Jeremaia 14:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ “Jeremaia, nɨ gumazamizibar apangkuvamin akamɨn me mɨkɨm. Nɨ kamaghɨn mɨkɨm, ‘Kɨ Jeremaia, kɨ arueba ko dɨmagaribar azivɨra ikɨtɨ, nan damazimning temeriba dagh izɨvagh mamaghɨra ikiam. Nan gumazamiziba, guivir kɨ bar ifongezimɨn mɨn, kɨ bar deravɨra men gari. Ezɨ apaniba nan gumazamiziba puvɨra me mɨsoagharɨghizɨ, me bar moghɨra ikufi, mati me duar dafar kuraba iti.

Jeremaia 14:17 ပူးပေါင်းရင်းမြစ်များ

Jeremaia 8:21

Kɨ Jeremaia, kɨ uan gumazamizir kɨ bar ifongezibar garima, me dɨghoraghire, ezɨ nan nɨghnɨziba ikufi. Kɨ bar osemegha aziava aravɨra iti.

Jeremaia 13:17

Ia Ikiavɨra Itir Godɨn gumazamiziba, ia mati an sipsipɨn bɨzim, a deravɨra ia geghufi. Ia nan akam baraghan aghuaghavɨra ikɨtɨ, apaniba izɨ, ia inigh mangɨ, kantrin igharazimɨn pura ingangarir gumazir kɨnibar mɨn ia arigham. Eghtɨ, kɨ uabɨra modogh ikɨva ian ifaghatir arazim gɨnɨghnɨgh, ia bagh pamtem azitɨ, temeriba nan damazimning gizɨvagh izighiram.

Jeremaia 9:1

Kɨ ghaze, Kamaghɨn deragham, nan dapanim dɨpamɨn mɨn ikɨtɨ, nan damazimning mozir dɨpar zurara anaga ivemarimɨn mɨn ikɨ. Eghtɨ kɨ arueba ko dɨmagaribar nan gumazamizir kɨ bar ifongeziba, apaniba mɨsoghezɨ ariaghireziba, me bagh aziva arangvɨra ikiam.

Maika 6:13

Kamaghɨn amizɨ, ian arazir kurar kaba bangɨn, kɨ ia gasɨghasigham.

Jeremaia 10:19

Eghtɨ Jerusalemia kamaghɨn mɨkɨmam: “Maia, e ikuvigha gɨfa. Osɨmtɨzir ekiam e batogha duamɨn mɨn bar ekevegha mɨsɨngizir puvatɨ. Ezɨ markɨ, osɨmtɨzir kam e batogha gɨvazɨ e aneteram.”

Aisaia 37:22

Kamaghɨn amizɨ, Ikiavɨra Itir God datɨrɨghɨn Asirian Atrivim Senakerip gɨnɨghnɨgha akar kam gami. A kamaghɨn mɨgei: “ ‘Saionɨn nguibar ekiam, a mati amizir igiar bar dirim, a nɨ dɨpova aghumsɨzir akabar nɨ mɨgei. Jerusalem nɨn gɨrakɨrangɨn, nɨ dɨpova uan dapanim roi.

Onger Akaba 39:10

Nɨ ivezir kuram isɨ na danɨngvɨra ikian markɨ. Nɨ mɨzazim na gasezɨ kɨ atam areme.

Amos 5:2

Azirakar kam kamaghɨn ghu: “Kantri Israel mati amizir igiar kam, a irɨgha gɨvagha, ua dɨkavan kogham. A datɨrɨghɨn uan nguazim girɨghav iti, ezɨ an akurvagh, uam a famin gumaziba puvatɨ.”

Onger Akaba 119:136

Gumazamiziba nɨn Arazibar gɨn zuir puvatɨ. Kamaghɨn kɨ puvɨram azima nan temeriba dɨpamɨn mɨn ivemari.

Jeremaia 8:18

Kɨ Jeremaia, kɨ kamaghɨn mɨgei: “Nan apangkuvir ekiam ko navim bar oseme, ezɨ nan nɨghnɨziba bar ikufi. Nan osɨmtɨzim agɨvamin tuaviba puvatɨ.

2 Atriviba 19:21

Kamaghɨn amizɨ, Ikiavɨra Itir God datɨrɨghɨn Asirian Atrivim Senakerip gɨnɨghnɨgha akar kam gami. A kamaghɨn mɨgei: “ ‘Saionɨn nguibar ekiam, a mati amizir igiar bar dirim, a nɨ dɨpova aghumsɨzir akabar nɨ mɨgei. Jerusalem nɨn gɨrakɨrangɨn, nɨ dɨpova uan dapanim roi.

Jeremaia 9:18

Ezɨ gumazamiziba kamaghɨn mɨgei: “Are, me zuamɨra izɨva e bagh azirakar ighiabar amu. Me pamtem azi mamaghɨra ikɨ mangɨtɨ, e azitɨ temeriba en damazibar izɨv otiv iram.

Jeremaia 18:13

Ikiavɨra Itir God ua kamaghɨn mɨgɨa ghaze: “Nɨ mangɨ Kantrin Igharazibar Gumazamizibar azaragh fogh, me tong kamaghɨn oraghiz, o? Israelia amizir arazir kurar kaba, kantrin igharazir taba uaghan, Israelian mɨn arazir kurabagh amiz, o? Puvatɨ. Israel, mati nan guivir igiar kɨ bar ifongezimɨn mɨn iti. Ezɨ an arazir bar kurar kɨ bar ifongezir puvatɨzim gami.