɨn amizɨ, a ian apangkuvighasa ifongiar bar ekiam iti. A uan apangkuvim ian akakaghasa ia mɨzua iti. Gumazamizir nɨghnɨzir gavgavim an ikiava, uarir akurvaghasa a mɨzua itiba, me bar akuegham.

Onger Akaba 147:8

An overiamɨn ghuariaba arɨghizɨ, amozim nguazimɨn izaghirava, mɨghsɨabagh izima graziba dar otifi.

Onger Akaba 27:14

Nɨ nɨghnɨzir gavgavim Ikiavɨra Itir Godɨn ikɨ a bagh mɨzuam. Nɨn navim osɨman markɨ. Nɨ tugh gavgavigh mamaghɨra ikɨ mangɨtɨ a izɨ nɨn akuragham.

Onger Akaba 25:3

Gumazamizir nɨghnɨzir gavgavim nɨn itiba, apaniba me abɨn aghumsɨzim me danɨngan kogham. Gumazamizir pura nɨn akaba batoziba, merara aghumsɨzim iniam.

Jopɨn Akɨnafarim 5:10

An amozim amadima, a nguazim giza dɨpam isa azeniba ko bizibagh anɨdi.

1 Atriviba 18:1

Aruem dughiar ruarimɨn iti, ezɨ an dughiar namba 3ɨn azenimɨn, Ikiavɨra Itir God kamaghɨn Elaija mɨgei, “Nɨ mangɨ Atrivim Ahapɨn ganigh, eghtɨ kɨ uam amozim amadaghtɨ a izam.”

1 Atriviba 8:36

nɨ uan Nguibamɨn ikɨ, e Israelia, nɨn ingangarir gumazamiziba, en azangsɨziba baragh, en arazir kuraba gɨn amang. Egh nɨ uan arazir aghuibar en sure damu. Egh amozim amadaghtɨ a nguazir nɨ fomɨra e ganɨngizim girɨ.

Matyu 5:45

Arazir kam kamaghɨn ian akagham, ia guizbangɨra uan Afeziar uan Nguibamɨn itimɨn boribara. Guizbangɨra, an aruem gamima, a gumazir kuraba ko aghuiba bar me gisɨsi. Egha an amozim gamima, a gumazir aghuiba ko gumazir arazir kurabagh amiba sara me gizi.

Jeremaia 5:12

Israelia Ikiavɨra Itir God, an gɨn mangan aghuagha ifara ghaze: “Ikiavɨra Itir God, arazir kuratam damightɨ an e batoghan kogham. Apaniba izɨva e mɨsoghan kogham, eghtɨ mɨtiriar ekiatam otoghan kogham.

Jeremaia 10:3

Ezɨ gumazir kabar arazir men aseba feba, da guizɨn araziba puvatɨ. Me temer mam ruarimɨn an okegha, dɨgɨribagh amir gumazibagh anɨngizɨ, me temer kamɨn asemɨn marvir guam akɨri.

Hosea 2:7

A ifongezir gumazibar gɨn ivegh mangɨ, egh me batoghan kogham. A me burisɨ mangɨva, egh men apighan kogham. Egh a kamaghɨn mɨkɨmam, ‘Kɨ faragha deraghavɨra iti, ezɨ datɨrɨghɨn puvatɨ. Kamaghɨn amizɨ, kɨ ti uamategh uan par faragha ikezim bagh mangam.’

Jopɨn Akɨnafarim 28:26

Egha a uaghan amozim damuamin araziba arɨki, egha onɨmarim taghtagh mangamin tuavim atɨ.

Jeremaia 10:12

Ikiavɨra Itir God uan gavgavimɨn nguazir kamɨn ingari. A uan nɨghnɨzir aghuimɨn nguazir kam isa uan danganimra anetɨzɨ, a gavgafi. A uan fofozimɨn overiamɨn ingara an onegha gɨfa.

Maika 5:6

Me Asirian kantri ko mɨsogh me abɨnigh, men kantri iniam, an ziam Nimrot, me me dama a inigham. Eghtɨ arazir kamɨn, gumazir dapanir kam, Asirian e gasɨghasɨghasa iziba, a men dafarimɨn en akuragh, uam e inigham.