Jeremaia 12:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Eghtɨ apanir avɨriba otivigh, gumazamiziba puvatɨzir danganir mɨghsɨabar tuavimɨn izɨ, biziba bar dagh asɨghasɨgham. Guizbangɨra, kɨ Ikiavɨra Itir God, kɨ apanibar amutɨ, me ian kantrin otevir mamɨn ikegh, mangɨ otevir igharazimɨn gumazamiziba bar me gasɨghasɨgham. Eghtɨ gumazitam ua deragh ikian kogham.

Jeremaia 12:12 ပူးပေါင်းရင်းမြစ်များ

Amos 9:4

Apaniba me inigh saghon mangɨ kalabusɨn mɨn me atɨghtɨ, kɨ apanibav kemeghtɨ, me me mɨsueghtɨ me arɨghiregham. Kɨ men akurvaghan aghua, kɨ bar moghɨra me gasɨghasɨghasa.”

Jeremaia 47:6

Ia kamaghɨn dɨa ghaze, ‘O Ikiavɨra Itir Godɨn mɨdorozir sabam, nɨ manadɨzoghɨn e gasɨghasɨzir ingangarir kam ategham? O mɨdorozir sabam, nɨ uamategh uan asuamɨn aven magɨrɨ. Nɨ ingangarir kam ategh avughsɨ.’

Esekiel 14:17

“Egh kɨ maghsuegh, mɨdorozir sababar suighizɨ apaniba kantrin kam bagh me amadaghtɨ, me izɨ gumazamiziba ko asɨziba uaghan bar me kuavaremegham.

Aisaia 34:6

Eghtɨ Idomian ghuzim ko ovim, Ikiavɨra Itir Godɨn mɨdorozir sabam bar anegɨragɨrigham, mati sipsip ko memen ghuzim ko ovim, gumaziba ofa damuasa dav sozi men ghuziba ko ovim men dafariba agɨragɨri. Ikiavɨra Itir God kantri Idomɨn aven Bosran nguibar ekiamɨn, gumazamizir bar avɨrim mɨsueghtɨ me arɨmɨghiregham. Mati a uabɨ Bosran ikɨ ofan bar dafam damuam.

Akar Mogomem 6:4

Ezɨ hoziar igharazim azenan izi, an aghefe. Me gavgavim hoziar kam gaperazir gumazim ganɨngi, kar gavgavir nguazimɨn gumazamizibar dughiar aghuim a gɨvamim, eghtɨ gumaziba igharaz daraziv soghtɨma me arɨmɨghiram. Ezɨ me mɨdorozir sabar ekiar mam ingangarir kam damuasava a ganɨngi.

Sefanaia 2:12

O Itiopian gumazamiziba, ia uaghan Ikiavɨra Itir God mɨdorozimɨn aven ia mɨsoghtɨ ia arɨmɨghiram.

Esekiel 5:2

Egh 390plan aruebar gɨn ivezir kurar kam gɨvaghtɨ nɨ dɨkafigh. Eghtɨ arazir kam kamaghɨn Israelian akagham, apaniba Jerusalem inigha gɨfa. Nɨ dɨkavigh uan arɨzir pozir faragha itim inigh, Jerusalemɨn akazir ababanim gamir brighɨn kam gisɨn datɨgh, a daboroghtɨ a isi. Egh arɨzir pozir namba 2 inigh, brighɨn kamɨn mɨriam daruva da akun, uan mɨdorozir sabamɨn tintinibar ada aghor mangɨ. Egh arɨzir pozir namba 3 inigh da akunightɨ, amɨnim da ater tintinibar mangɨ. Eghtɨ kɨ uan mɨdorozir sabam inigh arɨzir kabar gɨntɨgh mangam.

Jeremaia 48:2

Moapɨn ziar ekiam a iraghugha gɨfa. Apaniba Hesbonɨn nguibamɨn otifi, egha me Moapia gasɨghasɨghamin arazimɨn akam mɨsosi. Me kamaghɨn mɨgei, ‘Aria, e mangɨ gumazamizir kaba bar me agɨvaka, eghtɨ Moapɨn kantri ua ikian kogham.’ Ia Matmenia, apaniba bar ia gasɨghasɨghtɨ, ia matmatɨn mangam.

Jeremaia 34:17

“Ezɨ bizir kam bagha, kɨ Ikiavɨra Itir God, kɨ kamaghɨn mɨkeme: Ia nan akamɨn gɨn zuir puvatɨ, egha ia aveghbuar kaba ko namakaba, ia ategh mangasa, ia me mɨkemezir puvatɨ. Egh ia oragh. Kɨ Ikiavɨra Itir God, kɨ kamaghɨn mɨkeme: kɨ ia ateghtɨ ia uari pura mangam. Guizbangɨra, ia pura mangɨ aremegham. Apaniba ian taraziv sueghtɨ ia arɨmɨghiregham, eghtɨ tarazi arɨmariar kuraba iniva arɨghiram, eghtɨ tarazi dagheba puvatɨgh arɨghiram. Ezɨ Kantrin Igharazibar Gumazamiziba bizir kɨ ia gamizibar akam baregh, atiating dɨgavir kuram damigham.

Jeremaia 15:2

Eghtɨ me ti kamaghɨn azangam, ‘E managhɨra mangam?’ Eghtɨ nɨ me mɨkɨm suam: “Kɨ Ikiavɨra Itir God kɨ kamaghɨn mɨgei: Men gumazamizir kɨ arɨmariar kuramɨn arɨmɨghirasa amɨseveziba, me arɨmariar kuraba iniam. Eghtɨ gumazamizir kɨ mɨdorozir sabamɨn ovengasa amɨseveziba, me mangɨ mɨsogh arɨmɨghiram. Eghtɨ gumazamizir dagheba otevegh arɨmɨghiran kɨ mɨseveziba, me dagheba puvatɨghɨva arɨmighiram. Eghtɨ gumazamizir mangɨ nguibar igharazimɨn kalabusɨn ikiasa kɨ mɨseveziba, me mangɨ nguibar igharazibar kalabusɨn ikiam.

Jeremaia 3:2

Ia kogh mɨghsɨabar ganɨva deraghvɨra nɨghnɨgh. Ia mɨghsɨar kabanangɨn, ti dar tam gisɨn gumaziba ko amiziba uari isava akuir arazim gamizɨ moghɨn, asebar ziaba fez, o? Puvatɨ, ia mɨghsɨabar vaghvagha arazir kam gami. Ia aseba baghavɨra iti, mati tuavimɨn amizim, tuavir mɨriabar apiav ikia gumaziba bagha gari. Egha uaghan mati Arebiabar mɨn gumazamiziba puvatɨzir danganibar mogav ikia gumazibar biziba okɨmasa me mɨzua iti. Ia mati amizim gumaziba isa me koma akuir arazir kuram gami moghɨn, uan nguazim gamizɨ, a nan damazimɨn bar mɨze.

Aisaia 57:21

Nan God kamaghɨn mɨgei, “Gumazamizir arazir kurabagh amiba, me navir amɨrizim ko dabirabir aghuim batoghan kogham.”

Ofa Gami 26:33

Kɨ apaniba amadaghtɨ, me ia mɨsogh ia batueghtɨ ia tintinibar kantrin igharazibar mangegham. Eghtɨ ian nguazim uaghan gumazamiziba puvatɨgh pura ikiam, eghtɨ nguibar ekiaba ikuvigh ikiam.

Godɨn Araziba 32:42

Na ko mɨsoghamin gumaziba, kɨ bar me gasɨrarightɨ, men ghuziba nan afuzibar emɨr magɨram. Eghtɨ kɨ uan mɨdorozir sabam inigh apanibar namnabar ghoram. Kɨ apanir gumazir kalabusɨn itiba, bar me mɨsoghɨrarigham, egh apanir dapanir arɨzir ruariba itiba kɨ bar men fɨribar ghoreghtɨ, men dapaniba iregham.’

Jeremaia 3:21

Gumazamiziba orazi, nɨgɨnir dafam mɨghsɨabagh isɨn otifi. Kar Israelian gumazamizir arazir kurabagh amiba puvɨram arava azia ikia, uarir apangkuvighasa azangsɨghavɨra iti. Me fo, me Ikiavɨra Itir God, men God, me anetegha tuavir kurar igharazimɨn ghue. Kamaghɨn me pamtem azi.

Jeremaia 4:27

Egha Ikiavɨra Itir God, kamaghɨn mɨgɨa ghaze, “Kɨ bizir kabar amightɨ da otivasa uan nɨghnɨzim gamigha gɨfa. Egh kɨ ua uan nɨghnɨzim giraghan kogham. Nguazir kam, kɨ a damightɨ a mangɨ bar danganir kɨnimɨn otogham. Egh kɨ bar a gasɨghasighan kogham. Eghtɨ bizir mɨngarir kam bagh, nguazim azirakar onger akabar amutɨ, overiam pɨn pɨghatomegham.”

Jeremaia 16:5

“Kɨ Ikiavɨra Itir God, kɨ ua kamaghɨn mɨgei: Nɨ gumazir ovevem gɨbua itibar pɨzir isam bagh, men dɨpenimɨn mangan markɨ. Gumazamizir kaba, kɨ ua deragh men apangkuv me damu navir amɨrizim me ko a inian aghua. Kamaghɨn, nɨ me bagh azirakar ighiabar amuan markɨ. Kɨ Ikiavɨra Itir God, kɨ kamaghɨn mɨkemegha gɨfa.

Jeremaia 25:11

Eghtɨ nguazir kam bar ikuvigh danganir kɨnim otogham. Eghtɨ 70plan azenibar, nan gumazamizir kaba, Babilonɨn atrivimɨn ingangarir gumazir kɨnibar ikiam.

Jeremaia 30:5

“Kɨ Ikiavɨra Itir God, kɨ kamaghɨn mɨkeme: E orazima, gumazamiziba navir amɨrizimɨn itir puvatɨgha, bar atiatia dɨgavir kuram gamua bar puvɨram azi.

Jeremaia 46:10

“Isipia kamaghɨn mɨkemegha gɨfa. Ezɨ mɨdorozir kam, kar Godɨn Gavgaviba Bar Itimɨn bizim. A en Ekiam. Egha dughiar kamɨn a uan apaniba ivezir kuram me ikarvasi. Mɨdorozim bar gavgavizɨ, gumaziba pura tintinibar ariaghiri. Mati mɨdorozir sabam mɨtiriam puv an azima, a gumazibar mɨkarziba ko ghuziba apava, bar izɨfa. Ikiavɨra Itir Godɨn Gavgaviba Bar Itim, gumazamizir kabav soghezɨ me ariaghire. Egha mati, a uabɨ notɨn amadaghan, Yufretisɨn Fanemɨn boroghɨn ofa gami.”

Esekiel 21:4

Guizbangɨra, kɨ ian gumazamizir aghuiba ko kuraba uaghara me mɨsoghsɨ sautɨn amadaghan ikegh uan mɨdorozir sabamɨn me mɨsogh mangɨ notɨn amadaghan tugham.

Esekiel 21:28

Ikiavɨra Itir Godɨn Ekiam ua kamaghɨn mɨgei, “O nguazir kamɨn gumazim, nɨ gɨn otivamin bizimɨn gun Amonian mɨkɨm. Gumazir kaba akar kurabar Israelia mɨgɨa akaba me gasi. Eghtɨ nɨ me mɨkɨm suam: “Mɨdorozir sabar mam, me an mɨsevimɨn anesizɨ a gumazibagh asɨghasɨghasava ami. Me gumazamiziba mɨsoghɨrarɨghasa borem a gaghuizɨ a zuegha onɨmarimɨn mɨn taghtasi.

Jeremaia 8:15

E ghaze, e deravɨra dapiam, egha e deragha apiazir puvatɨ. Egha e ghaze, ua deraghamin dughiam iti, ezɨ apaniba iza e gamima, e bar atiatingi.

Esekiel 21:8

Egha Ikiavɨra Itir God ua kamaghɨn na mɨgei,

Esekiel 21:9

“O nguazir kamɨn gumazim, nɨ gɨn izamin bizimɨn gun gumazamizibav kɨm suam: “Ekiam kamaghɨn mɨgei: Mɨdorozir sabar mam iti, mɨdorozir sabar kam me anemɨnezɨ a bar ghumigha iti. Me uaghan borem a gaghuizɨ a bar zuegha taghtasi.