Jeremaia 13:23 - Godɨn Eghaghanim: Akar Gavgavir Dɨkɨrɨzir Ghurim ko Igiam

²³ Eghtɨ Itiopian kantrin gumazamiziba, men mɨkarzir pɨziba, mɨkarzir ghurghuribar otivam, ti puvatɨ. Eghtɨ kaziar atiam, me a dɨbora ghaze, lepat, a ti uan mɨkarzir dighdiriba itiba giragham, a? Bar puvatɨ. Kamaghɨra, arazir kurar kam, nɨn arazimra, ezɨ nɨ aneteghan kogham.

Jeremaia 13:23 ပူးပေါင်းရင်းမြစ်များ

Jeremaia 2:22

Ian mɨkarziba arazir mɨzɨrɨziba dar puegha gavgafi, Ia ti ghaze, ia osɨmtɨzir kaba rusɨ sopɨn gavgavibagh ivezegh, da rutɨ da gɨvagham. Bar puvatɨ. Ian arazir mɨzɨrɨzir ian mɨkarzibar pogheziba, nan damazimɨn ikiavɨra iti. Kɨ Ikiavɨra Itir God, ian Ekiam.

Jeremaia 9:5

Gumazamiziba bar moghɨra uan adarazigh ifara, egha guizɨn bizitam mɨgeir puvatɨ. Men mɨzeba ifavarir arazim bar a gɨfozɨ, me arazir kurar kam gamua ghuavɨra iti. Me uarigh ifarir arazir kam, uarira uarir akakasi. Egha me uan navibagh iraghan aghua.

Jeremaia 17:9

Ikiavɨra Itir God, kamaghɨn mɨgɨa ghaze, “Gumazamizibar navir averiaba arazir kurabara damuasavɨra me dɨkafi. Egha men nɨghnɨziba bar kufi. Ezɨ tina arazir kamɨn mɨngarim gɨfogham? Bar puvatɨ.

Jeremaia 5:3

Ezɨ kɨ Ikiavɨra Itir God ikaragha ghaze: “Kɨ fo, nɨ gumazamizir deravɨra guizɨn arazimɨn gɨn zuiba, nɨ bar me gifonge. Egha nɨ gumazamizir kabav soghezɨ, me mɨzazim baraghizir puvatɨ. Nɨ me akɨrasa me gasɨghasɨghizir bizir kam, me an ganigha fofozim inian aghua. Men dapaniba dagɨabar mɨn gavgafi, ezɨ me uan navibagh iraghan aghua.

Jeremaia 2:30

Ian marazi kɨ ivezir kuram me ganɨga, me mɨsoghezɨ me ariaghire, ezɨ ian avɨriba kɨ ia gamizir bizir kamɨn ganigha, me uan arazir kuraba ataghizir pu. Bar puvatɨ. Ia mati laionba asɨziba zuamɨra dar suigha dav sozi da ariaghiri moghɨn, ia nan akam inigha izir gumaziba, mɨdorozir sabamɨn me mɨsoghezɨ me ariaghire.

Aisaia 1:5

Egha manmaghsua ia Godɨn akam batoghavɨra iti? Ia ti zurara mɨzaziba inian aghua, a? Israelia, ia mati gumazir me bar puv mɨsoghezim, ezɨ an mɨkarzim ikufi, egha gavgaviba puvatɨ. Ezɨ duaba bar an dapanim gizɨfa.

Aghuzir Akaba 27:22

Nɨ gumazir nɨghnɨzir aghuiba puvatɨzim puv a mɨsogh, a dɨkabɨraghtɨ ana aremeghsɨ damu, egh a uan arazir onganim ateghan kogham.

Jeremaia 4:22

Ezɨ Ikiavɨra Itir God, kamaghɨn na ikaragha ghaze, “Nan gumazamiziba fofozir aghuiba puvatɨ, egha na gɨfozir puvatɨ. Me boribar mɨn fofoziba puvatɨgha bar ongani. Egha arazir kuram gamir arazim me bar a gɨfogha, arazir aghuibar amuamin arazim me bar a gɨfozir puvatɨ.”

1 Samuel 19:21

Ezɨ Sol kamaghɨn bizir kam baregha gumazir igharaziba amadazɨ, me ghua kamaghɨra Godɨn akam inigha izir gumazibar mɨn otifi. Ezɨ Sol ua kamaghɨra oregha, a ua gumazir avɨrir maba ua me amadazɨ, me ghua kamaghɨra Godɨn akam inigha izir gumazibar mɨn otifi.

2 Atriviba 17:40

Ezɨ gumazamizir kaba an akam barazir puvatɨgha, uan arazir me fomɨra amizibar gɨn ghuavɨra iti.

Fofozir Gumazim 1:15

Bizir ikɨzɨrigha gɨvaziba, e da amɨnan iburagham. Ezɨ bizir puvatɨziba, e da mengan kogham.