Jeremaia 14:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Bar guizbangɨra, Ikiavɨra Itir God, e fo, e uan inazir afeziaba ko, arazir kurar avɨribagh amua, nɨn damazimɨn e dar osɨmtɨziba iti.

Jeremaia 14:20 ပူးပေါင်းရင်းမြစ်များ

Jeremaia 3:25

O Ikiavɨra Itir God, en God, e uan inazir afeziaba ko, uan mugabara ikia arazir aghumsɨzir kurabar nɨ gamua iza datɨrɨkɨn tu. E nɨn akabar gɨn zuir puvatɨ. Kamaghɨn amizɨ, e bar aghumsigh guaba avigh nguazim mɨtuagham. Egh teghtɨ, en aghumsɨzir kam inimɨn mɨn e avaraghtɨ, e a sara ikiam.”

Onger Akaba 32:5

Datɨrɨghɨn kɨ uan arazir kuraba bar dar gun Ikiavɨra Itir God mɨkemezɨ, an ada gɨn amadagha gɨfa. Egha kɨ uan arazir kuratam modozir puvatɨ, kɨ bar da aghurigha nɨ mɨkeme. (Ighiam gamua an suiam atugha avughsegha ua ighiam gami.)

Jeremaia 3:13

Kɨ Ikiavɨra Itir God, kɨ ghaze, Israelia, ia bighɨvɨra kamaghɨn mɨkɨm, ‘E osɨmtɨzim gamigha gɨvagha uan Ikiavɨra Itir God, en God, akɨrim ragha a gasaragha gɨfa. Egha uaghan, e nɨn akabar gɨn zuir puvatɨ. E temer ekiabar apebabar ghua arazir kuram gamua asebar ziaba fe.’

Jopɨn Akɨnafarim 33:27

Egh gumazir kam bar akuegh ighiam bangɨ gumazamizir igharazibav kɨm suam, ‘Kɨ arazir aghuibar tuavim ataki, kamaghɨn kɨ arazir kuram gami. Arazir kam bangɨn God ti ivezir bar kurar ekiatam na ikaragha na ganighai. Ezɨ puvatɨ, a nan apangkuvigha kamaghɨn amizir puvatɨ.

Nehemia 9:2

Israelian gumazamizir kaba Kantrin Igharazibar Gumazamiziba ko pozir arazim ategha gɨfa. Egha me tuiva uan arazir kuraba ko uan inazir afeziabar arazir kuraba sara gun mɨgei.

2 Samuel 24:10

Devit bar me mengegha gɨvagha, gɨn an amizir arazir kam bagha navim osemegha kamaghɨn Ikiavɨra Itir God ko mɨgei, “Kɨ bar onganigha mɨdorozir gumaziba menge. Kɨ arazir kurar kamɨn osɨmtɨzir bar ekiam gami. O Ikiavɨra Itir God, ga uaning, kɨ amizir arazir kurar kam, nɨ a gɨn amadagh.”

2 Samuel 12:13

Ezɨ Devit kamaghɨn oregha ghaze, “Kɨ Ikiavɨra Itir Godɨn damazimɨn arazir kuram gami.” Ezɨ Natan a ikaragha ghaze, “Ikiavɨra Itir God, nɨn arazir kuraba gɨn amada, ezɨ nɨ aremeghan kogham.

Jeremaia 8:14

Eghtɨ Judaba kamaghɨn mɨkɨmam: “Manmaghɨn amizɨ e puram apia? E uari akuvagh mangɨ nguibar ekiar dɨvazir gavgaviba itibar aven mongam. Egh e nguibar kabar aven arɨghiram. E arazir kuramɨn Ikiavɨra Itir God gami, a en God. Ezɨ a ghaze, e ovengam. A ivezir kuram e danɨngam, mati gumazir mam marasinɨn kurar gumazibagh asɨghasɨzim me danɨngtɨ me aneremam.

Jeremaia 14:7

Ezɨ nan gumazamiziba kamaghɨn na ko mɨgɨa dɨa ghaze, “Bar guizbangɨra, e akɨrim ragha nɨ gasaragha gɨvagha, arazir kurar avɨrim gami. Ezɨ en arazir kurar kaba e isa kotiam gatɨ. Ezɨ Ikiavɨra Itir God, nɨ uan ziar ekiam gɨnɨghnɨgh, en apangkufigh.

Amos 7:2

Kɨ garima, odeziba nguazir kamɨn graziba ko biziba bar da apa ada agɨfa. Ezɨ kɨ kamaghɨn mɨgei: “O Ikiavɨra Itir Godɨn Ekiam, ga uaning, kɨ nɨn azai, nɨ Jekopɨn ovavir boribar arazir kuraba gɨn amadagh. Men ikɨzim avɨrasemezir puvatɨzɨ, me uarira uarir akurvaghamin gavgaviba puvatɨ. Nɨ men arazir kuraba ikarvaghsɨ damutɨ, me ua manmaghɨra damuam?”

Daniel 9:15

“O Ekiam, en God, nɨ uan gavgavim akaghava uan gumazamiziba Isipɨn kalabusɨn me inigha ize. Ezɨ datɨrɨghɨn Kantrin Igharazibar Gumazamiziba, ingangarir nɨ amizir kamɨn gavgavim gɨnɨghnɨghavɨra iti. Egha me ziar ekiam nɨ ganɨdi. Bar guizbangɨra, e arazir kurar avɨrim gamigha nɨn akam batoke.