Jeremaia 13:15 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁵ Ia Judaba, Ikiavɨra Itir God, ia mɨkemegha gɨfa. Kamaghɨn amizɨ, ia deraghvɨra kuaribar arigh nan akam baragh. Egh ia ifaghatɨ uari fan markɨ.

Jeremaia 13:15 ပူးပေါင်းရင်းမြစ်များ

Akar Mogomem 2:29

“Tina kuarimning iti, an akar Godɨn Duam siosbav geiba baragh.”

Jems 4:10

Ia Godɨn damazimɨn bar uari dɨkabɨragh ikɨ. Ia kamaghɨn damutɨ, God ia fegham.

Amos 7:15

Kɨ uan ingangaribagh amua itima, Ikiavɨra Itir God na inigha kamaghɨn na mɨgei, ‘Nɨ mangɨ nan gumazamiziba Israelia, nan akamɨn me mɨkɨm.’ Kamaghɨn amizɨ, kɨ izi.

Joel 1:2

Ia gumazamizir aruaba, ia oragh. Ia Judan nguazimɨn itir gumazamiziba bar, kuariba arɨkigh. Kɨ datɨrɨghɨn otivir biziba bagh ian azangsɨghasa. Fomɨra bizir kamaghɨn garitam ti ian dughiam ko ian inazir afeziabar dughiamɨn otoz, o puvatɨ?

Jeremaia 26:15

Ezɨ kɨ kamaghsua, ia deraghavɨra kamaghɨn fogh. Bar guizbangɨra, Ikiavɨra Itir God uabɨ na amadazɨ, kɨ iza akar kɨ ia mɨkemezir kabav gei. Eghtɨ ia na mɨsueghtɨ kɨ aremegham, ia kamaghɨn fogh, ia gumazir arazir kuratam gamizir puvatɨzim puram a mɨsueghtɨ an aremeghtɨ, ia an osɨmtɨzim iniam. Eghtɨ osɨmtɨzir kam a nguibar ekiar kamɨn ikɨva, uaghan bar moghɨra nguibar kamɨn gumazamiziba sara ikiam.”

Aisaia 42:23

Ezɨ datɨrɨghɨn ikegh mangɨ, ian te deragh kuariba arigh nan akam baragham?

Aghuzir Akaba 16:5

Ikiavɨra Itir God, gumazir ifaghata uari uan ziaba feba bar men aghua. Ezɨ e kamaghɨn fo, Ikiavɨra Itir God, me ateghtɨ me pura mangeghan kogham. Puvatɨ. A ivezir kuram me danɨngam.

Jeremaia 13:9

“Kɨ Ikiavɨra Itir God, kɨ kamaghɨn mɨgei: Kɨ Judaba ko Jerusalemia uari uan ziaba feir arazim abɨraghtɨ, me inir ikuvizir kamɨn mɨn ikuvightɨ, men ziar ekiam gɨvagham.

Aisaia 1:2

Ikiavɨra Itir God kamaghɨn mɨgei: “O overiam, nɨ kuarim atɨgh, eghtɨ nguazim, nɨ uaghan oragh. Borir kɨ garima ekeveziba, me datɨrɨghɨn nan akaba batosi.