Jeremaia 13:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Ia datɨrɨghɨn Godɨn akurvazimɨn angazangarim bagha garavɨra iti. Eghtɨ gɨn Ikiavɨra Itir God, angazangarir kam giraghtɨ, a mɨtarmer bar ekiamɨn otogham. Guizbangɨra, dughiar kuram otogham, mati Ikiavɨra Itir God ian nguibaba mɨtarmem dar anightɨ, ia mɨghsɨabar pɨn daruva asaghpor tintinibar iregham. Kamaghɨn, arazir kam faragha otivamin dughiamɨn, ia zuamɨra ziar ekiam isɨ Ikiavɨra Itir God, ian God, a danɨng.

Jeremaia 13:16 ပူးပေါင်းရင်းမြစ်များ

Aisaia 59:9

Ezɨ gumazamiziba kamaghɨn mɨgei: “O God, e datɨrɨghɨn fo, e arazir kurar kam gami, ezɨ bizir kam bagha nɨ uan guizɨn arazim en akazir puvatɨ. Ezɨ nɨn arazir aghuim, e batozir puvatɨ. E mati, gumazamiziba mɨtarmemɨn iti moghɨn iti. Egha e dughiar aghuim e bativasa, e bar ifuegha a mɨzua iti, mati aruemɨn angazangarim anang e gisiragham. Ezɨ puvatɨ. E mɨtarmer dafamɨn tongɨn arua, egha osɨmtɨzir igharagha garir avɨriba batifi.

Aisaia 8:22

vɨn nguazimɨn gan, egh me bar bizir aghuitamɨn ganighan kogham. Bar puvatɨ. Me osɨmtɨziba ko dughiar kuramra danganiba bar da gan ikiam, mati amɨnirbɨrim bar me avara. Egh me osɨmtɨzim gitavɨragh arɨmangamin tuaviba puvatɨgham.

Aisaia 60:2

Nɨ gan, ghuariar pɨziba nguazir kamɨn danganiba bar da avara. Mɨtater kuram, kantriba bar da modi. Eghtɨ Ikiavɨra Itir God otoghtɨ, an angazangarir gavgavim nɨ bagh izɨ, nɨ gisiraghtɨ gumazamiziba an ganam.

Aisaia 5:30

Eghtɨ dughiar kamɨn, mɨdorozir gumaziba izɨ Judan kantri gasɨghasɨgham, egh me bar pamtemɨn dɨm nɨgɨnir dafam damuam, mati ongarim dɨpɨra iza ongarir dadarim gɨra tɨngazi. Eghtɨ gumazitam ian kantrin kamɨn gantɨ, a bar ikuvightɨ, ghuariar pɨziba aruemɨn angazangarim apazaghtɨ, kantrin kamɨn danganiba bar mɨtarmegham.

Josua 7:19

Ezɨ Josua kamaghɨn Akan mɨgei, “Nan otarim, nɨ datɨrɨghɨn guizbangɨra Ikiavɨra Itir God, a Israelian God, nɨ an damazimɨn mɨtɨgh, egh bizir nɨ amizim datɨrɨghɨn an gun na mɨkɨm. Egh bizitamɨn nan ghuangsɨghan markɨ.”

Jeremaia 23:12

Kamaghɨn amizɨ, tuavir me zuir kam, kɨ a damightɨ a bar apɨghsigham, eghtɨ mɨtatem bar me avaragham. Eghtɨ kɨ bar mɨghɨghvɨra me abɨntɨ me iregham. Kɨ me gasɨghasɨghasa dughiam ginabagha gɨfa, eghtɨ dughiar kamɨn kɨ bar puv me gasɨghasigham. Kɨ Ikiavɨra Itir God, kɨ mɨkemegha gɨfa.”

Jeremaia 4:23

Kɨ Jeremiah kɨ garima, nguazim bar ikuvigha pura itima, bizir aghuitam a gisɨn itir puvatɨ. Ezɨ kɨ overiamɨn gari, angazangaritam an itir puvatɨ.

Onger Akaba 44:19

Nɨ guizbangɨra e abɨra, mati nɨ asɨzir atiaba itir danganimɨn e ataghizɨ, e akurvaziba puvatɨgha uarira iti. Nɨ mɨtarmer bar ekiamɨn e avarazɨ e an aven iti.

Ua Me Ini 10:21

Ezɨ gɨn Ikiavɨra Itir God ua Moses mɨgɨa ghaze, “Nɨ uan dafarim ghufegh overiamɨn amadaghtɨ, mɨtarmer ekiam izɨ Isipɨn nguazim avaragh. Guizbangɨra, mɨtarmer kam an ganganim bar ighara. Nɨ an suighsɨ an suiragham, a bizir mamɨn mɨn mɨtemegha osemegha gavgafi.”

1 Pita 2:8

Egha Godɨn Akɨnafarim uaghan ghaze: “Dagɨar kam a gumazamizibagh amima, me asaghpora daighiri.” Me akam barazir puvatɨ, kamaghɨn amizɨ, me daighiri. God fomɨra fo, bizir kam me bativam.

Jon Osirizir Akar Aghuim 12:35

Ezɨ Iesus kamaghɨn me mɨgei, “Dughiar ovezimɨn angazangarim ian tongɨn ikiam. Datɨrɨghɨn angazangarim ian ikiavɨra iti, ezɨ ia angazangarimɨn aven daru. Puvatɨghtɨ, mɨtatem ia avaragham. E fo, gumazim mɨtatemɨn arui, a fozir puvatɨ, a managh zui.

Jeremaia 14:19

Ezɨ kɨ kamaghɨn Ikiavɨra Itir Godɨn azangsɨsi, “O Ikiavɨra Itir God, nɨ bar akɨrim ragha Judan kantri gasara, o? Nɨ Saionɨn nguibar ekiamɨn gumazamiziba bar me gifongezir puvatɨ, a? Egha nɨ manmaghsua, bar e gasɨghasɨghizɨ, e ua deraghan kogham? E ghaze, e ti deraghvɨra dapiam. Ezɨ puvatɨ, e deragha apiazir puvatɨ. E ghaze, e ti osɨmtɨziba ategh, avughsɨ deravɨra ikiam. Ezɨ puvatɨ, apaniba iza e gamima e bar atiatingi.

Jeremaia 8:15

E ghaze, e deravɨra dapiam, egha e deragha apiazir puvatɨ. Egha e ghaze, ua deraghamin dughiam iti, ezɨ apaniba iza e gamima, e bar atiatingi.

Fofozir Gumazim 11:8

Nɨ nguazir kamɨn itir azenibar, nɨ bar akuegh ikɨ. Egh e azenir avɨribar ikɨ, bizir kaba bakɨnɨghnɨghan kogham, e bar azenir avɨribar, mɨtarmemɨn ikɨ Gumazamizir Oveaghuezibar Nguibamɨn ikiam. Ezɨ bizir gɨn otivamiba, dar mɨngariba mongezɨ e dagh fozir puvatɨgha okam nɨghnɨsi.

Jopɨn Akɨnafarim 3:5

A dughiar kam gamizɨ a bar mɨtarmegha, ghuariar pɨziba overiam avaraghɨva aruemɨn angazangarim bar anepazazɨ, kamaghɨn deraghai.

Onger Akaba 107:10

Ezɨ ian marazi Godɨn Bar Pɨn Itimɨn akam batuegha, egha an akam baraghizir puvatɨ. Kamaghɨn, me kalabusɨn dɨpenimɨn ikia egha mɨtater kuramɨn iti. Men apaniba ainɨn senba isa me ikezɨma me osɨmtɨzir ekiamɨn aven iti.

Onger Akaba 107:14

Ikiavɨra Itir God me inigha men senba fɨrigha, danganir mɨtater kurar kamɨn me inigha azenan ize.

Jeremaia 2:6

Me na gɨnɨghnɨzir puvatɨ. Egha me bizir kɨ men akurvaghasava amiziba dagh nɨghnɨzir puvatɨ. Kɨrara Isipɨn kantrin me inigha men akua ize. Ezɨ me pura danganir dɨpaba puvatɨzir ekiam abɨki. Danganir kam, pura gigir kɨnim an iti, egha mozir konir kuraba tintinibar an iti. A gumazamiziba puvatɨzir danganim ko amoziba izir puvatɨzim. Danganir kam, mɨtater kuram anevara. Gumazamiziba uaghan danganir kam garuir puvatɨgha, uaghan an itir puvatɨ.

Jeremaia 6:21

Kɨ Ikiavɨra Itir God kɨ ghaze, Kɨ gumazamizir kabar amightɨ me asaghpor iregham. Egh ameboghfeziaba, ko boriba, gumazamiziba ko men namakar men boroghɨn itiba sara arɨmɨghiregham.”

Jeremaia 50:6

“Nan gumazamiziba sipsipbar mɨn ovegha iti. Me geghuvir gumaziba me gamima me tuavir aghuim ataki, egha tintinibar mɨghsɨamɨn arui. Me tintinibar mɨghsɨamɨn arua, egha uan avughsir danganir dɨvazim itim gɨn amada.

Esekiel 21:15

Mɨdorozir sabar kam, nan gumazamizibagh amima, me gavgaviba puvatɨgha daghiri. Mɨdorozir sabar kam, onɨmarimɨn mɨn taghtagha nguibar ekiamɨn tiar akamɨn ikia kuaba akunasavɨra gara iti.

Esekiel 34:12

Nan sipsipba tintinibar ghuegha, mɨtarmer ekiamɨn aven iti. Ezɨ kɨ gumazir dagh eghuvimɨn mɨn da akumakum da inigh izam.

Esekiel 36:15

Eghtɨ kantrin igharaziba, Israelɨn mɨghsɨaba dɨpova akar kurabar ua ia mɨkɨman kogham. Ia mɨghsɨaba datɨrɨghɨn, ua men aghumsɨzir akaba baraghan kogham. Egh ia ua uan kantrin gumazamizibar amutɨ, me arazir kuram bangɨn irɨghan kogham. Kɨ Ikiavɨra Itir Godɨn Ekiam, kɨ kamaghɨn mɨkeme.”

Amos 4:13

Ia oragh! Godɨn mɨghsɨabar ingarizim, an amɨnibagh amima, da otiva ivai. Egha a uan nɨghnɨziba isa gumazamizibar akakazima, me dagh fo. Anarɨra amɨnirbɨrim damightɨ an angazangarim otoghamin gavgavim iti. A mɨghsɨabagh isɨn arua nguazir kamɨn danganiba bar dagh ativagha dar gari. An ziam, Ikiavɨra Itir God, a Godɨn Gavgaviba Bar Itim.

Amos 5:18

Ia bar moghɨra kamaghɨn ifonge, Ikiavɨra Itir God Izamin Dughiar Ekiam, a bar zuamɨrama otogham. Iavzika! Ia bizir aghuir manamra dughiar kamɨn an gantɨ an otivam? Ia ti ghaze, dughiar kamɨn amɨnim ti ian tiragham. Bar puvatɨ. Amɨnir bɨrim a ikɨ kamaghɨra ikiam.

Onger Akaba 29:2

Ia Ikiavɨra Itir Godɨn ziar ekiamɨn gun mɨkɨm. Egh an damazimɨn zuegh ikɨ an ziam fɨ.

Aisaia 59:10

Osɨmtɨzir kaba e gamima, e mati gumazir damazir okavɨrɨzibar mɨn tuavim buriagh arui. Egha pura arua ghua dɨpenir bɨrimɨn suighasava amuav avenge. Egha e aruer arɨzimɨn arua mati gumazamiziba mɨtarmemɨn arua, uan sueba isa dagɨabagh asa daghiri. E ghaze, e ti bar gavgavigha deravɨra iti, puvatɨ. E gumazamiziba ariaghirezɨ moghɨn iti.

Joel 2:2

Ikiavɨra Itir Godɨn Dughiar Ekiar kam, a bar mɨtarmegham, eghtɨ ghuariar pɨzir avɨriba overiam apazagham. Odezir bɨzir ekiam, mati mɨdorozir gumazibar bɨzir bar ekiam, zuamɨra mɨghsɨabar otifi, mati amɨnim tiasava amua bar mɨtarmangi. Bizir kamaghɨn garitam fomɨram otozir puvatɨgha iza datɨrɨghɨn, egh bizir kamaghɨn garitam gɨn uam otivan kogham.

Malakai 2:2

Ia na bagh ingangaribar amusɨ, ia guizbangɨra nan ziar ekiam famin ingangaribar amu. Ia nan akaba batogh da baraghan koghtɨ, kɨ Ikiavɨra Itir Godɨn Gavgaviba Bar Itim, kɨ kamaghɨn mɨgei, ia bar ikuvigham. Egh bizir aghuir ia uarir akurvaghasa isiba, kɨ dagh asɨghasigham. Ia ghaze, kɨ ti pura mɨgei, egha nan akaba batosi. Kamaghɨn, kɨ ia gasɨghasigha gɨfa.