Jeremaia 10:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Aser marvir guar kaba, me dar kurkiasa, Tarsisɨn nguibamɨn ghua silva isa, egha ghua Ufasɨn nguibamɨn gol ini. Egha iza gol ko silvan ingarir darazigh anɨdi, eghtɨ me uan marvir guaba avam. Egha me inir blupla ko pɨghagheviba isamigha asebar marvir guar kabar kurti. Kurkazir marvir guar kabar itiba, kar dɨgɨribagh amir fofozir gumaziba ingangarir kaba bar dagh ami.

Jeremaia 10:9 ပူးပေါင်းရင်းမြစ်များ

Onger Akaba 115:4

Kantrin Igharazibar Gumazamiziba, silva ko gol isa uan marvir guabar ingari. Me uari uan dafaribar dar ingari.

Daniel 10:5

Egha uan guam fegha garima, gumazir mam korotiar bar ghurghurim arugha, letiar golɨn aghuimɨn ingarizim ike.

Aisaia 40:19

Ezɨ, asebar marvir guaba, gumazir dɨgɨribagh amiba, me da aghora dar ingari. Ezɨ golɨn ingarir gumaziba me golɨn da nomke, egha da ikiasa silvan senbar ingari.

1 Atriviba 10:22

Solomon kurir avɨriba iti, ezɨ kurir kaba da Atrivim Hiramɨn kuriba ko, ongarimɨn arui. Kurir kaba zurara azenir 3pla gɨvaghtɨ, me bizir aghuir kaba ater ua Israelɨn izam. Kar gol, ko silva, ko elefanɨn atariba, ko monkiba, ko kuarazir bar diriba.

Esekiel 27:12

“Nɨ kantri Spen ko bizibagh iveza da amadir dagɨar ingangarim gami. Ezɨ me nɨ da bizir bar avɨriba iniasa, silva ko ain ko bizir igharazir maba sara isa ivezimɨn mɨn nɨ ganɨdi.

Onger Akaba 72:10

Spenɨn kantrin atriviba ko arighatɨzibar atriviba, me bizir aghuiba a danɨngam. Egh uaghan, Seban kantri ko, Arebian kantrin atriviba, me a bagh takisba inigh izam.

Aisaia 23:6

Ia gumazamizir ongarir mɨriamɨn itiba, ia naviba ikuvigh, aziv arangɨva, arɨ bar saghon Tarsisɨn nguazimɨn amadaghan mangɨ.

Esekiel 27:7

Egha me Isipɨn kantrin ghua inir bar aghuir mam inigha kurimɨn duir inimɨn ingari. Inir kam me dɨgɨrir bar aghuiba tretɨn da isami. Eghtɨ kurim saghon mar izɨtɨ, gumazamiziba bar deragh an ganam. Egha me Saiprusɨn Arighatɨzimɨn ghua bluplan nir aghuiba ko, inir pɨghaghevir maba inigha kurimɨn da gui. Eghtɨ kurimɨn ingangarir gumaziba dar apengan dapiv ikiam.

Jona 1:3

Ezɨ puvatɨ Jona Ikiavɨra Itir Godɨn arɨ, nguibar ekiam Tarsisɨn mangasa nɨghnɨsi. Egha Jopan nguibar ekiamɨn uaghira kuriba itir danganimɨn gari, ezɨ Tarsisɨn mangamin kurir mam iti. Ezɨ a uan kurir ivezim akɨrigha gɨvagha kurimɨn ingarir gumaziba ko kurimɨn bɨragha Ekiamɨn arava Tarsisɨn zui.

2 Eghaghaniba 9:21

Solomon kurir avɨriba iti, ezɨ kurir kaba da Atrivim Hiramɨn ingangarir gumaziba ko, ongarim garui. Kurir kaba zurara azenir 3pla gɨvaghtɨ, me bizir aghuir kaba ater ua Israelɨn izam. Kar gol, ko silva, ko elefanɨn atariba, ko monkiba, ko kuarazir bar diriba.

Hosea 8:6

Israelian ingangarir gumazir mam marvir guar kamɨn ingari. Bizir kam, a God puvatɨ, a pura nedazir kɨnim. Bar guizbangɨra, kɨ bulmakaun kam abɨghɨrarightɨ, a pura mɨnezir kɨnimɨn otogham.