Jeremaia 14:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Judan kantrin gumazamiziba bar osɨmtɨzir ekiamɨn ikia azi. An nguibabar aven itir gumazamiziba bar pazavɨra iti. An gumazamiziba tintinibar nguazim girav ikia puvɨram azima, men azirakam Jerusalemɨn nguibamɨn ikegha, nan kuarim bagha ghuavanadi.

Jeremaia 14:2 ပူးပေါင်းရင်းမြစ်များ

Aisaia 3:26

Egh me nɨn biziba bar da inigham. Nɨ mati amizim, me bar an korotiaba suezɨ, a pura bibiamra nguazim gaperaghav iti moghɨn ikiam. Eghtɨ nɨn gumazamiziba nɨn gantɨ, bizir kaba nɨ bativtɨ, men naviba bightɨ me bar puv aziam.

Jeremaia 8:21

Kɨ Jeremaia, kɨ uan gumazamizir kɨ bar ifongezibar garima, me dɨghoraghire, ezɨ nan nɨghnɨziba ikufi. Kɨ bar osemegha aziava aravɨra iti.

1 Samuel 5:12

Ezɨ okar kuraba gumazamizibar mɨkarzibar otivima, men marazi ariaghɨrima, marazi ariaghirezir puvatɨ. Egha me uarir akurvaghasa Godɨn deima men dɨmdɨar ararem ghua Godɨn Nguibamɨn oto.

Sekaraia 7:13

Me nan akaba barazir puvatɨzir bizim bangɨn, kɨ men azangsɨziba barazi puvatɨ. Kɨ Ikiavɨra Itir Godɨn Gavgaviba Bar Itim kamaghɨn, kɨ mɨkemegha gɨfa.

Jeremaia 11:11

Kamaghɨn kɨ Ikiavɨra Itir God, kɨ guizbangɨra mɨgei, kɨ zuamɨra bar me gasɨghasɨghtɨ, me itavraghamin tuaviba puvatɨgham. Egh me akurvazim bagh nan dɨmɨva arangtɨ, kɨ me bareghan kogham.

Joel 2:6

Da roghɨra izir dughiamɨn, gumazamiziba bar atiatigha, men guaba ighegha igharagha gari, egha me bar dukome.

Joel 1:10

Azeniba pura ikia dagheba puvatɨ. Azenimɨn itir dagheba bar ikufi, kamaghɨn amizɨ, nguazim pura ikia mɨsɨngi. Ezɨ wainɨn ovɨziba bar mɨsigha gɨfa. Ezɨ olivɨn borer igiam gɨvasava ami.

Hosea 4:3

Kamaghɨn amizɨ, nguazir kam osɨmtɨzim ikia mɨsigham. Ezɨ nguazimɨn itir gumazamiziba, ko an itir biziba bar, kar asɨziba ko, kuaraziba, ko, osiriba, da bar arɨmɨghiregham.’ ”

Jeremaia 18:22

Nan apaniba nan suiragh na gasɨghasɨghasa, mati asɨzim mozimɨn magɨrasa mozim gutui, egha mati gumazim asɨzimɨn suighasa azuazim aguragha a mɨzua iti. Kamaghɨn amizɨ, nɨ zuamɨra gumazir kuraba ameghtɨ me izɨ gumazir kaba ko mɨsogh, me gasɨghasɨkigh, eghtɨ me bar puvɨram atiatingɨva, uan dɨpenibar aven mongegh bar puvɨram arangam.

Jeremaia 12:4

Gumazamizir kaba arazir kurabagh ami. Egha uaghan me ghaze, “Bizir e bativamin kaba, Jeremaia bar dar ganighan kogham.” Kamaghɨn amizɨ, nɨ gumazamizibar arazir kurabar osɨmtɨziba ikarvagha nguazim gamizɨ, an aghazagharizɨ, graziba bar mɨsɨngi. Ezɨ asɨziba ko kuaraziba tintinibar ariaghiri. Ezɨ kɨ nɨn azai, Nɨ dazoghɨn bizir kam agɨvaghtɨ, nguazim ua deragham?

Aisaia 33:9

Ezɨ nguazim uabɨ bar osemegha azirakabagh amima, an gavgavim gɨfa. Lebanonɨn ruaribar temeba mɨdɨi, egha bar aghumsɨki. Ezɨ Saronɨn Danganir Zarim bar mɨsɨngigha dɨpaba puvatɨzir danganim gava. Ezɨ Basanɨn Distrighɨn temeba ko, Karmelɨn Mɨghsɨamɨn temebar dafariba da mɨdɨa suaghiri.

Aisaia 24:7

Egha me garima, wainɨn ovɨzir igiaba mɨdɨima, wainɨn ikarɨziba uaghan mɨdɨi. Ezɨ gumazamizir wainɨn dɨpaba apa bar akongeziba, me datɨrɨghɨn naviba bar osemegha iti.

Aisaia 24:4

Nguazir bar mɨsɨngigha, an gavgavim gɨfa, ezɨ an azirakar amɨrizibagh ami. Ezɨ gumazamizir ziaba itiba, men gavgaviba uaghan gɨfa.

Aisaia 15:5

Mevzika! Kɨ uaghan Moapian apangkuvigha, me bagha azi. Kɨ garima, me uan nguibam ategha, ara ivemara Soarɨn nguibar ekiam ko, Eklat Selisian nguibar ekiamɨn zui. Me aziavɨra ghua Luhitɨn nguibar ekiamɨn tuavimɨn ghuavanadi. Egha me uan osɨmtɨzir ekiam gɨnɨghnɨgha pamtem aziava ara Horonaimɨn nguibar ekiamɨn tuavimɨn zui. Ezɨ men ararem bar ekefe.

Aisaia 5:7

Ikiavɨra Itir Godɨn Gavgaviba Bar Itimɨn wainɨn azenim, a Israelian gumazamiziba. Bar guizbangɨra, Judan gumazamiziba, an oparizir wainɨn agharir aghuir a bar ifongeziba. Me guizɨn arazir aghuibara damu ikiasa a ifonge, ezɨ puvatɨ. Me gumazibav sozi me ariaghiri. Me arazir aghuibar igharaz darazir amuasa a ifonge, ezɨ puvatɨ. Ararer kuram men danganibar otiva ghuavɨra iti.

Jopɨn Akɨnafarim 34:28

Me onganarazibagh amir gumazamiziba paza me gami, ezɨ me Godɨn deima, a men ararem barasi.

1 Samuel 9:16

“Gurumɨn dughiar kamra, kɨ Benjaminɨn anabamɨn gumazitam amadaghtɨ a izam. Eghtɨ nɨ borem isɨ an dapanim gingegh, kar ababanir a Israelian gumazamizibar atrivimɨn ikiamim. Kɨ Filistiabar gari, me osɨmtɨzir ekiam ko mɨzazim Israelia ganɨdima, me uarir akurvaghasa nan ingarava arai. Eghtɨ gumazir kam men akuragh Filistiabar gavgavimɨn ua me iniam.”

Ua Me Ini 2:24

Ezɨ God men ararem baregha Abraham ko, Aisak ko, Jekop ko, amizir Akar Dɨkɨrɨzir Gavgavim ginɨrɨ.

Onger Akaba 144:14

En bulmakauba otɨ mamaghɨra ikiam. Eghtɨ dar nguzitam ikuvighan kogh, egh tam aremeghan kogham. E kamaghɨn aghua, e oraghtɨ gumazitam o amizitam, osɨmtɨziba ater tuangɨva arangam.

Aisaia 24:11

Ezɨ gumazamiziba damamin wainɨn dɨpaba puvatɨ, kamaghɨn amizɨ, me nguibar ekiabar tuavibar mɨtivighav ikia wainɨn dɨpaba bagha dei. Gumazamiziba bar akongezir arazim gɨfa, ezɨ navir kuram ko navir osɨmtɨzimra nguazimɨn ruaghateviba bar, dar ghu.

Jeremaia 12:11

Eghtɨ nguazir kam pura ikɨtɨ, gumazamiziba an puvatɨgham. A dɨpaba puvatɨzir danganimɨn mɨn otogham. Eghtɨ nguazim ikɨva azitɨ, kɨ a baragham. Eghtɨ nguazir kamɨn itir gumaziba, ua a gɨnɨghnɨghan kogham.

Jeremaia 46:12

Nɨn mɨdorozir gumaziba tintinibar are, egha me uarira uarigh ivezegha, uari inigha ire. Nɨ mɨdorozimɨn irɨgha bar aghumsɨki, ezɨ kantrin igharaziba nɨn aghumsɨzir akam baraki. Nɨn ararem bar nguazir kamɨn danganiba bar adagh izɨfa.”

Hagai 1:11

Kɨ uabɨ amozimɨn anogoroke. Egha kɨ aruer ekiam gamizɨ, a nguazim koma, mɨghsɨaba ko, ian witɨn azeniba, ian wainɨn azeniba, ian olivɨn temeba, nguazimɨn otivava aghuir zuravariba, ian asɨziba, gumazamiziba ko, me oparir dagher guar avɨriba, a bar dagh apongezɨ da mɨsɨngi.”

Joel 1:11

Witba ko, baliba ko, dagheba ko, bizir maba sara bar ikufi. Kamaghɨn amizɨ, ia gumazir azenimɨn ingariba ko, gumazir wainɨn azenimɨn ingariba, ia naviba osemegh azi.

Joel 1:14

Ia gumazamiziba bar me mɨkemeghtɨ, me dagheba atakigh. Egh Judan nguazimɨn itir gumazamiziba bar men diaghtɨ, me izɨ Ikiavɨra Itir God, ian Godɨn Dɨpenimɨn uari akuvagh, an dɨmɨva arang.