Jeremaia 13:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Egh nɨ ti uan navir averiamɨn aven uabɨ uabɨn azangsɨgham, manmaghɨn amizɨ, bizir kurar kaba na batifi? Nɨ kamaghɨn fogh, Nɨn arazir kuram bar ekefe. Kamaghɨn amizɨ, gumaziba nɨn korotiaba suegha arazir kurabar nɨ gami.

Jeremaia 13:22 ပူးပေါင်းရင်းမြစ်များ

Nahum 3:5

Ezɨ Ikiavɨra Itir Godɨn Gavgaviba Bar Itim kamaghɨn mɨgei, “O Ninive, kɨ nɨ gasɨghasigham. Nɨ tuavimɨn amizimɨn mɨn itima, kɨ datɨrɨghɨn nɨn korotiaba sueghtɨ nɨ bibiamra ikiam. Nɨ korotiaba puvatɨghtɨ, Kantrin Igharazibar Gumazamiziba nɨn gantɨ, nɨ bar aghumsigham.

Jeremaia 5:19

Eghtɨ gumazamizir itiba kamaghɨn nɨn azangsɨgham, ‘Manmaghsua Ikiavɨra Itir God, en God, akɨrim ragha e gasarazɨ, bizir kurar kam e bato?’ Eghtɨ Jeremaia, nɨ me mɨkɨm suam, ‘Ia akɨrim ragha na gasara, ia uan nguazimɨn ikia kantrin igharazibar asebar apengan ikia dar ziaba fe. Kamaghɨn, ia datɨrɨghɨn gumazamizir igharazibar kantrin mangɨ an ikɨ, pura men ingangarir gumazir kɨnibar mɨn ikɨ, men ingangarim damu men apengan ikiam.’ ”

Hosea 2:10

Egh a ifongezir gumazibar damazimɨn, kɨ an korotiaba suegham. Eghtɨ gumazitam nan dafarimɨn uam a inighan kogham.

Jeremaia 13:26

Kɨ uabɨ nɨn korotiam fegh uanaboghtɨ, gumazamiziba nɨn mɨkarzir mogomemɨn gantɨ, nɨ bar aghumsɨgham.

Godɨn Araziba 7:17

“Ia ikɨzir kabar gan kamaghɨn nɨghnɨghan markɨ, me bar avɨrasemegha, men gavgavim e gafira. Eghtɨ e me gasɨghasɨghsɨ iburaghburegham.

Aisaia 3:17

Kamaghɨn amizɨ, Ekiam amizir kaba ivezir kuram me danigham. Ikiavɨra Itir God Saionɨn amizibar amutɨ, duaba men dapanibagh izɨvagham, eghtɨ me men dapanibar arɨziba bar dagh iseghtɨ, me bar aghumsɨzir dafam iniam.

Sefanaia 1:12

Dughiar kamɨn, kɨ lamba inigh Jerusalemɨn averiam buriam. Gumazir nan arazibagh ifongezir puvatɨziba, me ghaze me uari biziba bar dar amuam. Me ghaze God pura iti. A gumazir aghuibar akurvazir puvatɨgha, gumazir kurabar araziba ikarvazir puvatɨ. Eghtɨ kɨ gumazir kabagh asɨghasigham.

Hosea 12:8

Egha me kamaghɨn mɨgei: ‘E dagɨaba itir gumazibar otivigha gɨfa. E bizir avɨriba iti. Eghtɨ gumazitam kamaghɨn mɨkɨman kogham, e okɨmakɨar arazim gamua dagɨar gumazibar otifi. E arazir kuratam gamizir puvatɨ.’

Hosea 2:3

An arazir kam ateghan koghtɨ, kɨ an korotiaba sueghtɨ, a bibiamra ikɨ bar aghumsigham. Kɨ a damightɨ, a nguazir bar kuramɨn mɨn otogham. Nguazir kam, bar mɨsɨngizɨ temeba ko biziba an aghuir puvatɨ, egha dɨpar apiba an puvatɨ. Arazir kamɨn kɨ a gasɨghasigham.

Aisaia 47:8

“Nɨ dughiar aghuim baghavɨra nɨghnɨzir amizim, nɨ akar kam baragh! Nɨ ti ghaze, nɨ deravɨra ikɨtɨ, bizir kuratam nɨ batoghan kogham. Egha nɨ kamaghɨn uabɨ mɨgɨa ghaze, ‘Kɨ uabɨra kɨ gavgaviba bar iti, ezɨ tav nan mɨn itir puvatɨ. Kɨ amizir pam ko boriba ariaghirezimɨn mɨn otoghan kogham.’

Aisaia 20:4

Eghtɨ Asirian atrivim mangɨ, kantri Isip ko kantri Itiopia mɨsogham. Egh a kantrin kamningɨn gumazamizir igiaba ko, gumazamizir ghuriba inigh mangɨ kantrin igharazir tamɨn me kalabuziam darɨgham. Egh me mangamin dughiamɨn, me korotiaba ko dagarir asuataba aghuighan kogham, me pura daruam. Me pura bibiabara ikɨ, bar aghumsigham.

Godɨn Araziba 18:21

“Eghtɨ ia manmagh fogh suam, ‘Akam inigha izir gumazir kamɨn akar a kurir kam, a ti Ikiavɨra Itir Godɨn izi, o puvatɨ?’

Godɨn Araziba 8:17

Eghtɨ ia kamaghɨn nɨghnɨghan markɨ, e bizir aghuir kaba uan gavgavimɨn dagh amizɨ, da otifi. Puvatɨ.

Jeremaia 14:16

Eghtɨ gumazamizir akam inigha izir gumazir kabar akaba baraghiziba, me mɨdorozim ko dagheba puvatɨzir bizim bagh arɨmɨghirɨtɨ, me men kuaba isɨ Jerusalemɨn nguibar ekiamɨn tuavir toribav kɨnightɨ, gumazir men kuaba isɨ mozibar afamiba bar puvatɨgham. Eghtɨ men amuiroghboriba uaghan, arazir kamra men kuaba bativigham. Kɨ garima, Jerusalemia arazir kuram gami, kamaghɨn kɨ bar me gasɨghasigham.”

Esekiel 23:26

Me nɨn korotiaba bar da surarigh nɨn bisba ko ringɨn diriba inigham.

Hosea 2:5

Men amebar kam uan pam ategha, tintinibar gumazir igharaziba ko akua navim asegha aghumsɨziba puvatɨ, egha kamaghɨn mɨgei, ‘Kɨ gumazir kɨ ifongezibar gɨn mangam. Me dɨpaba ko, dagheba ko, korotiaba ko, olivɨn borem ko, wainɨn dɨpaba ko, bizir maba sara na ganɨdi.’