Jeremaia 12:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Gumazamizir kaba arazir kurabagh ami. Egha uaghan me ghaze, “Bizir e bativamin kaba, Jeremaia bar dar ganighan kogham.” Kamaghɨn amizɨ, nɨ gumazamizibar arazir kurabar osɨmtɨziba ikarvagha nguazim gamizɨ, an aghazagharizɨ, graziba bar mɨsɨngi. Ezɨ asɨziba ko kuaraziba tintinibar ariaghiri. Ezɨ kɨ nɨn azai, Nɨ dazoghɨn bizir kam agɨvaghtɨ, nguazim ua deragham?

Jeremaia 12:4 ပူးပေါင်းရင်းမြစ်များ

Jeremaia 9:10

Kɨ Jeremaia, kɨ garima, Mɨghsɨaba ko tuziba itir danganiba, me bar adagh apongegha dagh asɨghasɨghizɨ gumazamiziba ua dagh aruir puvatɨ. Ezɨ bulmakaubar arareba puvatɨzɨ, kuarazibar arareba ua dar otivir puvatɨ. Kamaghɨn kɨ dagh nɨghnɨgha puvɨrama azi. Kɨ da bagha osemegha azir akam bange.

Jeremaia 4:25

Ezɨ kɨ tintinibar gara gumazitamɨn apizir puvatɨ. Ezɨ kuaraziba mɨgha tintinibar bar ghue.

Onger Akaba 107:34

Egha nguazir dagheba deragha aghuim gamizɨ, a ragha otogha amangsɨzir nguazimɨn otozɨ bizitam bar an otogha aghuir puvatɨ. Nguazir kamɨn itir gumazamiziba arazir kurabagh ami, kamaghɨn, Ikiavɨra Itir God osɨmtɨzir kaba me ganɨngi.

Akɨnafarir Pol Romɨn Nguibar Ekiamɨn Itir Sios Bagha Osirizim 8:22

E fo, bizir God ingariziba bar moghɨra, mati amizim borim batasa mɨzazim isi moghɨn, da mɨzazim isi. Egha da bar puv tuava ara, iza datɨrɨghɨn oto.

Hosea 4:3

Kamaghɨn amizɨ, nguazir kam osɨmtɨzim ikia mɨsigham. Ezɨ nguazimɨn itir gumazamiziba, ko an itir biziba bar, kar asɨziba ko, kuaraziba, ko, osiriba, da bar arɨmɨghiregham.’ ”

Jeremaia 23:10

Nguibar kamɨn gumazamizir avɨrim Ikiavɨra Itir God ataki, egha amiziba ko gumaziba uan paba ko amuiba ataghɨragha, tintinibar uari isava akui. Gumazamiziba zurara tuavir kurabar gɨn zui, egha me uan gavgaviba isa puv arazir kuramra anɨga, gumazamizir igharaziba paza me gami. Kamaghɨn amizɨ, Ikiavɨra Itir God, uan akamɨn gɨn ghua nguazir kam gasɨghasɨki. Ezɨ graziba bar mɨsiga gɨfa, ezɨ nguazim azi. Kɨ Ikiavɨra Itir God, kɨ mɨkemegha gɨfa.”

Jeremaia 7:20

Kamaghɨn, kɨ Ikiavɨra Itir God, men Ekiam, kɨ uan anɨngagharim bar a isɨ nguibar ekiar kamɨn gumazamiziba, ko asɨziba, ko temeba, ko dagheba, kɨ bar me gingegham. Nan anɨngagharim avir ekiamɨn mɨn irɨtɨ tav anemungeghan kogham.”

Habakuk 3:17

Eghtɨ fighɨn temeba ban koghtɨ, wainɨn ikarɨziba, wainɨn ovɨziba dar ituan koghtɨ, olivɨn temeba, ovɨziba dar ituan koghtɨ, azenimɨn dagheba puvatɨghtɨ, sipsipba bar arɨmɨghireghtɨ, bulmakaubar dɨpenim pura ikɨtɨ, eghtɨ kɨrara Ikiavɨra Itir God bagh bar akongegham. Kɨ fo, God, a uamategh na iniam. Kamaghɨn amizɨ, osɨmtɨzir kaba otivamin dughiamɨn, kɨ bar akuegh navir amɨrizimɨn ikiam.

Jeremaia 5:31

Kɨ garima, akam inigha izir gumaziba, uari uan akaba akuri, egha gumazamizibagh ifari. Ezɨ ofa gamir gumaziba, gumazamizibagh ativagha akam inigha izir gumazibar akar ifavarir kabar gɨn zui. Ezɨ nan gumazamiziba arazir kam bar a gifonge. Kɨ mɨzazir kuram ia gaseghtɨ ian arazir kurar kam gɨvagham. Eghtɨ dughiar kamɨn men tinara ian akuragham?”

Jeremaia 14:2

Judan kantrin gumazamiziba bar osɨmtɨzir ekiamɨn ikia azi. An nguibabar aven itir gumazamiziba bar pazavɨra iti. An gumazamiziba tintinibar nguazim girav ikia puvɨram azima, men azirakam Jerusalemɨn nguibamɨn ikegha, nan kuarim bagha ghuavanadi.

Jeremaia 5:13

Guizbangɨra, akam inigha izir gumaziba akar kabar e mɨgei. Ezɨ men akar kabar mɨngariba puvatɨ, da mati amɨnim ivai. Ikiavɨra Itir God, akatam me ganɨngizir puvatɨ. Kamaghɨn, bizir manam me a mɨgei, bizir kamra ua ragh maghɨra me gasɨghasɨgham.”

Onger Akaba 50:21

Ia bizir kabagh amima, kɨ akam akarigha bizitam mɨgeir puvatɨ. Ia ghaze, kɨ ti ia ko e magh ghue? Bar puvatɨ. Kɨ datɨrɨghɨn ia isɨ kot datɨgh azenara ian guabar ian atarɨva akam ia gasam.

Jeremaia 12:11

Eghtɨ nguazir kam pura ikɨtɨ, gumazamiziba an puvatɨgham. A dɨpaba puvatɨzir danganimɨn mɨn otogham. Eghtɨ nguazim ikɨva azitɨ, kɨ a baragham. Eghtɨ nguazir kamɨn itir gumaziba, ua a gɨnɨghnɨghan kogham.

Joel 1:18

Graziba puvatɨzɨ, bulmakaun okoruaba mɨtiriam puvɨra men azi, kamaghɨn amizɨ, me arai, egha dar okoruaba pura tintinibar aruava ongani. Ezɨ sipsipɨn okoruaba uaghan mɨtiriam men azi, ezɨ me aghariba gunigha bar amɨra.

Amos 1:2

Amos kamaghɨn mɨgei: “Ikiavɨra Itir God, Jerusalemɨn nguibar ekiamɨn Saionɨn Mɨghsɨamɨn iti. Egha an azenan iza pamtemɨn dɨa dagarvasi. Ezɨ grazir aghuariba ko, Karmelɨn Mɨghsɨamɨn orazimɨn itir terafariba bar mɨsɨngi.”

Sekaraia 1:12

Ezɨ Ikiavɨra Itir Godɨn enselɨn faraghavɨra zuim kamaghɨn mɨgei, “O Ikiavɨra Itir Godɨn Gavgaviba Bar Itim, nɨ 70plan azenibar Jerusalem ko, Judan nguibar ekiaba bagha atara navim bar nɨn ikufi. Nɨ bar dughiar manamra ua men apangkuvigham?”

Aisaia 24:4

Nguazir bar mɨsɨngigha, an gavgavim gɨfa, ezɨ an azirakar amɨrizibagh ami. Ezɨ gumazamizir ziaba itiba, men gavgaviba uaghan gɨfa.

Aisaia 24:6

God men arazir kurabar osɨmtɨzim bangɨn mɨkemezɨ, dughiar bar kuram nguazimɨn otozɨ, gumazamizir bar avɨrim, avir ekiam men isigha gɨfa, ezɨ bar varazira iti. A kamaghɨn damightɨ, gumazamiziba uan arazir kurabar osɨmtɨziba ateram.

Jeremaia 9:9

Bar guizbangɨra, kɨ gumazamizir kabar arazir kuraba ikarvaghɨva, bar me gasɨghasigham. Kɨ Ikiavɨra Itir God, kɨ mɨkemegha gɨfa.”