Jeremaia 12:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Ia Israelia witɨn ovɨziba oparigh, da iniamim dughiamɨn, ia benir dɨkonibar gantɨ darara ikiam. Ia pura ingangarir mɨtɨabagh amua bizir muziaribara isi. Kɨ Ikiavɨra Itir God, nan anɨngagharim ian ikiavɨra iti, kamaghɨn ia witɨn ovɨzir muziariba bangɨn aghumsɨgham.”

Jeremaia 12:13 ပူးပေါင်းရင်းမြစ်များ

Hagai 1:6

Ia dagher avɨriba oparigha, dar dagher avɨriba isir puvatɨ. Ia apava izevir puvatɨ. Ia dɨpaba apava, kuariba ian pɨravɨra iti. Ia korotiaba ikia da aghuava, arugharughvɨra ikiam. Gumazir dagɨaba bagha ingara da isiba, da zuamɨra gefi, mati ia da isa dagɨavtarir toriba itibagh azui.

Maika 6:15

Ia azeniba oparɨva, dar daghetam inighan kogham. Egh ia olivɨn ovɨziba dɨkabɨn da mɨrmɨr, egh olivɨn borer tam uan mɨkarzim daghuighan kogham. Egh ia wainɨn ovɨziba dɨkabɨn da mɨrmɨr, egh wainɨn dɨpatam ameghan kogham.

Godɨn Araziba 28:38

“Ia dagher ovɨzir avɨriba oparam, eghtɨ odeziba da agɨvtɨ ia dar ovɨzir vabara iniam.

Aisaia 55:2

Manmagh amizɨ, ia ingangarir dafam gamua uan dagɨaba isa pura bizir ian akurvazir puvatɨziba bagha da agefi, ezɨ mɨtiriaba ian aghavɨra iti? Ia kuariba arigh deravɨra nan akam baragh, kɨ mɨkemezɨ moghɨn damu, egh dagher guar aghuir avɨrir kɨ ia ganɨngiziba izɨvagham. Dagher kaba bar isɨngigh gavgavim ia danɨngam.

Ofa Gami 26:16

kamaghɨn kɨ bizitamɨn ia damuam. Kɨ zuamɨra ia damightɨ, ia bar ikuvigh bar atiatigham. Kɨ ia damutɨ, ia arɨmariar bar ekiaba iniva, ian mɨkarziba puv fengtɨ, ian damaziba okavightɨ, ian mɨkarziba nɨmɨra su magɨrɨ mangɨ bar ikuvigham. Ia azenibar dagheba opar, egh ia dar daghebar aman kogham. Apanibara, da ini dar amam.

Habakuk 2:13

Ia kantriba dɨkabɨragha, men gumazamiziba isa kalabuziam garɨki, ezɨ me bar ingangarir dafamɨn ian bizibagh ami. Eghtɨ avim bizir kaba bar dar isightɨ, ingangarir me amizir kabar dagheba puvatɨgham. Guizbangɨra, Ikiavɨra Itir Godɨn Gavgaviba Bar Itim, bizir kam damightɨma an otogham.

Jeremaia 4:26

Ezɨ kɨ ua garima, fomɨra nguazir otevir biziba bar deravɨrama aghuiba, da datɨrɨghɨn dɨpaba puvatɨzir danganir kɨnibar otifi. Ezɨ nguibar ekiar nguazir kamɨn itiba bar ikufi. Kar Ikiavɨra Itir Godɨn anɨngagharim bar ekevegha, bizir kabagh amizɨ da otifi.

Akɨnafarir Pol Romɨn Nguibar Ekiamɨn Itir Sios Bagha Osirizim 6:21

Ia faragha amir arazibagh da akurvazir manabar ia gami? Arazir kaba, ia datɨrɨghɨn dagh nɨghnɨgha aghumsɨsi. Arazir kabara gumazamizibagh amima me ariaghiri.

Ofa Gami 26:20

Eghtɨ dagheba ian nguazimɨn otivan koghtɨ, ian temeba ban kogham. Kamaghɨn, ia kamaghɨn fogh suam, ian ingangarir ekiam pura mangɨ gɨvagham.

Jeremaia 9:5

Gumazamiziba bar moghɨra uan adarazigh ifara, egha guizɨn bizitam mɨgeir puvatɨ. Men mɨzeba ifavarir arazim bar a gɨfozɨ, me arazir kurar kam gamua ghuavɨra iti. Me uarigh ifarir arazir kam, uarira uarir akakasi. Egha me uan navibagh iraghan aghua.

Jeremaia 17:10

Kɨ Ikiavɨra Itir God, kɨrara, kɨ gumazamizibar navir averiaba ko men nɨghnɨziba aven men gari. Egha vaghvagha gumazamizibar araziba tuisɨgha, me amir arazaraziba bar da ikarvagha ivezim me ganɨdi.”

Onger Akaba 78:62

A uan gumazamizibar atara, me ataghizɨ men apaniba me mɨsoghezɨ me ariaghire.

Hosea 8:7

Men arazir kuram, mati pura amɨnir muziarim, eghtɨ arazir kurar kamra, gumazamizibagh asɨghasɨgham, mati amɨnir ekiam iza gumazamizibagh asɨghasɨsi. Egha mati witɨn azenir dagheba mɨsevir puvatɨzim, ezɨ bretbar ingaramin witba puvatɨ. Eghtɨ witɨn kurar kam dagher bar muziariba mɨseveghtɨ, kantrin igharazimɨn gumazamizibara izɨ dar amam.

Hagai 1:9

“Ikiavɨra Itir Godɨn Gavgaviba Bar Itim ghaze, Ia nan Dɨpenim ataghizɨ a ikuvigha itima, ia uari uan dɨpenibar ingarigha arui. Kamaghɨn amizɨ, ia uan azenibar dagher ekiataba inisɨ damuva avegham. Ia dagher muziarir kaba inigh agheghtɨ, kɨ dagh iveraghtɨ da zuamɨra gevegham.