Jeremaia 12:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ezɨ Ikiavɨra Itir God na ikaragha ghaze: “Jeremaia, osɨmtɨzir nɨ datɨrɨghɨn isir kam, a gɨn otivamin osɨmtɨzim mɨn garir puvatɨ. Nɨ gumaziba ko ia tuavimɨn ivemar, nɨ me gitavɨraghsɨ damuva avegham, nɨ avɨghaghegham, egh nɨ manmaghɨn hoziaba ko ivemaram? Nɨ nɨmɨra uan kantrin aven danganir azentuzimra deragh ikɨ, nɨ manmaghɨn mangɨ Jordanɨn Fanemɨn boroghɨn itir ruarir averiamɨn ikiam?

Jeremaia 12:5 ပူးပေါင်းရင်းမြစ်များ

1 Pita 4:12

Nan namakaba, osɨmtɨzir kam avimɨn mɨn ia tuivigh gavgavighasa ia batifi. Eghtɨ ia dɨgavir kuram damuan markɨ, egh suam, bizir igharagha gariba e batifi.

Aghuzir Akaba 24:10

Dughiar kuram nɨ batoghtɨ, nɨn agharir suiaba amɨraghtɨ, nɨ guizbangɨra gavgaviba puvatɨgham.

Jeremaia 50:44

“Mati laionba sipsipbagh ami moghɨn, kɨ zuamɨra Babilonia men nguazimra me batuegham. Laion Jordanɨn Fanemɨn boroghɨn itir ruarir pɨzimɨn ikegha, otogha ghua sipsipba graziba apa itir danganir aghuimɨn men agɨntɨsi. Ezɨ kɨ gumazitam amɨseveghtɨ, a nguazir kam gativagh an ganam. Kɨ kamaghɨn damuamin dughiamɨn, gumazir manam na ko ga akamɨn uaning mɨsogham? Ezɨ tina nan mɨn gavgavir kam iti? Eghtɨ gumazir sipsipbar garir manam na ko apanim damuam? Bar puvatɨgham.

Jeremaia 49:19

Kɨ zuamɨra Idomian nguazimɨn me batuegham, mati laionba sipsipbagh ami mokɨn. Laion Jordanɨn Fanemɨn boroghɨn itir ruarir pɨzimɨn ikegha otogha ghua, sipsipba graziba apa itir danganir aghuimɨn men gɨntɨki. Ezɨ kɨ gumazitam amɨseveghtɨ, a nguazir kam gativagh an ganam. Kɨ kamaghɨn damuamin dughiamɨn, gumazir manam na ko ga akamɨn uaning mɨsogham? Ezɨ tina nan mɨn gavgavir kam iti? Eghtɨ gumazir sipsipbar garir manam na ko apanim damuam? Bar puvatɨgham.

Aghuzir Akaba 3:11

Nan borim, Ikiavɨra Itir God arazir kurar manam bagh nɨ akɨrtɨ, nɨ osɨmɨva egh ataran markɨ.

Josua 3:15

Dughiar kam, me dagher igiaba asir dughiam, ezɨ Jordanɨn Fanem aperiar bar ekiaba otifi. Ezɨ ofa gamir gumaziba ghua faner mɨriamɨn otivigha, uan dagariba isa dɨpam gaghui.

Jeremaia 36:26

Egha atrivim uan otarim Jeramel ko, Asrielɨn otarim Seraia, ko Apdelɨn otarim Selemia, akar gavgavimra me ganɨga ghaze, Ia mangɨ Godɨn akam inigha izir gumazim Jeremaia ko akɨnafariba osirir gumazim Baruk, aningɨn suiragh. Ezɨ Ikiavɨra Itir God aning modozɨ, me aningɨn apizir puvatɨ.

1 Eghaghaniba 12:15

Azenir mamɨn, an iakɨnir faragha zuimɨn, mɨdorozir gumazir kabara, Jordanɨn Fanemɨn aperiar ekiam abigha vongɨn ghue. Dughiar kamɨn, me aruem anadi naghɨn ko aruem uaghiri naghɨn gumazamizir danganir zarimɨn boroghɨn itibav sogha men gɨntɨsi. Ezɨ gumazamiziba tintinibar are.

Jeremaia 11:21

Kɨ orazi Anatotɨn nguibamɨn gumazir maba na mɨsueghtɨ, kɨ aremeghasa kamaghɨn na mɨgɨa ghaze, “Nɨ Ikiavɨra Itir Godɨn ziamɨn uam akatam mɨkɨman markɨ. Nɨ ua tam mɨkɨmtɨ, e nɨ mɨsueghtɨ nɨ aremegham.” Ezɨ Ikiavɨra Itir God, nan dɨmdiam baregha kamaghɨn na mɨgei,