Jeremaia 13:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ “Kɨ Ikiavɨra Itir God, kɨ kamaghɨn mɨgei: Kɨ Judaba ko Jerusalemia uari uan ziaba feir arazim abɨraghtɨ, me inir ikuvizir kamɨn mɨn ikuvightɨ, men ziar ekiam gɨvagham.

Jeremaia 13:9 ပူးပေါင်းရင်းမြစ်များ

Ofa Gami 26:19

Egh kɨ ian ifaghatir arazimɨn gavgavim bar anebɨragham. Kɨ amozimɨn tɨvaghtɨ a ian nguazim gizan kogham, eghtɨ nguazim bar mɨsigh ainɨn mɨn gavgavigham.

Sefanaia 3:11

“Nan gumazamiziba, ia guizbangɨra nan akam batoke. Eghtɨ kɨ bizir kabar amutɨ da otivamin dughiamɨn, ian tongɨn itir gumazir uari fa akaba batoziba, kɨ bar me batuegham. Eghtɨ ia Jerusalemɨn ikiam, kar nan mɨghsɨam, egh ia ifaghatɨ ua nan akaba batoghan kogham. Kamaghɨn amizɨ, ia uamategh Jerusalemɨn izeghɨva, nɨ ua uan arazir kurabagh nɨghnɨgh aghumsɨghan markɨ.

Aisaia 23:9

Kar Ikiavɨra Itir Godɨn Gavgaviba Bar Itim mɨgeima, arazir kam oto. Gumazir uan gavgaviba ko, uan ziar ekiaba fa bar akongeziba, Ikiavɨra Itir God me dɨkabɨnasa. Egha a uaghan gumazir ziar ekiaba itibar ziaba dɨkabɨnasa, bizir kam gami.

Aghuzir Akaba 16:18

Ifaghatir arazim ko uabɨra uan ziam fer arazim, aning nɨ damightɨ nɨ irɨgh bar ikuvigham.

1 Pita 5:5

Ezɨ kamaghɨra, ia gumazamizir igiaba, ia gumazamizir aruabar apengan ikɨ. Egh ia bar uari abɨrir arazimɨn gɨn mangɨva egh uaghan Godɨn gumazamizibar apengan ikɨ. Godɨn Akɨnafarim kamaghɨn mɨgei: “God zurara gumazir uan ziaba feba, a me dɨkabɨri, egha gumazir uan ziaba dɨkabɨriba God men apangkuva egha bar deravɨra me gami.”

Jems 4:6

God en apangkuvavɨra iti. Kamaghɨn amizɨ, Godɨn Akɨnafarim kamaghɨn mɨgei: “God zurara gumazir uan ziaba feba a me dɨkabɨri, egha gumazir uan ziaba dɨkabɨriba God men apangkuva egha bar deravɨra me gami.”

Luk Osirizir Akar Aghuim 18:14

Kamaghɨn amizɨ kɨ guizbangɨra ia mɨgei, gumazir dagɨaba isir kam, a Godɨn damazimɨn dera, egha dɨpenimɨn ghu. Ezɨ igharazim puvatɨ. Gumazamizir uan ziaba feba, God me abɨnam. Eghtɨ gumazamizir uari abɨriba, God me feghtɨ me ziar ekiaba iniam.”

Esekiel 16:56

Dughiar kɨ tɨghar nɨ gasɨghasɨghamimɨn, nɨ gavgavigha ifaghata uabɨ fa, egha Sodom dɨpova ghaze, Sodom bar ikufi.

Esekiel 16:50

Me ifaghata uari fava, egha nan damazimɨn kɨ aghuazir arazir kurabagh ami. Kamaghɨn amizɨ, kɨ men arazir kurabar ganigha me batoke.

Jeremaia 48:29

“E bar Moapian akaba batozir arazim gɨfo. A uabɨ uan ziam fe, egha puv ifaghata, egha ghaze, a bar dera.

Aisaia 16:6

Ezɨ Judaba Moapian akar kam baregha, me kamaghɨn uarira uariv gei, “E Moapian arazir uari febar eghaghaniba baregha gɨfa. Me puv ifaghata uarira uan ziaba fa, mɨgɨrɨgɨar guar avɨribagh ami. Me ghaze, me uarira ikia, gumazamizir igharazibagh afiragha, me dɨpofi. E fo, Moapia me gumazamizir ifariba. E nɨghnɨzir gavgavim men akabar ikian kogham.

Jeremaia 13:8

Ezɨ Ikiavɨra Itir God ua kamaghɨn na mɨgei,

Jeremaia 25:18

Kɨ faragha ghua Jerusalem ko Judan nguibar igharaziba, ko atriviba, ko Judan gumazir dapaniba, kɨ me gamizɨ, me wainɨn dɨpar kam ame. Egha Judan atrivim ko gumazir dapaniba bar ikuvizɨ, nguazir kam pura nguazir kɨnimɨn oto. Ezɨ gumazamizir igharaziba Judan kantrin gara, akɨrim ragha me gasa dɨbovir akabar me mɨgɨa, bar dɨgavir kuram gamua, puvɨram atiati. Egha gumazamizir kaba akar kurabar uari uan apanibav kɨmasa, kamaghɨn me mɨgei, “Ia Judaba ikuvizɨ moghɨn ia ikuvigham.” Bizir kaba datɨrɨghɨn bar moghɨra otivigha gɨfa.