Jeremaia 12:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ O Ikiavɨra Itir God, nɨ kotiaba tuisɨzir arazim a bar dera, ezɨ kɨ zurara uan osɨmtɨzim akɨrsɨ akamadarim nɨ ko a damuan kogham. Ezɨ arazir kɨ fozir puvatɨzir maba iti, ezɨ guizɨn nɨn arazir kotiaba tuisɨzim, kɨ a bagh nɨn azangsɨghasa. Manmaghɨram amizɨ gumazamizir arazir kurabagh amiba me zurara deragha iti? Ezɨ manmagh amizɨ, ifavaribagh amir gumaziba deraghavɨra ikia ghuavɨra iti?

Jeremaia 12:1 ပူးပေါင်းရင်းမြစ်များ

Malakai 3:15

E gumazir uari fa akaba batozibar gari, me bar akuegha deraghavɨra iti. Ezɨ gumazir arazir kurabagh amiba, me bizir aghuir avɨriba iti. Ezɨ gumazir arazir kuraba Godɨn akakaghasa dagh amiba, me ghaze, God ti me gasɨghasɨgham, ti puvatɨgham? Ezɨ God me gasɨghasɨghizir pu. Bar puvatɨ.’ ”

Onger Akaba 92:7

Gumazir kuraba dadabar mɨn zuamɨram otivam. Eghtɨ gumazir arazir kurabagh amiba, me bizir avɨriba inigh deraghvɨra ikɨtɨ, nɨ bar me gasɨghasigham.

Onger Akaba 37:1

Nɨ gumazamizir kuraba amir araziba bagh nɨghnɨgh osɨman markɨ. Egh me amir bizibar gan navim dɨkavan markɨ.

Daniel 9:7

“Ekiam, nɨ arazir aghuibagh amima, ezɨ en arazir kuraba aghumsɨzir ekiam e ganɨngi. Ezɨ kar bar guizbangɨra, e Judan nguibamɨn iti, o e Jerusalemɨn iti, o Israelian gumazamizir kantrin roghɨra itiba ko saghon itiba bar. Guizbangɨra, e nɨn akam batoghezɨ, kamaghɨn nɨ e amadazɨ e tintinibar ghue, ezɨ aghumsɨzir kam en mɨkarzibar ikiavɨra iti.

Jopɨn Akɨnafarim 12:6

Ezɨ okɨmakɨar gumazamiziba ko Godɨn akaba batozir gumazamiziba, men ikɨrɨmɨrim a dera. Me uan fofozim ko gavgavimɨn garima, bizir kamning me bagha ikɨrɨmɨrir aghuim gamima, an otifi, ezɨ bizir kam mati men asemɨn mɨn oto.

Habakuk 1:4

Gumazamiziba Moses Osirizir Arazibar gɨntɨzir puvatɨgha ghaze, nɨn Arazir kaba pura biziba. Ezɨ jasba zurara kotɨn aven nɨn guizɨn Arazibar gɨn zuir puvatɨ. Gumazamizir arazir kurabagh amiba, me gumazir arazir aghuibagh amiziba dɨkabɨra, egha zurara nɨn guizɨn araziba adavadafi.

Onger Akaba 51:4

Kɨ bar nɨrara, nɨn damazimɨn arazir kuram gami. Nɨ uan arazir aghuimɨn gɨn ghua na isa kot gatɨgha, nan arazir kuraba bagha ivezir kuram na ganɨngi.

Onger Akaba 37:35

Kɨ gumazir kuramɨn garima, a gavgavir ekiam iti. A Lebanon kantrin temer sidan mɨn ekevegha tughav ikia, temer igharaziba bar dagh afira.

Sefanaia 3:5

Ezɨ Ikiavɨra Itir God Jerusalemɨn ikiavɨra iti. A guizɨn arazir aghuibaram ami, egha arazir derazir puvatɨziba ana dagh amir puvatɨ. Mɨzarazibar zurara, a guizɨn uan arazimɨn gɨn ghua, bar deragha kotiabagh amua, gumazamizibar araziba tuisɨsi. Egha ingangarir kam ataghɨrazir puvatɨ. Ezɨ gumazir kurar nguibar ekiar kamɨn itiba, me guizɨn arazimɨn gɨn zuir puvatɨ, egha aghumsɨzir puvatɨ. Bar puvatɨ.

Jeremaia 11:20

O Ikiavɨra Itir Godɨn Gavgaviba Bar Itim, nɨ arazir aghuimɨn gɨn ghua gumazamizibar araziba tuisɨsi. Nɨ deravɨra men nɨghnɨziba ko naviba tuisɨsi. Kɨ osɨmtɨzir kam isa nɨn dafarim gatɨ. Kɨ fo, Nɨ gumazamizir kaba ivezir kuram me danɨngɨva bar me gasɨghasigham.”

Jeremaia 12:6

Ezɨ nɨn aveghbuaba ko nɨn adarazi akɨrim nɨ gasaragha, osɨmtɨzim nɨ darɨgh pazɨ nɨ damuasa akam mɨsoke. Egha uari akuvagha nɨ ekɨarugha gɨvagha, bar nɨn suighasa roghɨra izi. Kamaghɨn amizɨ, me izɨ akar aghuibar nɨ mɨkɨmtɨ, me baraghan markɨ.”

Jeremaia 5:11

Guizbangɨra, Israelia ko Judabar gumazamiziba, me akɨrim ragha bar na gasaragha gɨfa. Kɨ Ikiavɨra Itir God, kɨ mɨkemegha gɨfa.”

Jopɨn Akɨnafarim 13:3

Kamaghɨn, kɨ ia ko mɨkɨman bar amɨra. Kɨ Godɨn Gavgaviba Bar Itim ko mɨkɨmasa. Kɨ uan osɨmtɨzir kam akɨrsɨ a ko ga mɨgɨrɨgɨabar uaning mɨsoghasa, kamaghɨn kɨ ifonge.

Esra 9:15

O Ikiavɨra Itir God, nɨ Israelian God, nɨ arazir aghuibaram ami. Ezɨ e arazir kurabagh amima, nɨ pazavɨra e gamima, en ikiavɨra itir varazira iti. Egha e fo, e nɨn boroghɨn mangasava, e gumazamizir aghuiba puvatɨ. E arazir kurabagh amir gumazamiziba, egha e osɨmtɨzim ikia, nɨn damazimɨn tuivan ibura.”

Hosea 6:7

“Gumazamizir kaba, bar faraghavɨra otozir gumazim Adamɨn mɨn ikia, Akar Dɨkɨrɨzir Gavgavir kɨ me ko amizim abɨki. Me zuamɨra akɨrim ragha na gasara.

Aisaia 48:8

Kɨ kamaghɨn fo, kɨ ian ingara ia gamizɨ, ia gumazamizir ikɨzir vamɨran otozir dughiamɨn ikegha, iza datɨrɨghɨn, ia akaba munasa da barazir puvatɨzir adarasi. Egha kɨ fo, ia ifavarir gumazamiziba. Kamaghɨn amizɨ, kɨ bizir kabar gun ia mɨkemezir puvatɨzɨ, ia dagh fozir puvatɨ.

Aisaia 41:21

Ikiavɨra Itir God, a Jekopɨn anabamɨn atrivim, a kamaghɨn mɨgɨa ghaze, “Ia kantrin igharazibar aseba, ia uan akar otevir ia mɨkɨmamiba deragh da akɨrigh, uan akaba gavgavim dar anɨngsɨ kotɨn izɨtɨ, kot deragh ian mɨgɨrɨgɨaba tuisɨgh da baragham.

Aghuzir Akaba 1:32

Ezɨ gumazamizir nɨghnɨzir aghuiba puvatɨziba, zurara akɨribagh igha na gasi, ezɨ men arazir kam me mɨsozima, me ariaghiri. Me ghaze, me bar bizibagh fogha gɨfa, egha me mati gumazir onganiba. Ezɨ men nɨghnɨzir kam meraram asɨghasɨgham.

Onger Akaba 119:137

O, Ikiavɨra Itir God, nɨ guizbangɨra bar dera. Ezɨ bizir nɨ damuasa mɨkemeziba da bar dera.

Onger Akaba 119:75

O, Ikiavɨra Itir God, kɨ fo bizir nɨ damuasa mɨkemeziba da bar guizbangɨra. Nɨ bar na gifuegha, nan araziba akɨrmɨghasa osɨmtɨzim na ganɨngi.

Godɨn Araziba 32:4

En God zurara kamaghɨra iti. A zurara guizɨn arazibaram ami. A mati dagɨar ekiar mamɨn mɨn gavgavigha kamaghɨra iti. A zurara uan akamɨn gɨn ghua egha ifarir puvatɨ. Ezɨ an araziba bar deragha egha voroghɨra iti. A guizɨn arazimɨn gɨn ghua biziba tuisɨgha egha ifarir puvatɨ.

Jenesis 18:25

Nɨ gumazir aghuiba ko kuraba sarama asɨghasɨgham, kar arazir aghuim puvatɨ. Nɨ gumazir aghuiba ko kuraba, arazir vamɨran me damuan markɨ. Nɨ nguaziba bar dar garir Jas, egh nɨ arazir aghuibara damuam.”

Nehemia 9:33

E arazir kuram gami, ezɨ nɨ ivezir kuram e ganɨngi. E fo, nɨn arazir kam bar derazɨ, nɨ guizbangɨra zurara uan akamɨn gɨn ghua en akurvasi.

Onger Akaba 116:5

Guizbangɨra, Ikiavɨra Itir God zuraram en kuarkuva en akurvasi, egha a bar dera. En God, an apangkuvim itir God.

Fofozir Gumazim 8:14

A guizbangɨra, me onganigha kamaghɨn mɨgei, ezɨ kɨ arazir mamɨn garima, a me mɨgeir moghɨn otozir puvatɨ. Ezɨ arazir kam, a bar onganigha bar ikufi. Dughiar mabar, gumazamizir Godɨn damazimɨn deraziba, ivezir kurar gumazamizir kuraba iniamim isi. Ezɨ gumazamizir kuraba, Godɨn damazimɨn derazir gumazamizibar ivezim isi. Ezɨ arazir kam, kɨ ghaze, a uaghan an mɨngarim modozɨ e dagh fozir puvatɨgha okam nɨghnɨsi.

Jeremaia 3:7

Kɨ kamaghɨn nɨghnɨgha iti, me uan arazir kurar kabar amigh gɨvagh, gɨn ua na bagh izam. Ezɨ puvatɨ, me ua izezir pu. An buaramizim Juda, amizir par ikɨzibagh asɨghasɨzir kam, a Israelian arazimɨn gani.

Jeremaia 3:20

Ezɨ puvatɨ. Ia Israelia, ia na tegha gɨvagha, mati amizim pamɨn ikiava anetegha par igharazimɨn iti. Kɨ Ikiavɨra Itir God, kɨ mɨkemegha gɨfa.”

Jeremaia 9:2

Kamaghɨn deragham, kɨ ti gumazamiziba puvatɨzir danganitamɨn mangɨ tuavir mɨriamɨn averpenir gumaziba daru dakuamin tamɨn ingarigh, an aven ikiam. Nan gumazamiziba bar, Godɨn itir nɨghnɨzir gavgavimɨn arazim anetegha, asebar gɨn ghua arazir mɨzɨrɨzibagh ami. Kamaghɨn amizɨ, kɨ ti me ategh mangɨ saghon ikiam.

Jeremaia 32:16

Nerian otarim Baruk, akar dɨkɨrɨzir gavgavim itir akɨnafarim inigha gɨvazɨ, kɨ kamaghɨn Ikiavɨra Itir God ko mɨgei,

Esekiel 18:25

“O Israelɨn ikɨzim, ia zurara kamaghɨn mɨgei, ‘Ekiam amir arazir kaba, da derazir puvatɨ.’ Israelia, ia deravɨra nan akam baragh. Ia ghaze, nan araziba ti ikufi. Bar puvatɨ. Iarara ian arazibara bar ikufi!

Jopɨn Akɨnafarim 8:17

Egha dagɨabar suigha bar gavgafi.

Jopɨn Akɨnafarim 24:12

Nguibar ekiabar aven ovengasava amir gumazamiziba puvɨram arai. Me bar ikuvigha uarir akurvaghasa ara Godɨn dei. Ezɨ God men osɨmtɨzir kabagh nɨghnɨzir puvatɨ.

Jopɨn Akɨnafarim 24:23

God me gamima, me nɨmɨram apiav ikia osɨmtɨziba men puvatɨ. Egha a zurara deravɨra men arazir me amibar gari.

Onger Akaba 51:6

Kɨ fo, nɨ kamaghɨn ifonge, kɨ uan nɨghnɨzimɨn aven nɨn guizɨn akamɨn gɨn mangam. Kamaghɨn, nɨ uan nɨghnɨzir aghuim isɨ nan navir averiam datɨgh.

Daniel 9:14

Ezɨ Ikiavɨra Itir God, nɨ en arazir kuraba ikarvaghasa iti. Ezɨ datɨrɨghɨn nɨ a gamigha gɨfa. Guizbangɨra, Ikiavɨra Itir God, en God, nɨ arazir aghuibaram ami. Ezɨ e nɨn akam barazir puvatɨ.

Malakai 2:17

Ia mɨgɨrɨgɨar guar avɨribagh amizɨma, Ikiavɨra Itir God ian mɨgɨrɨgɨar kaba bar dar amɨra. Ia kamaghɨn azangsɨsi, “E mɨgɨrɨgɨar manabagh amizɨ, Ikiavɨra Itir God en amɨra?” Ia kamaghɨn mɨgei, “Ikiavɨra Itir God gumazir arazir kurabagh amibav gɨa ghaze, Me dera, ezɨ a me gifonge.” Egha ia tintinibar kamaghɨn mɨgei, “Gumazamiziba ghaze, God arazir aghuibaram amua gumazamizibar araziba akɨri. Ezɨ e an garima, a guizɨn arazir katam gamizir puvatɨ.” Kamaghɨn amizɨ, a ian mɨgɨrɨgɨar kaba bar dar aghua.