Jeremaia 10:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Gumazir kaba bar fofoziba puvatɨgha bar ongani. Marvir guar me temebar dɨkɨrigha arɨghizir kaba, pura biziba, da fofozir aghuir manatam me danɨngam? Bar puvatɨ.

Jeremaia 10:8 ပူးပေါင်းရင်းမြစ်များ

Sekaraia 10:2

Gumazamiziba, me gɨn otivamin bizibagh foghasa, aseba ko kukunir gumazibar azangsɨsi. Ezɨ me ifavarir akabar me gami. Gumazir maba irebabar mɨngaribar gun mɨgei, me uaghan ia gifari. Me ghaze ia navir amɨrizim iniam, ezɨ puvatɨ, ian navir osɨmtɨzim ikɨvɨra ikiam. Gumazamiziba mati sipsipba tintiniba arua ovegha gɨfa. Me geghuvir gumaziba puvatɨzɨ, kamaghɨn amizɨ me osɨmtɨziba ateri.

Jeremaia 10:14

Ezɨ gumazamiziba, me bar onganigha bizitam gɨfozir puvatɨ. Gumazir marvir guaba golɨn dar ingariba, me bizir me ingarizir kaba bagh bar aghumsɨgham. Kar guizɨn godba puvatɨ. Marvir guar kaba, da amɨnir datɨrɨghɨn en ikia angamɨra itir kam puvatɨ.

Habakuk 2:18

“Iavzika! Ia gumazir kamaghɨn ter oteviba ko, dagɨabav mɨgeiba, ‘Ia daguim ategh dɨkafigh,’ ia bar ikuvigham. Ia ti ghaze, bizir kam dɨkavigh bizitam ian akagham. Bar puvatɨgham. Marvir guar kaba manmaghɨn ian akuragham? Me ian akuraghan kogham. Marvir guar kaba, kar bizir gumaziba uari gol ko, temer otevibar ingariziba. Kamaghɨn amizɨ, bizir kaba guizɨn akatam akarigh ia mɨkemeghan kogham. Da pura ia gifari, ezɨ ia bar ikuvigham. Gumazim uabɨ marvir guar kam akɨrigha ghaze, bizir kam a nan akuragham. Bar puvatɨgham. Marvir guar kam, bar akam akarigh bizitam mɨkemeghan kogham. Eghtɨ ia silva ko, golɨn bar deraghvɨram an kurkegham, arazir kam a pura bizim. Guizbangɨra, an angamɨra itir puvatɨ, egh a bar bizitam ia bagh a damighan kogham.

Aisaia 44:19

Gumazim nɨghnɨzir aghuim ikɨ, arazir kam tuisɨgh egh kamaghɨn mɨkɨmam, ‘Kɨ temer otevir kabar mabar avim atɨ, egha uaghan bretba ko asɨziba tuegha da ame. Egh tizim bagh kɨ an otevir kam inigh, bizir bar kurar kamɨn marvir guamɨn ingarigh, uan tevimning apɨrigh an ziam fam?’ Guizbangɨra, gumazamizir onganir kaba, me nɨghnɨzir aghuiba puvatɨgh mɨgɨrɨgɨar katam damuan kogham.

Aisaia 41:29

Ia gan! Aser kaba da pura bizir kɨniba. Dar nedaziba mati amɨnim pura ivai. Da bizitam damuamin gavgaviba puvatɨ.”

Onger Akaba 135:18

Guizbangɨra, gumazir marvir guar kabar ingariba, me uari marvir guar me ingarir kabar mɨn iti. Gumazir nɨghnɨzir gavgavim marvir guabar itiba, me uari dar mɨn iti.

Onger Akaba 115:8

Guizbangɨra, gumazir marvir guar kabar ingariba, me uari marvir guar me ingarir kabar mɨn iti. Gumazir nɨghnɨzir gavgavim marvir guabar itiba, me uaghan dar mɨn iti.

Jeremaia 4:22

Ezɨ Ikiavɨra Itir God, kamaghɨn na ikaragha ghaze, “Nan gumazamiziba fofozir aghuiba puvatɨ, egha na gɨfozir puvatɨ. Me boribar mɨn fofoziba puvatɨgha bar ongani. Egha arazir kuram gamir arazim me bar a gɨfogha, arazir aghuibar amuamin arazim me bar a gɨfozir puvatɨ.”

Jeremaia 2:27

Ia dagɨaba ko temebar dɨkɨrɨzir marvir guabar ziaba fa ghaze, Da en ingarigha ikɨrɨmɨrim e ganɨngi. Da en afeziabara. Egha ia akɨrim ragha na gasara. Egha osɨmtɨziba isir dughiabar, ia uarir akurvaghasa nan dei.

Hosea 4:12

Egha me akar mogomeba azenim darɨghasa, pura ter otevibar ingarizir marvir guabar azangsɨsi. Me ghaze, ter otevir kaba, bizir me foghasa ifongezibar gun me mɨkɨmam. Me na ategha gɨfa, egha asebar gɨn zui, mati amizir mam tintinimɨn gumaziba koma akui.

Aisaia 44:18

“Gumazamizir kamaghɨn amiba, me bar guizbangɨram ongani. Bizitam ti men damazibagh amizɨ, me damazir okavɨrɨziba ikia bizibar gari puvatɨ. Bizitam ti men nɨghnɨzibagh amizɨ, me ghua bar ongani.

Jeremaia 3:9

A ghaze, an arazir tuavimɨn amiziba gumaziba okɨa me isava akuir kam, a pura bizim. Egha a dagɨaba ko temebar marvir guabar ziaba fe. A kamaghɨn amua, nguazir kam gamizɨ, a nan damazimɨn bar mɨze.

Jeremaia 5:4

Ezɨ kɨ ghaze, Gumazamizir kaba, pura onganarazibagh amir gumazamizibar mɨn ikia, egha fofoziba bar men puvatɨ. Egha me Ikiavɨra Itir God, men God, a me damuasa ifongezir araziba, me deravɨra dagh fozir puvatɨ. Kamaghɨn, me arazir onganibagh ami.

Jona 2:8

Gumazir maba gavgaviba puvatɨzir marvir guabar ziaba fe. Gumazir kaba arazir nɨn gɨn zuim ataki.