Jeremaia 11:21 - Godɨn Eghaghanim: Akar Gavgavir Dɨkɨrɨzir Ghurim ko Igiam

²¹ Kɨ orazi Anatotɨn nguibamɨn gumazir maba na mɨsueghtɨ, kɨ aremeghasa kamaghɨn na mɨgɨa ghaze, “Nɨ Ikiavɨra Itir Godɨn ziamɨn uam akatam mɨkɨman markɨ. Nɨ ua tam mɨkɨmtɨ, e nɨ mɨsueghtɨ nɨ aremegham.” Ezɨ Ikiavɨra Itir God, nan dɨmdiam baregha kamaghɨn na mɨgei,

Jeremaia 11:21 ပူးပေါင်းရင်းမြစ်များ

Jeremaia 20:10

Kɨ orazi, gumazamiziba bar nɨmɨra uarira uariv gɨa ghaze, Jeremaia, a ghaze, bizir kurar kam bar danganibar iti, an e damutɨ e atiatingam. Kamaghɨn e a isɨ kotiam datɨka. E datɨrɨghɨrama a isɨ gumazir ekiabar damazimɨn kotiam darɨgham. Nan namakaba kamaghsua ifonge, bizir kurar na bativir kaba na dɨkabɨragham. Me ghaze, “E ti a gifaragh a dɨkabɨraghɨva, an arazir kuram ikarvagham.”

Aisaia 30:10

Egha me kamaghɨn Godɨn ganganir gumaziba ko an irebamɨn mɨn garir bizibar garir gumazibav gei, “Ia ua irebamɨn mɨn garir bizibar ganan markɨ. Egh ia uan akabar kumigh. Ia uam arazir aghuiba ko arazir zuezibar gɨn mangɨsɨ e mɨkɨman markɨ. E oraghasa ifongezir akar e apezeperibaram e mɨkɨm, kar bizir aghuir otivan koghamiba.

Luk Osirizir Akar Aghuim 4:24

Egha a mɨgɨa ghuavɨra ikiava kamaghɨn mɨgei, “Kɨ guizbangɨra ia mɨgei, Godɨn akam inigha izir gumaziba, men adarazi me baraghan aghua.

Matyu 22:6

Ezɨ marazi atrivimɨn ingangarir gumazibar suigha, puv me mɨsoghezɨ me ariaghire.

Matyu 21:35

Ezɨ azenimɨn garir gumaziba ingangarir gumazir kaba inigha, mam mɨsuegha, igharazir mam me a mɨsoghezɨma an areme, egha dagɨabar igharazir mam ginifi.

Matyu 10:21

“Aveghbuaba uarira uari isɨ apanibar anɨngtɨ me me mɨsoghtɨ me arɨmɨghiram. Eghtɨ afeziaba uan boriba uaghan kamaghɨra me damuam. Boriba uan ameboghfeziabar akaba batoghɨva ovengamin arazibar me damutɨ, me arɨmɨghiram.

Jeremaia 1:1

Akɨnafarir kam, Jeremaia mɨkemezir mɨgɨrɨgɨaba an iti. Jeremaia, a Hilkian otarim, a ofa gamir gumazir mam, a Benjaminɨn anabamɨn gumazim, egha Anatotɨn nguibamɨn iti.

Jeremaia 32:7

“Nɨ oragh. Nɨn aveghbuam, Hanamel, a nɨn afeziar dozim Salumɨn otarim, a nɨ bagh izam. Egh a nguazir Anatotɨn itim givesɨ nɨn azangam. Nɨ fo, nɨ an aveghbuar bar an boroghɨra itim, ezɨ nɨ nguazir kam givezamin faragh mangamin gumazim.”

Jeremaia 34:20

Kɨ me isɨ apanibar dafarim datɨghtɨ, apaniba me mɨsueghtɨ me arɨmɨghiregham, eghtɨ kuaraziba ko asɨziba izɨ men kuabar amam.

Jeremaia 1:19

Kɨ Ikiavɨra Itir God, kɨ mɨkemegha gɨfa, Kɨ uabɨ nɨ ko ikɨ nɨn akurvagham. Eghtɨ gumazir kaba nɨn apanimɨn ikɨva, nɨ dɨkabɨragh nɨ abɨnsɨ damuva avegham.”