Jeremaia 12:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Eghtɨ nguazir kam pura ikɨtɨ, gumazamiziba an puvatɨgham. A dɨpaba puvatɨzir danganimɨn mɨn otogham. Eghtɨ nguazim ikɨva azitɨ, kɨ a baragham. Eghtɨ nguazir kamɨn itir gumaziba, ua a gɨnɨghnɨghan kogham.

Jeremaia 12:11 ပူးပေါင်းရင်းမြစ်များ

Jeremaia 23:10

Nguibar kamɨn gumazamizir avɨrim Ikiavɨra Itir God ataki, egha amiziba ko gumaziba uan paba ko amuiba ataghɨragha, tintinibar uari isava akui. Gumazamiziba zurara tuavir kurabar gɨn zui, egha me uan gavgaviba isa puv arazir kuramra anɨga, gumazamizir igharaziba paza me gami. Kamaghɨn amizɨ, Ikiavɨra Itir God, uan akamɨn gɨn ghua nguazir kam gasɨghasɨki. Ezɨ graziba bar mɨsiga gɨfa, ezɨ nguazim azi. Kɨ Ikiavɨra Itir God, kɨ mɨkemegha gɨfa.”

Aisaia 42:25

A en apanibar amamangatɨzɨ, me iza e ko mɨsosi. Ezɨ tuavir kamɨn, a uan anɨngagharim isa e Israelia, e gingezɨ, an e avara. An anɨngagharim avimɨn mɨn bar en isi. E arazir kamɨn gara, egha deragha fozir puvatɨgha, bizitam gamir puvatɨ.

Jeremaia 14:2

Judan kantrin gumazamiziba bar osɨmtɨzir ekiamɨn ikia azi. An nguibabar aven itir gumazamiziba bar pazavɨra iti. An gumazamiziba tintinibar nguazim girav ikia puvɨram azima, men azirakam Jerusalemɨn nguibamɨn ikegha, nan kuarim bagha ghuavanadi.

Malakai 2:2

Ia na bagh ingangaribar amusɨ, ia guizbangɨra nan ziar ekiam famin ingangaribar amu. Ia nan akaba batogh da baraghan koghtɨ, kɨ Ikiavɨra Itir Godɨn Gavgaviba Bar Itim, kɨ kamaghɨn mɨgei, ia bar ikuvigham. Egh bizir aghuir ia uarir akurvaghasa isiba, kɨ dagh asɨghasigham. Ia ghaze, kɨ ti pura mɨgei, egha nan akaba batosi. Kamaghɨn, kɨ ia gasɨghasigha gɨfa.

Sekaraia 7:5

“Nɨ kantrin kamɨn gumazamiziba ko, an ofa gamir gumaziba kamaghɨn me mɨkɨm, ‘Guizbangɨra, 70plan azeniba dar namba 5ɨn iakɨniba ko, namba 7ɨn iakɨniba ia dagheba ataghɨragha azia aghuimazimɨn iti. Ezɨ ia nan ziam fasa arazir kam gamizir pu. Bar puvatɨ.

Jeremaia 19:8

Eghtɨ Jerusalem ikuvigham, eghtɨ Kantrin Igharazibar Gumazamiziba danganir kamɨn izɨ, bizir kurabar gantɨ, da an ikiam. Eghtɨ me, me dɨpov akɨ mɨsoribar anɨng, dɨgavir kuram damigh atiatingam.

Jeremaia 10:25

Egh Kantrin Igharazibar Gumazamizir nɨn ziam dɨbora a fer puvatɨziba, nɨ men anɨngaghɨ me gasɨghasɨgh. Gumazamizir kaba, e Jekopɨn adarasi, me en maraziv soghezɨ me ariaghire. Me bar e agɨvagha en nguaziba ko dɨpeniba sara bar dagh asɨghasɨki. Kamaghɨn amizɨ, nɨ me gasɨghasɨgh.

Jeremaia 10:22

Ia oragh! Nɨgɨnir ekiar mam notɨn amadaghan oto. Kar apanibar mɨdorozir gumazibar mɨghsɨzir nɨgɨnir dafar kuram, me nɨga akɨzɨrɨgha izi. Me uan nguibam ategha Judan nguibaba ko mɨsoghasa izi. Me Judan nguibaba bar ada agɨvaghtɨ, da afiar atiabar nguibamɨn otogham.

Jeremaia 9:11

Ezɨ Ikiavɨra Itir God na mɨgɨa ghaze, “Kɨ Jerusalem gasɨghasightɨ a irɨgh dagɨar pozim mɨtɨgham. Egh afiar atiabar danganimɨn otogham. Eghtɨ kɨ Judan nguibar igharazibagh asɨghasightɨ, nguibaba pura ikɨtɨ gumazamiziba dar ikian kogham.”

Jeremaia 6:8

O Jerusalemia, ia nan akam barakigh. Puvatɨghtɨ, kɨ zuamɨra akɨrim ragh ia gasaragham. Egh kɨ ia damightɨ ia nguibar soriam gavaghtɨ, gumazamiziba puvatɨgham.”

Aisaia 57:1

Gumazamizir aghuiba ariaghirir dughiamɨn, gumazamiziba men gara men apangkuvir puvatɨ. Egha me kamaghɨn nɨghnɨzir puvatɨ, Ekiam gumazamizir kaba ataghizɨ, me ovea zui, me gɨn izamin dughiar kurabagh itavɨragham.

Fofozir Gumazim 7:2

Gumazim aremeghtɨ, me a bagha azir dɨpenir mamɨn ikɨtɨma, nɨ a bagh mangɨ. Arazir kam, a me dɨpenim ikia isar ekiabagh amir arazim gafira. Guizbangɨra, e bar moghɨra ovengam. Kamaghɨn, e nguazir kamɨn ikɨ bar deravɨra ovevemɨn arazim gɨnɨghnɨgham.

Akɨnafarir Pol Romɨn Nguibar Ekiamɨn Itir Sios Bagha Osirizim 8:22

E fo, bizir God ingariziba bar moghɨra, mati amizim borim batasa mɨzazim isi moghɨn, da mɨzazim isi. Egha da bar puv tuava ara, iza datɨrɨghɨn oto.

Ofa Gami 26:32

Egh kɨ ian nguazim bar a gasɨghasightɨ, ian apaniba nguazir kam inigh a dapiagh an gantɨ, a ikuvightɨ, me dɨgavir kuram damigham.

Jeremaia 4:20

Kɨ garima, me kantrin aven itir danganiba bar dar gumazamiziba paza me gamua me gasɨghasɨzima, biziba bar moghɨra ikufi. Kɨ garima, me zuamɨra en purirpenibagh asɨghasɨki.

Jeremaia 4:27

Egha Ikiavɨra Itir God, kamaghɨn mɨgɨa ghaze, “Kɨ bizir kabar amightɨ da otivasa uan nɨghnɨzim gamigha gɨfa. Egh kɨ ua uan nɨghnɨzim giraghan kogham. Nguazir kam, kɨ a damightɨ a mangɨ bar danganir kɨnimɨn otogham. Egh kɨ bar a gasɨghasighan kogham. Eghtɨ bizir mɨngarir kam bagh, nguazim azirakar onger akabar amutɨ, overiam pɨn pɨghatomegham.”

Jeremaia 25:11

Eghtɨ nguazir kam bar ikuvigh danganir kɨnim otogham. Eghtɨ 70plan azenibar, nan gumazamizir kaba, Babilonɨn atrivimɨn ingangarir gumazir kɨnibar ikiam.

Joel 1:10

Azeniba pura ikia dagheba puvatɨ. Azenimɨn itir dagheba bar ikufi, kamaghɨn amizɨ, nguazim pura ikia mɨsɨngi. Ezɨ wainɨn ovɨziba bar mɨsigha gɨfa. Ezɨ olivɨn borer igiam gɨvasava ami.

Jeremaia 9:9

Bar guizbangɨra, kɨ gumazamizir kabar arazir kuraba ikarvaghɨva, bar me gasɨghasigham. Kɨ Ikiavɨra Itir God, kɨ mɨkemegha gɨfa.”

Jeremaia 9:10

Kɨ Jeremaia, kɨ garima, Mɨghsɨaba ko tuziba itir danganiba, me bar adagh apongegha dagh asɨghasɨghizɨ gumazamiziba ua dagh aruir puvatɨ. Ezɨ bulmakaubar arareba puvatɨzɨ, kuarazibar arareba ua dar otivir puvatɨ. Kamaghɨn kɨ dagh nɨghnɨgha puvɨrama azi. Kɨ da bagha osemegha azir akam bange.