Jeremaia 11:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Kɨ faragha ia dɨbora ghaze, Israelia ia mati olivɨn temer aghuir mam bava ovɨzir aghuiba iti. Eghtɨ kɨ datɨrɨghɨn olivɨn temer kam avim a datɨghtɨ, avim ararimɨn mɨn pamten dagarvagh, temer kam gaseghtɨ, a isiva aguaba bar dɨpɨrighiregh bar gɨvagham.

Jeremaia 11:16 ပူးပေါင်းရင်းမြစ်များ

Aisaia 27:11

Ezɨ temer kabar aguaba mɨsigha gɨvazɨ, dar aguaba dɨpɨraghira nguazim girima, amiziba avibar arɨghasa iza dagh eghufi. Nguibar ekiar kamɨn itir gumazamiziba, me bar onganigha akaba baraghan aghua, kamaghɨn, arazir kam me batifi. Kamaghɨn amizɨ, God, a Godɨn men ingarizim, a men apangkuvir puvatɨgha deragha me gamir puvatɨ.

Onger Akaba 52:8

Ezɨ kɨ, olivɨn tememɨn mɨn Godɨn Dɨpenimɨn aven tughav ikia deravɨrama aghui. Kɨ nɨghnɨzir gavgavim an apangkuvir arazimɨn ikɨ mamaghɨra ikiam.

Onger Akaba 80:16

En apaniba anetugha a isa avim mɨkɨnigha gɨfa. Nɨ uaghan me atugh me gasɨghasightɨ deragham.

Jon Osirizir Akar Aghuim 15:6

Eghtɨ gumazitam nan poroghan kogh, egh a mati wainɨn ikarɨzimɨn agharim me a makunizɨ a mɨsɨngi. Egha me agharir kaba akuva da isava avim mɨkɨra egha dagh aboi.

Matyu 3:10

Sobiam datɨrɨghɨn temer povibar iti, eghtɨ temer dagher ovɨzir aghuiba itir puvatɨziba, God bar da okeghɨva da isɨva avim mɨkɨnam.

Jeremaia 21:14

Kɨ ian arazir kurar ia amiziba ikarvagh pazavɨra ia damigham. Kɨ avim damightɨ a Jerusalemɨn nguibar ekiamɨn otogham, mati avim ruarir arɨzimɨn dɨkavigha isi, egh avir kam atrivimɨn dɨpenimɨn isitɨ, Jerusalemɨn dɨpeniba uaghan bar moghɨra isigham. Kɨ Ikiavɨra Itir God, kɨ mɨkemegha gɨfa.”

Onger Akaba 83:2

Nɨ gan, nɨn apaniba me mɨdoroziba fori da otifi. Ezɨ gumazir nɨn aghuaziba nɨn akaba batosi.

Akar Mogomem 11:4

Gumazir kamning mati olivɨn temer pumuning ko lamɨn pumuning nguazir kamɨn Ekiamɨn guamɨn tughav iti.

Godɨn Araziba 28:40

Eghtɨ olivɨn temer avɨrim ian nguazimɨn otivigh bam. Eghtɨ olivɨn ovɨziba tɨghar maghɨn anisɨ damu, puram asighɨrɨ nguazim giram. Kamaghɨn amizɨ, ia dar borem uarir aghuighan kogham.

Jopɨn Akɨnafarim 8:16

Gumazamizir kaba fomɨra mati grazir gavgavibar mɨn azenimɨn ike. Me deravɨram aghuima men biba azenimɨn danganiba bar dar ghue.

Jeremaia 7:20

Kamaghɨn, kɨ Ikiavɨra Itir God, men Ekiam, kɨ uan anɨngagharim bar a isɨ nguibar ekiar kamɨn gumazamiziba, ko asɨziba, ko temeba, ko dagheba, kɨ bar me gingegham. Nan anɨngagharim avir ekiamɨn mɨn irɨtɨ tav anemungeghan kogham.”

Hosea 14:6

Me deraghvɨra otogham, mati tememɨn ghuzir igiaba otifi. Men ganganim bar deragham, mati olivɨn temer dirimɨn mɨn bar dera. Eghtɨ gumazamiziba bar me bagh bar akuegham, mati me kantri Lebanonɨn temer sidabar mughuriar aghuariba bagha agoi.

Onger Akaba 80:17

Nɨn gumazamizir nɨ ua bagha inabaziba, nɨ me gamizɨ me ekevegha bar gavgafi. Nɨ men akuragh deragh men gan.

Jeremaia 2:21

Kɨ nguazir kamɨn ia atɨ, mati gumazim uan azenimɨn wainɨn ikarɨzir aghuir mam ginabagha anekara, eghtɨ a gɨn bɨva ovɨzir bar aghuiba ikiam. Ezɨ manmaghɨn amizɨ ia datɨrɨghɨn iragha ruarimɨn wainɨn ikarɨzir atiamɨn mɨn oto?