Jeremaia 13:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ “O Jerusalemɨn nguibar ekiam, nɨ kogh notɨn amadaghan izir mɨdorozir gumazibar gantɨ, me nɨ bagh izam. Gumazamizir nɨ bar ifuegha deragha me geghuva men gariba, me mati sipsipɨn dirir nɨ me bagha bar akongeziba, me managh iti?

Jeremaia 13:20 ပူးပေါင်းရင်းမြစ်များ

Jeremaia 6:22

Ikiavɨra Itir God kamaghɨn mɨgei, “Ia gan! Mɨdorozir gumaziba notɨn amadaghan ikegha izasava ami. Me bar gavgavigha, bar saghon ti. Egha me mɨsoghasa mɨdorozir biziba akɨra iti.

Habakuk 1:6

Ia oragh! Kɨ Babilonia damightɨ me gumazamizir bar gavgavibar otivigham. Gumazamizir kaba, me gumazamizir bar kuraba, me uaghan mɨsozir gumazamiziba. Egha me datɨrɨghɨn pura tintinibar kantribar ghua, gumazamizir igharazibar dɨpeniba isa, me dɨkabɨri.

Jeremaia 23:2

Kamaghɨn, kɨ Ikiavɨra Itir God, Israelian God, kɨ bighavɨra gumazir dapanir nan gumazamizibagh ativiba me mɨgɨa ghaze, Ia nan sipsipba batogha men agɨntɨzi me tintinibar ara ghue. Ia deragha men gara me geghuvir puvatɨ. Kamaghɨn kɨ Ikiavɨra Itir God, kɨ ghaze, ia amizir arazir kurar kam, kɨ deraghvɨra an gan egh a ikarvagham.

Jeremaia 1:14

Ezɨ Ikiavɨra Itir God kamaghɨn na mɨgei, “Bizir kam a kamakɨn: Bizir bar kurar mam notɨn amadaghan ikegh izɨ, en nguazir kamɨn gumazamiziba bar me gasɨghasɨgham.

Jeremaia 13:17

Ia Ikiavɨra Itir Godɨn gumazamiziba, ia mati an sipsipɨn bɨzim, a deravɨra ia geghufi. Ia nan akam baraghan aghuaghavɨra ikɨtɨ, apaniba izɨ, ia inigh mangɨ, kantrin igharazimɨn pura ingangarir gumazir kɨnibar mɨn ia arigham. Eghtɨ, kɨ uabɨra modogh ikɨva ian ifaghatir arazim gɨnɨghnɨgh, ia bagh pamtem azitɨ, temeriba nan damazimning gizɨvagh izighiram.

Jeremaia 10:22

Ia oragh! Nɨgɨnir ekiar mam notɨn amadaghan oto. Kar apanibar mɨdorozir gumazibar mɨghsɨzir nɨgɨnir dafar kuram, me nɨga akɨzɨrɨgha izi. Me uan nguibam ategha Judan nguibaba ko mɨsoghasa izi. Me Judan nguibaba bar ada agɨvaghtɨ, da afiar atiabar nguibamɨn otogham.

Jeremaia 1:15

Nɨ gan! Kɨ Ikiavɨra Itir God, kɨ datɨrɨghɨn nɨ mɨgei, nɨ deraghvɨram oragh. Kɨ datɨrɨghɨn notɨn itir kantribar atrivibar diaghtɨ, me uan mɨdorozir gumaziba ko izam. Eghtɨ atrivir kaba izɨ uan atrivir dabirabiba Jerusalemɨn tiar akabar boroghɨn dar afegham. Egh me nguibar ekiam aghuizir dɨvazir gavgaviba akararigham. Egh me uaghan Judan nguibar igharaziba kamaghɨra dar amuam.

Jeremaia 25:37

Ikiavɨra Itir God bar puvɨram ian anɨngaghe. Kamaghɨn amizɨ, a mati sipsipba avughsa nɨmɨra itir danganir grazir aghuiba itibagh asɨghasɨki.

Aghuzir Akaba 14:28

Atrivim gumazamizir avɨrim gativaghtɨ, gumazamiziba ziar ekiam a danɨngam. Eghtɨ atrivim gumazamizir vabaram ativagham, egh a gumazir kɨnimɨn mɨn ikiam.