Jeremaia 10:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ezɨ marvir guar kaba biziba dar puvatɨ, da nedazir kɨniba. Kuaraziba izɨ gumazibar azenibar zuravariba ko daghebar amɨsɨ, dar gan atiatingasa me dar ingarigha da ase. Men marvir guar kaba mɨgeir puvatɨ. Egha da aruir puvatɨzɨ, gumaziba da ateragha arui. Me ian tav gasɨghasighan kogham, kamaghɨn ia dar atiatingan markɨ. Me uaghan bizir aghuitam damightɨ an otoghan kogham.”

Jeremaia 10:5 ပူးပေါင်းရင်းမြစ်များ

Aisaia 46:7

Egh me marvir guar kam uan dɨpɨzibar afegh, aneter mangɨ, danganir me anesasa dɨkɨrɨzimɨn anesaraghtɨ, a mɨtɨghiv ikiam. Marvir guar kam uabɨ daru danganir igharazimɨn mangan kogham. Kamaghɨn amizɨ, a danganir me anetɨzir kamra iti. Egh gumazir an deibar dɨmdiaba ikarvaghan koghɨva, egh dughiar kurabar men akurvaghan kogham. Bar puvatɨ.

1 Korin 12:2

Ia kamaghɨn fo, ia fomɨra Kraisɨn adarazir otivizir puvatɨzir dughiamɨn, biziba tintinimɨn ia getuima, ia mɨgeir puvatɨzir marvir guar kaba pura dar gɨn zui.

1 Korin 8:4

Ezɨ, asɨzir me marvir guabar ofa gamua apir arazim, kɨ a mɨkɨmasa. E fo, marvir guam, a guizɨn bizim puvatɨ, a nedazir kɨnim. Godɨn avɨriba puvatɨ. Godɨn bar vamɨra iti.

Aisaia 46:1

Ikiavɨra Itir God kamaghɨn mɨgei, “Ia Babilonia, ian aser kamning, Bel ko Nebo, ia aningɨn ziamning fava, egha aningɨn marvir guamning atera, aningɨn ziamning famin dughiar ekiabagh arui. Eghtɨ aningɨn ziar ekiamning gɨvaghtɨ, ia aningɨn gantɨ, aning uaningɨn akurvaghamin gavgaviba puvatɨgham. Egh apaniba izɨ Babilonɨn nguibar ekiam gasɨghasɨghtɨ, ia donkibar aning ikegham. Eghtɨ donkiba, mevzika, da ingangarir dafam damu, aning ater mangɨ ia ko kantrin igharazimɨn kalabusɨn ikiam.

Aisaia 45:20

Ikiavɨra Itir God ghaze, “Ia Kantrin Igharazibar Gumazamizir ikiavɨra itir varazira, ia izɨ uari akufagh! Ia gumazamizir mɨdorozimɨn aven deravɨra ikia, ikiavɨra itiba, ia bar moghɨra kot bagh izɨ! Me uan marvir guar me pura ter otevir kɨnibar ingariziba, da inigha tintinibar dar atera izi. Kɨ men gara ghaze, Me guizbangɨra nɨghnɨzir aghuiba bar puvatɨ. Me uarir akurvaghasa asebar dei, ezɨ da gumazitamɨn akuraghamin gavgaviba puvatɨ.

1 Atriviba 18:26

Ezɨ asem balɨn akam inigha izir gumaziba, bulmakaun gumazamiziba inigha izezir kamningɨn mam ini. Egha ofa damuasa bizibar kɨri. Egha me mɨzaraghara asem Bal ko mɨgɨa, an dɨa ghua aruer arɨzimɨn tu. Me kamaghɨn dɨa mɨgɨa ghaze, “Bal, nɨ en dɨmdiam baraghasa e ifonge.” Ezɨ me dɨa mɨgeir mɨgɨrɨgɨabar ikarvaziba pu. Bar puvatɨ. Me onger akaba banga, igha uari akura ofa gamir dakozir gumaziba ingarizir kam gighuagha rui.

Jeremaia 10:14

Ezɨ gumazamiziba, me bar onganigha bizitam gɨfozir puvatɨ. Gumazir marvir guaba golɨn dar ingariba, me bizir me ingarizir kaba bagh bar aghumsɨgham. Kar guizɨn godba puvatɨ. Marvir guar kaba, da amɨnir datɨrɨghɨn en ikia angamɨra itir kam puvatɨ.

Godɨn Araziba 4:28

Egh ia kantrin kabar ikɨ marvir guar gumaziba temeba ko dagɨabar ingarizibar ziaba fam. Nedazir kaba, bizibar garir puvatɨgha, biziba barazir puvatɨgha, apir puvatɨgha, bizibar mughuriaba barazir puvatɨ.

2 Eghaghaniba 25:15

Ezɨ Ikiavɨra Itir God, Atrivim Amasian arazir kamɨn ganigha bar a baseme. Egha Ikiavɨra Itir God uan akam inigha izir gumazim amadazɨma, a ghua kamaghɨn Amasia mɨgei, “Nɨ tizim bagha ikɨzir igharazimɨn asebar ziaba fe? Nɨ fo, aser kaba uan adarazir akuragha nɨn dafarimɨn ua me inizir puvatɨ. Ezɨ, nɨ tizim bagha dar ziaba fe?”

Aisaia 16:12

Moapian gumazamiziba uan asebar ziaba fasa mɨghsɨabar ghuavanega, dar dɨpenibar aven dar dei. Me arazir kabagh amua pura uan gavgaviba agefi. Ezɨ men arazir kam tong men akurvazir puvatɨ.”