Jeremaia 11:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Eghtɨ Judaba ko Jerusalemia, aser me ofan mughuriar aghuim zuiba anɨdiba bagh mangam. Egh me aser kabar dɨmtɨ, da dughiar kurar kamɨn aven men akuraghan kogham.

Jeremaia 11:12 ပူးပေါင်းရင်းမြစ်များ

Jeremaia 2:28

Ezɨ marvir guar ia uari ingariziba, dar dɨbobonim Judan nguazimɨn itir nguibabar dɨbobonim gafira. Kamaghɨn amizɨ, ia osɨmtɨzim itir dughiam, ia men dɨmtɨ, da ian akurvaghamin tuavitam ikɨ, ian akurvagh. Ti puvatɨgham!”

Godɨn Araziba 32:37

Egh Ikiavɨra Itir God, kamaghɨn uan gumazamizibar azangam, ‘Ia ti ghaze, aser kaba ian akurvaghamin gavgaviba iti. Ia fomɨra uarir akurvaghasa da bagha ghue. Ezɨ datɨrɨghɨn da manmaghɨn ami?

Aisaia 45:20

Ikiavɨra Itir God ghaze, “Ia Kantrin Igharazibar Gumazamizir ikiavɨra itir varazira, ia izɨ uari akufagh! Ia gumazamizir mɨdorozimɨn aven deravɨra ikia, ikiavɨra itiba, ia bar moghɨra kot bagh izɨ! Me uan marvir guar me pura ter otevir kɨnibar ingariziba, da inigha tintinibar dar atera izi. Kɨ men gara ghaze, Me guizbangɨra nɨghnɨzir aghuiba bar puvatɨ. Me uarir akurvaghasa asebar dei, ezɨ da gumazitamɨn akuraghamin gavgaviba puvatɨ.

2 Eghaghaniba 28:22

Atrivim Ahas osɨmtɨzir avɨriba isir dughiamɨn, a Ikiavɨra Itir God gɨnɨghnɨzir puvatɨ. A bar akɨrim ragha Ikiavɨra Itir God gasaragha, arazir bar kurar avɨribagh ami.

Gumazir Dapaniba 10:14

Ia mangɨ aser ia uari bagha inabazibar dɨm. Egh ia osɨmtɨzim bativamin dughiamɨn, me ti ian akurvagham.”

Godɨn Araziba 32:38

Ia da bagha ofa gamua, da damasa asɨzibar oviba ko wain me ganɨngi. Kamaghɨn, me ti datɨrɨghɨn ian akuragh, danganir kurar kamɨn ua ia inigh.

Jeremaia 44:8

Ia datɨrɨghɨn Isipɨn ikia, egha ia uan dafaribar asebar marvir guabar ingara, ofan mɨgharir mughuriar aghuim zuiba, aser igharagha garibagh anɨdi. Ezɨ ian arazir kam na gamima, kɨ bar puvɨram anɨngaghe. Eghtɨ kamaghɨn ia ikuvigham. Eghtɨ Kantrin Igharazibar Gumazamiziba bar ia dɨpova, akar asuir kurabar ia mɨkɨmam. Egh me uan apaniba akar kurabar me mɨkɨmsɨ, me kamaghɨn mɨkɨmam, ‘Ia Judaba ikuvizɨ moghɨn ia ikuvigham.’

Aisaia 46:7

Egh me marvir guar kam uan dɨpɨzibar afegh, aneter mangɨ, danganir me anesasa dɨkɨrɨzimɨn anesaraghtɨ, a mɨtɨghiv ikiam. Marvir guar kam uabɨ daru danganir igharazimɨn mangan kogham. Kamaghɨn amizɨ, a danganir me anetɨzir kamra iti. Egh gumazir an deibar dɨmdiaba ikarvaghan koghɨva, egh dughiar kurabar men akurvaghan kogham. Bar puvatɨ.

Jeremaia 18:15

Ezɨ nan gumazamiziba bar na gɨn amada. Egha me aseba bagha ofan mɨgharir mughuriar aghuim zuibagh ami. Me kamaghɨn amua iregha, tuavir men afeziba fomɨra gɨn zuim ategha, datɨrɨghɨn tuavir aguar kurar kabar zui.