Jeremaia 13:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Kɨ gumazamizir kaba bar me gasɨghasigham, mati gumazim nguazir mɨneba isa uariv sosi da bɨaghiri moghɨn. Men ameboghfeziaba ko, boriba sara kɨ me gɨnɨghnɨgh men apangkuvighan kogham. Bizitam bar nan tuavim apɨrighan kogham. Kɨ Ikiavɨra Itir God, kɨ mɨkemegha gɨfa.’ ”

Jeremaia 13:14 ပူးပေါင်းရင်းမြစ်များ

Godɨn Araziba 29:20

Gumazir kamaghɨn amim, Ikiavɨra Itir God an arazir kuraba gɨn amadaghan kogham. Eghtɨ Ikiavɨra Itir Godɨn anɨngagharim bar an ekevegham, mati avim isia bar puvɨra fei. Eghtɨ bizir kurar akɨnafarir kam mɨkemeziba, da gumazir kam kamaghɨra a bativ mangɨtɨ, Ikiavɨra Itir God anegɨvamin dughiam otoghtɨ, an ziam kuavaremegham.

Onger Akaba 2:9

Nɨ uan agharir gavgavimɨn men suiragh men ganam. Nɨ me abightɨ, me nguazir mɨneba bɨaghiri moghɨn bɨghiregh, mɨzumzuiaribar iregham.”

Jeremaia 21:7

Kɨ Ikiavɨra Itir God kɨ ua kamaghɨn mɨgei. Gumazamizir avɨrim, arɨmariar kaba ko, mɨdorozir kam ko, dagheba puvatɨghamin dughiam bangɨn arɨghiram. Egh gɨn kɨ Atrivim Nebukatnesar ko an mɨdorozir gumaziba ateghtɨ, me Atrivim Sedekaia uan gumazir ekiaba ko gumazamizir ikiavɨra itiba inigh mangam. Apanir kaba Israelia ia mɨsoghtɨ ia aremeghasa bar ifonge. Nebukatnesar kuarkuvim ko, ifongiam ko, apangkuvir arazim tong ian ikeghan kogham. Egh ian tav ateghtɨ, a ikian kogham.’ ”

Jeremaia 6:21

Kɨ Ikiavɨra Itir God kɨ ghaze, Kɨ gumazamizir kabar amightɨ me asaghpor iregham. Egh ameboghfeziaba, ko boriba, gumazamiziba ko men namakar men boroghɨn itiba sara arɨmɨghiregham.”

Aisaia 27:11

Ezɨ temer kabar aguaba mɨsigha gɨvazɨ, dar aguaba dɨpɨraghira nguazim girima, amiziba avibar arɨghasa iza dagh eghufi. Nguibar ekiar kamɨn itir gumazamiziba, me bar onganigha akaba baraghan aghua, kamaghɨn, arazir kam me batifi. Kamaghɨn amizɨ, God, a Godɨn men ingarizim, a men apangkuvir puvatɨgha deragha me gamir puvatɨ.

Mak Osirizir Akar Aghuim 13:12

“Aveghbuaba uarira uari isɨ apanibar anɨngtɨ me me mɨsoghtɨ me arɨmɨghiram. Eghtɨ afeziaba uan boriba uaghan kamaghɨra me damuam. Boriba uan ameboghfeziabar akaba batoghɨva ovengamin arazibar me damutɨ, me arɨmɨghiram.

Matyu 10:21

“Aveghbuaba uarira uari isɨ apanibar anɨngtɨ me me mɨsoghtɨ me arɨmɨghiram. Eghtɨ afeziaba uan boriba uaghan kamaghɨra me damuam. Boriba uan ameboghfeziabar akaba batoghɨva ovengamin arazibar me damutɨ, me arɨmɨghiram.

Esekiel 24:14

Kɨ Ikiavɨra Itir God kamaghɨn mɨkeme, kɨ ia gasɨghasɨghamin dughiam izi. Kɨ a damu, egh ian arazir kuraba ateghan kogham. Egh ian apangkuvighan kogham. Kɨ ia amizir arazir kuraba tuisɨgh, da bagh ivezir kuram ia danɨngam. Kɨ Ikiavɨra Itir Godɨn Ekiam, kɨ kamaghɨn mɨkemegha gɨfa.”

Esekiel 9:10

Ezɨ kɨ men ganɨva tong men apangkuv men asughasughan kogham. Kɨ arazir me igharaz darazigh amizibara, uam da ikarvagh dar me damuam.”

Esekiel 9:5

Ezɨ kɨ orazi God kamaghɨn gumazibav soghamin mɨdorozir sababar suighizir gumazir 6plan kabav gei, “Ia dɨkavigh an gɨn mangɨ nguibar ekiamɨn aven gumazamizibav soghtɨ, me arɨmɨghiregh. Egh men tavɨn apangkuvigh aneteghtɨ an angamɨra ikian markɨ.

Esekiel 8:18

Kamaghɨn amizɨ, kɨ bar pazɨvɨra me damigham. Egh uan anɨngagharim anegɨvagham. Kɨ tong men apangkuv men asughasughan kogham. Me pamtem nan dɨmɨva arangam, eghtɨ kɨ bar me bareghan kogham.”

Esekiel 7:9

Kɨ ian gan egh ian kuarkuvighan kogham. Ia arazir kurar kɨ ifongezir puvatɨzir avɨribagh ami. Arazir kaba bangɨn, kɨ ivezir kuram isɨ ia danɨngam. Eghtɨ ia bizir kamɨn ganigh, fogh suam, kɨ Ikiavɨra Itir God, kɨ bizir kurar kaba amada.

Esekiel 7:4

Kɨ ian gan egh ian kuarkuvighan kogham. Ia arazir kurar kɨ ifongezir puvatɨzir avɨribagh ami. Arazir kaba bangɨn, kɨ ivezir kuram isɨ ia danɨngam. Eghtɨ ia bizir kamɨn ganigh fogh suam, kɨ Ikiavɨra Itir God.

Jeremaia 48:12

Ezɨ kɨ Ikiavɨra Itir God, kɨ guizbangɨra mɨgei: Kɨ dughiar mam amɨsefe, ezɨ dughiar kamɨn kɨ gumazitaba amadaghtɨ me izɨ Moapia gasɨghasɨgham, mati gumaziba iza wainɨn kam nguazir kamɨn a ingegha, wain ruir mɨneba abɨagharɨki.

Jeremaia 47:3

Eghtɨ hoziaba ivemar izɨtɨ, dar suer puziba puvɨra nguazim mɨsogh tɨngaghɨtɨ, me da baragham. Eghtɨ me karisbar nɨgɨnim baraghtɨ da puvɨra ivemartɨ, dar wilba pamtemɨn tɨngagham. Eghtɨ gumazamiziba bar puvɨram atiatingɨva, aregham. Eghtɨ ameboghfeziaba onganigh uan boribagh nɨghnɨghan koghɨva, me mɨzuamighan kogham.

Jeremaia 16:5

“Kɨ Ikiavɨra Itir God, kɨ ua kamaghɨn mɨgei: Nɨ gumazir ovevem gɨbua itibar pɨzir isam bagh, men dɨpenimɨn mangan markɨ. Gumazamizir kaba, kɨ ua deragh men apangkuv me damu navir amɨrizim me ko a inian aghua. Kamaghɨn, nɨ me bagh azirakar ighiabar amuan markɨ. Kɨ Ikiavɨra Itir God, kɨ kamaghɨn mɨkemegha gɨfa.

1 Samuel 14:16

Dughiar kamɨn, mɨdorozir gumazir Sol Gibean nguibar ekiamɨn ganasa mɨseveziba, me ghua saghon mar garima, Filistiabar gumaziba onganizɨ moghɨn tintinibar ivemaragha arui.

Jopɨn Akɨnafarim 27:22

Amɨnir kam uan gavgavir ekiam sara me givai, ezɨ me arɨ mangasa pamtemɨn ingari.

Jeremaia 15:5

Ikiavɨra Itir God kamaghɨn dɨagha ghaze: “O Jerusalemɨn gumazamiziba, tina ian apangkuvigham? Eghtɨ tina ia bagh aziam? Eghtɨ tina ian kuarkuv ia gɨfofogham, ia deragha iti o puvatɨ? Gumaziba puvatɨ.

Hosea 2:4

An boriba, me tuavimɨn amizim otezir boribar mɨn iti. Kamaghɨn amizɨ, kɨ an boribar apangkuvan kogham.

Sekaraia 11:6

Ikiavɨra Itir God kamaghɨn mɨgei, “Kɨ nguazimɨn gumazamizibar apangkuvighan kogham. Kɨ uabɨ vaghvagh me isɨ men atriviba ko, men adarazir agharibar arɨgham. Eghtɨ me pazavɨra me damuam, mati sipsipɨn ghuaviba uari pazavɨra me gami. Atriviba ko, men adarazi pazavɨra me damutɨ, kɨ men akuraghan kogham.”

Jeremaia 15:6

Kɨ Ikiavɨra Itir God, kɨ guizbangɨra mɨgei, ia akɨrim na gasaragha bar nan saghon iti. Ezɨ kɨ uabɨ uan agharimɨn ian mɨsogh, ia gasɨghasɨghasava ami. Kɨ dughiar avɨribar ian apangkuva ghua, datɨrɨghɨn kɨ aghua.

Jeremaia 25:16

Eghtɨ kɨ apaniba ameghtɨ, me, me mɨsoghɨva, me gasɨghasigham, kamaghɨn me mati, me wainɨn dɨpar kabar amegh gɨvagh, gumazir onganibar mɨn otivigh, bar pazɨvɨra daruam.”

Esekiel 7:3

Ia Israelia, ian dughiar abuananam otogha gɨfa. Eghtɨ kɨ datɨrɨghɨn uan anɨngagharim ia bagh anemadagh, ia amizir araziba tuisɨgham. Egh arazir kurar kɨ ifongezir puvatɨzir avɨriba ikarvagh ivezir kuram ia danɨngam.