Jeremaia 11:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Jeremaia, gumazamizir kaba dughiar kuram bativamin dughiamɨn, nɨ me bagh na ko mɨkɨman markɨ. Nɨ me bagh pamten nan dɨman markɨ. Nɨ men akurvaghsɨ nan azangsɨghan markɨ. Guizbangɨra, me uarir akurvaghsɨ nan dɨmtɨ kɨ me bareghan kogham.”

Jeremaia 11:14 ပူးပေါင်းရင်းမြစ်များ

Jeremaia 7:16

Egha Ikiavɨra Itir God, ua kamaghɨn na mɨgei, “Jeremaia, nɨ ua gumazamizir kaba bagh nan azangsɨgh nan dɨmɨva arangan markɨ. Kɨ nɨn azangsɨzitam bareghan kogham, kamaghɨn nɨ men akurvaghsɨ nan azangan markɨ.

Jeremaia 11:11

Kamaghɨn kɨ Ikiavɨra Itir God, kɨ guizbangɨra mɨgei, kɨ zuamɨra bar me gasɨghasɨghtɨ, me itavraghamin tuaviba puvatɨgham. Egh me akurvazim bagh nan dɨmɨva arangtɨ, kɨ me bareghan kogham.

1 Jon 5:16

Godɨn borir igharazitam arazir kurar helɨn magɨran koghamim damutɨ, tina foghɨva a bagh God ko mɨkɨm. Eghtɨ God ikɨrɨmɨrir aghuir zurara itim a danɨngam. Kar kɨ arazir kurar gumazim damightɨma a helɨn magɨran koghamibav gei. Arazir kurar mam iti, a guizbangɨra gumazibagh amima me helɨn aven zurara ikiava Godɨn saghon iti. Kɨ gumazamizir arazir kurar kabagh amiba God men akurvaghasa kɨ ia mɨgeir puvatɨ.

Jeremaia 14:11

Egha Ikiavɨra Itir God, kamaghɨn na mɨgɨa ghaze: “Jeremaia, gumazamizir kaba, kɨ deragh me damusɨ, nɨ me bagh nan azangsɨghan markɨ.

Ua Me Ini 32:10

Kɨ me bagh navim isi bar men anɨngaghegham. Egh kɨ bar me gasɨghasigham. Eghtɨ nɨ nan anogoroghan kogham, bar markɨ. Egh gɨn kɨ nɨ ko nɨn boribar adarazir amightɨ, me ikɨzir gavgavir mamɨn otogham.”

Onger Akaba 66:18

Kɨ ti arazir kuram uan navir averiamɨn a gifongezɨ, Ekiam nan azangsɨzim bareghan koghai.

Hosea 5:6

Ikiavɨra Itir God me ategha gɨfa. Kamaghɨn amizɨ, me sipsipba ko bulmakauba inigha a bagha iza, an ofa damuasava ami. Mevzika, me uam a batoghan kogham.

Jeremaia 15:1

Egha Ikiavɨra Itir God, kamaghɨn na mɨgei, “Jeremaia nɨ oragh. Moses ko Samuel nan boroghɨn izɨva, gumazamizir kabar akurvaghsɨ izɨ nan damazimɨn tugh na ko mɨkɨm nan azangam, eghtɨ kɨ apangkuvitam men ikian kogham. Nɨ gumazamizir kaba batueghtɨ me mangɨ! Nan mukuragh! Kɨ ua kagh men ganan aghua.

Sekaraia 7:13

Me nan akaba barazir puvatɨzir bizim bangɨn, kɨ men azangsɨziba barazi puvatɨ. Kɨ Ikiavɨra Itir Godɨn Gavgaviba Bar Itim kamaghɨn, kɨ mɨkemegha gɨfa.

Malakai 2:13

Ezɨ kɨ bizir kurar igharazir ia amir mamɨn gun ua ia mɨkɨmam. Ofan ia Ikiavɨra Itir God bagha inigha zuiba a ua da isir puvatɨ. Kamaghɨn amizɨma, ia pamtemɨn aziava araima, ian temeriba Ikiavɨra Itir Godɨn ofa gamir dakozim giri.

Jeremaia 14:12

Eghtɨ me ti na bagh dagheba ataghɨragh nan akurvazim bagh na ko mɨkɨmtɨ, kɨ me bareghan kogham. Eghtɨ me ti, ofan na bagh tueghtɨ bar isi mɨghɨramiba ko, witɨn ofan tuamiba, na danɨngtɨ, kɨ dagh ifuegh da inighan kogham. Puvatɨ. Kɨ apaniba amadaghtɨ, me izɨ me mɨsueghtɨ me arɨmɨghiregham. Egh kɨ me damutɨ, me dagheba puvatɨgh arɨmɨghiregham. Egh kɨ arɨmariar ekiabar amutɨ, da me bativtɨ me arɨmɨghiregham.”